الدكتورة صرفت لي حبوب مانع

بنات اليوم عندي مراجعة بمستشفى الصباح على اساس ابدأ بكورس طفل انبوب المهم سوت لي سونار وقالت فيج كيس باليسار خذي هالعلاج وتعالي الدورة الياية المهم طلعت للصيدلية قالت العلاج من برا

وكانت الصدمة انها مسجلة لي علاج حبوب منع حمل

سؤالي منو عندها اكياس وبشنو عالجته ؟

وشكو حبوب المانع بالاكياس ؟

انتظر ردودكم

والله مـــادري .. ومـــأأعندي فكرره

أب لعيوونج

انا الا اعرف المانع يعتبر علاج حق التكيسات…

ربي يوفقج

اتوقع حبيبتي صرفت لج حبوب المااانع للتكيس
وبما تخلصي منها وتتركيه تنزل عليج الدوره
وماتمنع الحمل وربي يرزقج ياكريم

مشكورين بس في وحدة جربت علاج غير حبوب المانع

حبيبتي عادي كل دكتوره رحتلها قالتلي ان علاج الاكياس خصوصا اذا كانت صغيره وماتحتاج عمليه هو حبوب منع الحمل عشان ينزل وفي دكتور اسامه صالحه قاللي لاتاخذينه ووصفلي حبوب اللي ترفع الدوره
فعادي حبوبه كل دكتور له علاجه اذا شاف في اكياس
وانا عن نفسي مابي اضيق خلقج بس استمريت مره على حبوب منع الحمل لمده شهرين ورا بعض عشان ينزلون وللاسف مانزلو
الله يشافي ويفرح الجمييع

توقيعج حطم قلبي ياروحي انتى يااارب ات ترزقج توام يارب يارحيم تحملين يااارب عاجل يارحيم غير اجل

رب لا تذرني فردا وانت خير الوارثين

اكثر شي للتكيس يستخدمون مانع

رب لا تذرني فردا وانت خير الوارثين

أي عادي المانع اهو علاج الأكياس وعسى الله يرزقج

انا اخذت حبوب ياسمين لان عندي كيس عاليسار ، الله يرزقك ويرزقنا الذرية الصالحة يارب

الاكياس علاجها حبوب المانع

ربي يوفقج

اب اب اب