|
|
[FONT="Arial Black"][/FNT]
هذي اول مشاركه لي ويا ريت تتفاعلون معاي لاني اشكثر اعاني من هالموضوع (الخيانه) وطبعا من زوجي الي من اول ماتزوجته يخوني والاقي عنده تلفونات وخطوط ورسايل وصور طبعا من بنات وايد واسامي مختلفه ولمن اواجهه يقولي خلاص تبت ساعديني وعلى هالموال سبع سنين وبعدين قبل سنه عيشني احلى ايامي حب وعشق ويقول ما اعرف غيرج انا تغيرت لمدة سنه وفجاه يجي يوم وتشوفين شاحن تلفون بدار القعده وتشكين بالخدامه وتقولج هذا مال بابا مال تلفون ثاني وتوصفلج الجهاز الي معاه لانه كانت تلاقيه بدوانيه وتوديله فوق واثاري هذا الجهاز الي قايلج انه باعه وما عنده الي الجهاز الي انتي تعرفينه وتواجهينه ويقولج الخدامه جذابه ولا هاوشها ولا زفها واهو دايم يزفها على اشياء تافهه وتحسين انج انخدعتي طول هالفتره فيه يبي ما اشك فيه وبعد فتره يعترفلج بحب وحده يعرفها قبل الزواج وانه ليمن الحين ما نساها وبينهم ذكريات ما تنسي وانه يحاول ينساها بهالبنات لانه مسيطره قلبه وتفكيره وانا تاكدت من قصته هذي لاني سمعت فيها اول ماتزوجته والحين قولولي شسوي وياه صابني اكتءاب فكرت اخونه وادور الحب بره لاني حدي رومانسيه وحساسه بس خفت من ربي ولانه ايماني قوي وقلت الله بعوضني شورو علي شسوي وياه وبينا اعيال وسبع سنين وامه ما اختارتني الا لاني مزيونه وانيقه بس اهو ما يشوف هالشي معميه حبها ارجو مشاركاتكم معاي وابي اقرا ردودكم حدي متضايقه انجرحت كبريائ وانوثتي
يعنى تحملتى سبع سنين خلاص كملى طنشى وادعيلة شغلى نفسج بتربية عيالج وبوظيفتج الحياة مو زوج وكلام رومانسى فى اشيا حلوة بالحياة بس انتى مركزة على جانب واحد لازم الوحدة ترضى بمشاكلها وتواجها وتعايش مع واقعها الدنيا ماتصفالج بكل شى اخذى اجر بصبرج
او اذا كلللش مافيج تتحملين كلمى احد بالعايلة تثقين فية ويكون لة مكانة عند زوجج يحاجية وينصحة يمكن يعقل
اختارى من هالحلين اتوقع افضل الحلول دام بينكم عشرة واللى سواة مو شى جديد يعنى متعود على الخيانة مو بيوم وليلة راح يتغير
الخيانة مو شي سهل
بس ان شا الله ربي يعوضج
و ينوّر له بصيرته
ويعرف الصح من الغلط
و ان مهما يكون مردّه لأم عياله
ربي ييسر لج امورج
تابعيه وعينج عليه داااااااااااااايماا
جربي تتغيرين عليه طنشيه جنه طوفه بالبيت صيري بارده لين ايصير اهو مينون يمكن هالاسلوب يفيد معاه
وادعي دايمن واستغفري كل شي بايد الله
حاولي تشككينه فيج شوي تعمدي تمسحين الرسايل من تلفونج اشغلي تفكيره شوي واهملي نفسج بالبيت ان كنتي من قبل مهتمة حيل والعكس سويه اذا كنتي قبل مهملة بنفسج اهتمي الحين بنفسج وشوفي .
لا تتهورين وتسوين علاقات حراااااااااااااااااااام عيالج شنو ذنبهم ابوهم خربوطي .
لا تكسرين رجولة عيالج اذا احد كشف انج خاينة حرااااااااااام يكفي عليهم ابوهم .
ادعي ليل ونهار ان الله يهديه وان كنتي تعرفين حبيبته هدديها انج بتفضحينها
ماراح يتعدل الا اذا ربج هداه
حاولي ان تقوين الوازع الديني عنده سمعيه ندوات دينيه عن العلاقات المحرمه وبلاويها و الامراض التي تصيب الناس منها و عذاب القبر و يوم اقيامه منها
ان شاء الله يتسنع بعدها
وهو مايدري انك تدرين !!!
اصعب شي الخيانه حتى لو تااااب مستحيل تنسين هالشي
الله يعينك
إيمانج قوي .. وفكرتي تخونيه لانك رومنسيه !! .. انا لله وانا اليه راجعون !!
لا والله انتي ضعيفت ايمان ..!! ولو قوي ايمانك مثل ماقلتي ماطرت على قلبك هالسالفه !!
المهم ..!!
نصيحتي لك…..!!
تقربي لله وأشكي له همك ومصابك والله أرحم بنا من الوالده بولدها
وفي حديث لرسولنا الكريم صلى الله عليه وسلم
قال : (ياغلام اني اعلمك كلمات :احفظ الله يحفظك…احفظ الله تجده تجاهك..تعرف على الله في الرخاء يعرفك في الشده…اذا سالت فسال الله..واذا استعنت فاستعن بالله..
واعلم ان الامه لو اجتمعوا على ان ينفعوك بشي لم ينفعوك الا بشي قد كتبه الله لك..وان اجتمعوا على ان يضروك لم يضروك الا بشي قد كتبه الله لك
رفعت الاقلام وجفت الصحف ) رواه الترمذي بسند صحيح
ووالله الذي نفسي بيده لو عرفتي وفهمتي كل كلمه وطبقتيها بحياتك لتبشري بالسعاده بالدارين
الله يسخره لج يارب هدديه بالفضيحه اذا ماياز عن طبعه او كلمي اهله
المفروض اهوا يختارج مو امه وهذي غلطته امه او اهله بدام تحب وحده ليش تتزوج وحده ثانيه !!! وتظلمها معاك
بدام 7 سنين ماتغير هديه وخليها تنفعه روحي حق اهلج
خل يختار يا انتي يا اهي