الخيانه بدمهم

ا[COLOR="Navy"]اكتشفت خيانة زوجي ومو أول مره

أول مره كنت ألعب بجهازه ولقيت مسج كنت فاكره انه لي بس مو هذا رقمي لما دزيت لصاحبة الرقم هل علي الغزل واجهته وطبعا أنكر وجابله عذر تافه سكت قلت يمكن نزوه وتعدي بعدها بدأ يتغير الجهاز مقفل برمز سري ماعرفت افتحه وكان النقال مايطيح من ايده وبدأ حركه بايخه لما يحس اني نمت يمسك الجهاز ويكتب ويدز مسجات طول الليل مع الإنكار انه يسوي شي مريب والصوت يكون بالجهاز صامت كنت دايما اقول له اذا مو مرتاح معاي وتبي تعيش حياتك مع احد ثاني تفضل ماراح أردك ويقول إنتي تحبين النكد والمشاكل وتتخيلين أشياء مالها أساس ماأطولها كنت مريضه ومسويه عمليه والأخ زاد طناشه وزاد الصد قدرت أحصل الجهاز وكان لااغي الرقم السري فتحه وشفت اللي عمري ماكنت اتخيل إني أشوفه مو وحده ولا اثنين جروب كامل ومسجات ومواعد و منهم صاحبت أول نزوه :eh_s(1 4):معقوله كنت مغفله لهالدرجه كل هالسنين واجهت انكر بالأول بعدين قال انه بس مسجات وانسي الموضوع ولا تعطينه أكبر من حجمه:والصاحبه الأولى ماطول معاها بس ثلاث سنوات وبس مسجات لايروح فكري بعيد مضطره اسكت عشان عيالي بس كرهته وتعبت نفسيتي شنو أسوي قصتي باختصار شدييييييييييييييييييييييييييييييييييييييد

اولا ربي يعينج مع اني وايد احس انج ماخذه الموضوع بسهالات0000000000

خليه يتقرب من ربه اكثر لان اذا ماخاف من ربه ماراح يخاف منج وانخذي موقف حاسم معاه ولا راح يتمادى

الله يعينج مالج إلا ربج هذا مرض

الله يعينج حبيبتي

حبيبتى الله يعينج .
انتى الحين ارتحت كنتى شاكه بس الحين رسيت على بر وعرفتى شنو الريال .
اللى عليج تسوينه … فكرى شويه وقيمي نفسج اذا كنتى غلطانه بحقه … والا الا ؟؟
اذا موغلطانه … الحمدالله … اهتمى بشى ثانى … اللى اهوه .

1. اهتمى بنفسج وحبيها حيل حيل حيل .
2. عيشى حياتج لنفسج ولعيالج مو له .
3. قربي من ربج وعليج بالاستغفار + الدعاء + قيام الليل .
4.خشى فلوسج لج وللزمن .
5. دورى لج شى يشغل حياتج عنه … (( هوايه – دراسه – عمل تطوعى – عمل تجارى ))
وريلج طنشيه ومالج شغل فيه كل ماشافج مهتمه فيه زاد طنشيه مره وحده .

ونصيحتى الاولى والاخيره لج … صلي استخاره بوضعج معاه .
والله يبرد على قلبج ويسعدج ويفرج عليج يارب.

حقريه فتره و بعدها إهتمي بروحج وتكشخي ولما يشوف الفرق يمكن يتعدل
وإدعي ربج

انتي مستسلمة لة زعلي علية اطلعي من البيت خلية يفقدج انتي عندة ولا مهتمة احس مو فارقة معااج بقولج شغلة ديربالج علي نفسج من الامراض والخياانة بدمهم بس لازم تادبينة موتسكتيلة وتشجعينة

الصبر مفتاح الفرج

دايما خليه يعرف انج عارفة كل حركاته و مو راضية عنها

يعني يوم زعل يوم هوشة

يوم كلمه بالعظم

ويوم تذكرينه بعياله و ان اللي يسويه ببنات الناس الله بيسويه ببناته

و الدعاء تالي الليل احسن علاج

في وقتنا كل الرياييل جذي

الا مارحم ربي

وهذا كله من بنات ابليس

وبعد في رياييل

عيونهم زايغه

لا حول ولا قوة الا بالله

الله يهديه ويسخرة لج

لا حول ولا قوة الا بالله

الله يهديه لج ويرده لعقله

لازم تواجهينه

اوف زهقت

مابي اتزوج

ليش اتعذب مثلكم

اقعد عند ابوي عازني مكرمني

اوف وربي

شوفي اختي لما الريال يشوف مرته تطوف السالفة وتسكت وتسامح على طول فيتمادى ويقول يعني شبتسوي مرثانية كلا بتزعل شوي وعقب بتسامحني ..
لازم تقعدين معاه وتفهمينه انج صبرتي وايد والحين ماراح تصبرين أكثر من جذي اذا بيعيش معاج فلازم يترك هالوصاخة الي يكلمهم والا فمالج أي عيشة معاه .. وخيري يا انا يا هما وقوليله هذي آخــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــر مرة أعطيك فيها فرصة وصدقني عقب ماراح اسامح أو أعطيك أي فرصة ثانية .. وكل واحد بيروح بطريجه .. وحقي وحق عيالي آخذه بالمحاكم
هني يمكن يفكر ألف مرة قبل لا يسوي الشغلة ..

امممم وياأختي كثر ماتقدرين خلج مع ريلي ولا تخلينه بروحه سواء بالبيت أو حتى لما بيطلع خليج معاه .. خليه يفكر يطلع معاج ويفضلج على ربعه ..
وحسسيه دايم ان هو أهم شي بحياتج

انا مع كويتية زوغة بكل كلمة قالتها الله يعطيها العافيه حبي روحج بمعنى الكلمة و احترميها راح يحترمج غصبا عليه واذا مو الحين مع الزمن راح يمل و يعرف منو اللي كان عايش معاها اذا انتي ناويه تتحملين و تضحين عشان عيالج عيشي يومج عشانج مو عشانه خلج مرحه فريش ولا تحطين البلا فيج لان مشكلة الحريم اذا راح ريلها برا تقول كله مني انا اكيد فيني نقص لااااااااااااااا و الف لااااااااااااااا اللي يخون المشكلة فيه و باخلاقه