|
|
هلا بنات
ودنا نتكلم عن جزء هام بعد الولاده
اولا مبروك حق اللي ولدت
والله يهون عليج اذا للحين حامل
– هل تهتمين للخياطه التجميليه بعد الولاده
– هل تختارين الطبيبه المناسبه لهذه الخياطه
– هل تتشاورين مع زوجج بهذا الشأن
– هل تحددين مع الدكتوره درجه التضييق
ومشكورين
|
المشاركة الأصلية كتبت بواسطة zoooba
 بنات اتفاعلوا مع موضوعها الصراحه هامني و قولوا منو احسن دكتور او دكتورة
|
اي والله وينهم
وانا سوتلي الدكتوره معصومه مقصيد ولا تناقشت معاهم بتفاصيل التضويق ولا شي
والله يتمم عليكم
ويرزق المحرومات *
الفرق بين الخياط العادي والتجميلي ؟!
وليش يعني الخياط شيسوي شنوفايدته ؟!
ومنو احسسن دكتورة ؟!
والي تولد بالخاص لازم تنبههم ع هالشغلة
والا اهما من نفسهم يسونها ؟!
انا بالاولاني خيطتني دكتوره بالحكومه وصج اخواره فالحين بولد بخاص والله يسهل
ومن سالت الدكتورة قالت لي انتي ما تحتاحين عشان جذي ما سويت لج خياط تجميلي بس ها المرة بسويه وقلت لها قالت اوك بكتبه بملفج
وبالنسبة لسؤالج هذا
– هل تتشاورين مع زوجج بهذا الشأن؟؟
طبعا انا قلت له وقالي انتي ما تحتاجين ليش تبين اتسوين احرجني بس انا ما عندي غيره اقوله وشاورته وما رضى بس ما علي منه الدكتورة بتسوي
هالمرة بجرب د.معصومة مقصيد يالييييييت اللي جربت خياطها اطمني
خلاص الغرز اللي تذوب و ما تترك اثر بعد الولاده هذا اهو الخياط التجميلي ( ما يكون له اثر بعد الولاده )
اما التايتنق او التضييق على حسب حالتج
البكر كلش ما تحتاج التضييق يكفيها يعني الخياط التجميلي السنع من بره يكفيها و عند الفتحه الدكتوره تركز على الفتحه تضوجها نتفه
اما اللحم اللي داخل من عنق الرحم ما تجيسه و لا تقص منه شي لأنه راح يرجع مع العنايه البسيطه
اما اللي والده من قبل و حست ان المكان رخوووو من داخل ( عنق الرحم مو شاد تحسه رخوووو لو تدخل صبعها تحس ان المكان حيل طري ما يقضب )
اهني تقول للدكتوره ابي تاتيتنق او تضييق
و اهني تقص شويه من اللحم اللي بعنق الرحم و تشده شوي و من بره خياطها التجميلي اللي كل ولاده تسويه عادي و تركز عالفتحه 
انا لمن رحت لدكتوره معصومه كنت ابيها تسويلي تاتينق بس لظروف ما يعلم فيها الا الله ولدتني خالده المجيبل و ما عجبني خياطها و كانت ثالث ولاده و الولاده الي قبلها كنت والده طبيعي و بأمريكا و كان تجميلي بدون تايتنق اصلا ما كنت ادري ان في شي اسمه تضييق و رجعت كأني ما ولدت و لا طلع من بطني بيبي شكبره المكان شااااد من داخل و من بره ماله اثر الخياط ولا حتى الغرز سبحان الله و الحمدلله
يعني المكان كأني بنت ما يبين فيه اي اثر للجروح و الغرز و الخياط !
بحملي هذا كنت اسأل و استفسر عن احسن دكتور للتايتنق و التجميلي السنع
نظام الدول الاجنبيه لأن من بعد ما جربت امريكا و طريقتهم و عنايتهم ابي شي نفس المستوى
طبعا مالله كتب له الحياه و و الحمل نزل الله يعوضني يارب .gif "Eh S(2)")
و كل اللي سألتهم مدحلي د حيان الاحمد بالمواساة و امل عبدالعزيز بالسلام و في بهواني ولتشمي او رشمي بالهادي
و ليلى اشكناني ما ادري عاد اهي عياده و لا حكومه و لا شنو بالضبط
و مثل ما قلت التجميلي حتى الحكومه تسويه يعني هالشي كل المستشفيات تسويها مع الولاده بدون لا تقولين .gif "Eh S(4)")
لكن التضييق تقدرين عقب الولاده تسوينها و هذا الافضل و في مع الولاده بس ما تقون مضبوطه مثل اللي بعد الولاده ب 6 اشهر لأن يكون الوضع طبيعي عندج و يعرفون الدكاتره اشكثر تحتاجين تضييق !
بس العيب ان لازم ترتاحين 40 يوم يعني نفاس لووول وين ترقعيها لريلج الا اذا نظامه يسافر دراسه
واهم شي العنايه بنفسج لأن مو مهم انج تصيرين ضيجه من بره و من عنق الرحم
المهم رحمج تمام و ما فيج التهابات و لا سوائل زايده ( السوائل تنزل من الرحم و تخرب الوضع عند اللقاء)
لان في بنات توهم ما ولدو و لا جربو الحمل و لا الولاده و مو مرتاحين مع ازواجهم بسبة الهوا و اللزوجه العاليه و هالشي لو تسويله مووو تضويج الا تسكير يخرب يخرب !
بالنسبه لأني اقول لزوجي و لا لا لا و الله ما اقوله لو بسوي تاتينق ليش افتح عيونه على هالسوالف و مو كل شي ينقال للزوج
مهما كان في امور اعتبرها خصوصيه نسائيه بحته ما اقول عنها لأي احد بس خواتي عشان يستفيدون ! و انتو خواتي و عساكم تستفيدون مني مثل ما فدتوني لو بدعوه ….
تكفون بنات اللي تستفيد من ردي و تحس ان في معلومه لو نص معلومه استفادت منها
تدعيلي ان الله يعوضني و يغفرلي و يرزقني بالذريه الصالحه
.gif "Eh S(8)")
استودعكم ربي الذي لا تضيع ودائعه
و بالتوفيق
ويرزقج الذرية الصالحة
ماقصرتي سراحة فهمت علييج
وانا كنت ضايعه
وسوتلي تجميلى وماشالله على خياطها ماله اثر بالمره ولا جني ولدة وما حسيت باي فرق بعد الولادة
والحين انا اراجع عندها وان شالله بتولدني
بس انا سامعه ان البجر ما تاثر حيل الثاني والثالث ياثر اكثر عشان جذي ناويه اسال الدكتوره عن هل معلومه واذا صج ابيها تسويلي تضويق
تسويلج تجميلي بدون لاتقولج .. حتى البجر تسويلها تجميلي وتاخذ على التجميلي ٥٠ دينار