الخيانه

تعالوا بنات نتكلم ونستفيد من تجارب البعض كيف تتصرف الزوجه عند علمها بخيانة زوجها لها

احم احم حسب طريقة اكتشافها
اذا اكتشفته اشكرا، يعني شافها و درا انها تدري بخيانته ، المفروض تبين انها مجروحه و منصدمة و ثقتها فيه انهزت و طبعا تزعل منه زعله كبيرة
لكن اذا مايردي انها تدري بخيانته، الافضل انها ما تواجهه تخليه لما تعرف بالضبط اهوا ناوي على شنو و بهالفترة تكشخ و تلبس و تتسنع و تغير ستايلها و ترجع عروس عشان تشغله فيها بدال ما ينشغل بغيرها
الله يكفي الجميع شر الخيانه بانواعها

انا أحس كل موقف مختلف عن الثاني
اكو خيانه عن خيانه تفرق ووضع عن وضع يفرق

يعين المره اهي اللي حدت الريال على جذي؟؟
اكو يهال؟؟
اهي من الاساس تدري عن سوالفه قبل ما تاخذه ؟؟
اهو فيه امل يترك الخرابيط ولا لا ؟؟
اول مره تصيده ولا اكثر من مره ؟؟

احس كل موقف يحتاج تصرف معين

بكل الحالات اهو ألم وبس

الخياانة هدم الثقة بين الزوجين المرة تكرة الرجال فيها وانا الحين اكتبلكم وانا خايني زوجي وعساكم ماتعيشون اللي انا عشتة

احب ارد على الاخت ديم مو كل غلطه يغلطها الريال تتحملها المره كثير من الاخوات في المنتدى عندهم نفس المشكله يعني كلهم غلطانين ما اعتقد لان الريال على اسلوبه وقلة الايمان واللخ يعين المره

اختي انتي فهمتي قصدي غلط تماما
والحين بوضح لج .. كلامي جمله جمله ..

يعني المره اهي اللي حدت الريال على جذي؟؟

مثلا ممكن تكون اهي بعد تخونه … ممكن تكون ما تعطيه حقوقه … ممكن تكون وحده ما تنطاق العيشه معها (يعين اقصد بهالوضع المره المقصره) مو الوضع الطبيعي

اكو يهال؟؟
بوجهة نظري لو كانوا في بداية حياتهم وما صار بينهم شي وماكو يهال خلاص غلطته ما تنغفر خصوصا لو كانت اهي قايمه بكل اللي عليها

اهي من الاساس تدري عن سوالفه قبل ما تاخذه ؟؟
انا وانا اكتب هالجمله تذكرت وحده اعرفها ماخذه ريل صديقتها يعين كانت تحاجي زوج رفيجتها وراحت تزوجته … وعقب ما تزوجته زعلانه لأنها اكتشفت انه يحاجي بنات …
يعني ليش مستغربه واهي قبل ما تاخذه خاين زوجته معاها .. يعين الخيانه في دمه .. مثل هالنوع الصراحه قلعتها اللي حللت الخيانه لها شلون تحرمها عليه … اهي خانت رفيجتها قبل ..

اهو فيه امل يترك الخرابيط ولا لا ؟؟
هني في حالات يكون الريال غلط غلطه ممكن ما تتكرر ويتحسف ويندم وتستمر الحياة .. لو كان زين ويحب مرته ولا يقصر معاها بس غلط غلطه صغيره ويكون تحسف عليها ومثلا يكون بينهم عيال يعني ممكن تنهدم الأسره .. في هالحاله انا اقول تزعل عليه المره فتره عشان يحس بقيمتها بس ممكن انها تطوف لو حست ان زوجها ممكن يتعدل عشان على الأقل تحافظ على الاسره ..

اول مره تصيده ولا اكثر من مره ؟؟

لو أكثر من مره تصيده الصراحه هذا واحد ما ينعاش معاه ومافي شي يلزمها انها تستحمل ..
تهده احسن لها.. اهي لها كرامتها ولها حقوقها .. ومن حقوقها انه يصونها …

هذا قصدي واتمنى انك تكونين الحين فهمتيه
وانا ابدااااااااا ما قلت انهم (كلهم) غلطانين بالعكس
ولو تلاحظين أخر جمله كتبتها شني ؟؟؟

بكل الحالات اهو ألم وبس

ويعطيج العافيه أختي

عسى الله لا يجيب هاللحظه يارب وعساني ما اجربها