الدزة

السلام عليكم يا بنات

خطبنا حق اخوي واخيييييرا وواعدته انا اتكفل بموضوع صندوق الدزه بس بصراحة ما اعرف بهالسوالف
بقوللكم عن دزتي كانت بسطة كلش كلش كلش

صندوق صغير مقاسه تقريبا 20 في اربعين سانتيمتر وداخلو كسره بخور كانت وايد حلوة لي الحين خاشتها حق العيد والمناسبات فقط وغرشه عطر خالتي كانت تقول انه بحول 100 دينار بس الظاهر انها غلطانه او قصو عليها ( ادري انها ما تجذب حرام) بس العود كان جذاب من اجمل وسعره 10 دنانير بس! والفلوس كانت مربوطه بسير!

احنا طريقتنا ما نتجمع حق الدزة يعني كان في بس انا وامي ( ما عندي خوات) وخالتي يابت الدزه واظن كانت معاها بنتها او بناتها ما اذكر

بصراحة لما شفت دزات الناس حسيت ان دزتي كانت تفشششششششششلللل بس ما الوم خالتي لانها بسيطة وما تعرف بسوالف الخبة زما عندها الا ولدين زوجتهم ورا بعض ومرت حماي من اهلهم يعني ما اختبو كلش

الحين شسوي يا بنات بدزه اخوي؟؟

انا ترى بسيطة ما احب الخبة حييييييييل احب البساطة بس هم احب السنع يعني ابي الدزة خصوصا اني داقة الصدر وقايلة بتكفل فيها ابيها تطلع حلوة والي فيها يواجه وبنت الناس تستاهل خوش بنت واهلها خوش ناس واخوي بعد يستاهل

شورو علي حبايب

او علااقل قولو تجاربكم

وما تقصرون

روحي الدرر المنثور
او محلات الشايع
او حتى لو بيت الهدايا بكل جمعيه موجود منه

راح تلقين صناديق مخصصه للدزه وفيها مكان تحطين فيه المهر وتقدرين انتي تزيدين من عندج بشويه هدايا ( بخور عطور ساعه طقم ذهب ….الخ )

هذا ابسط وارقى شي تقدرين تسوينه

عسووله فيه جاهزين

فيه مجمع سنام اللي بحولي محل فوق
واذا تبين تزيدين عليه أو انتي تصممين صندق اشتري صندوق من الشايع فيه دروج ووديه الهدايا وغلفيه بستان

وحطي فيه من الحرمين خلطه علبتها حمرا رووووعه وملفع ماركه والفلوس وبخور وجم عطر وساعه

بصراحة الغالية,,,

نحن عندتا في الامارات,,

فالملجة اهل المعرس اييبون ,,صندوقين صندوق للبنت وصندوق لامها,,

طبعا فيهم قطع حرير وشيل ودخون وعطور وتولات العود ومخمرية ,,,

والحين قاموا يحطون عليهم زود البدي لوشنز ,,

احنا نفس الشي حبيبتي
بس ما نييب حق الام بس حق العروس
مهر وهدايا منها العطور والبخور واطقم ذهب وساعه الماس بعض الاحيان وقمصان نوم

الف شكر حبيباتي
نخدمكم في الافراح
قولو امين

اي محل يبيع عطورات ودهن عود قوليله وين صندوق حق الدزه راح يطلعولج في بعض صناديق مقسمين حق عطر ودهن العود ومبلغ الدزه وبعدين عقب ما تاخذينه روحي يه بوابة الهدايه او محل الورد خلي يحطولج ورد احمر وزينولج يه ويطلع وايييييييد حلو ياييييييييي صج يطلع صندوق حلو

روحي محلات العطور والبخور مثل امل الكويت هم يقولولج

حبيتي اليوم رحت ارض المعارض وشفة صناديق ينون روحي قبل ما يخلص المعرض اسم المحل اماز مادري ادماز