|
|
السلام عليكم
الحياه الزوجيه وتربيه العيال والدوام صار شي مو سهل هاذي الايام خصوصا حق الام الموظفه شلون تقدرون تنظمون وقتكم بينهم وهل معطين عيالكم الحق ومراعينهم وهل معطين الزوج حق
تامنون عيالكم بيد الخدامه او حتى عند احد خصوصا الوقت هذا قل فيه الامان بتقولون لي ام الزوج مااتوقع بهتمون بالياهل كثر ماانتي مهتمه بولدج
شلون الوحده فيكم تقدر تكون ام مسؤله عن عيال وبيت وهمن لها وظيفتها
عمرج فكرتي تقعدين بالبيت وتشوفين بيتج شنو تسوين لمه يكون عندج ياهل صغير شلون تنظمين وقتج معه حياتج
واذا ياهل كبر فيه قواعد ونظم مربيه عيالج عليها
ابي رايكم ومناقشاتكم بهذا الموضوع
عمري انا مو موظفه حاليا فما أقدر أفيدج ..
أشوف كل الموظفات عيالهم الصغار عند الخدم واللي شوي كبار بحضانه او بمدارسهم
ترد تحط راسها وتنام اهي وزوجها والعصر يقوم يطلع وتتفرغ اهي لبيتها وعال11 الكل دايخ وداش فراشه ..
قواهم الله الصراحه..
ماحبيت اطلع من غير رد
واب لعيونج
يالله الموظفات شاركونا ..
بجري 6سنوات
وتوني اداوم من اجازة الامومه
انا ريلي امسافر دورة مدتها سنه وساكنه عند اهلي
اروح الدوام و اخلي البنات عند خدامتي وامي عندهم
ارجع من الدوام ما اشوف جدامي مالي خلق احد حتى نفسي
يا دوب ابدل واخذ وحده من البنات معاي الدار انومها
والثانيه اتكون عند امي ( عندي توم)
حالتي حدها صعبه كل شي علي بالحسرة الاكل- النوم- الطلعه
على طول مالي خلق والنفسيه زيرو من كثر المسؤلية
كل شي على راسي
الجمعيه- التطعيم- الملابس-اغراض الخدامه-الطبيب
والله تعبت
لو قراب جان امي ما تقصر
بس اعتمادي ع الخدامه وعشان جذي اتعب لما اختار خدامه ابيها مواصفات خصوصا الحنان مع الاطفال
ارجع انام اشوي ومرات ماانام ومرات انام بغرفه التلفزيون وهم خلصو غدا ويلعبون اكبرهم بالروضه
الله يعين لي درسو
انظم وقتي الحمدلله عندي وقت فراااااااغ لانه خادمتي مخصصتلها وقت معاهم الله يسخرها لي لانه الجديده جريب تستلم المهام بعد باجر والقديمه بتسافر
الله يعين
والحمدلله الكل ماخذ وقته الله لا يغير
اللي يلعب دور البيت المريح انا شقتي مسويتلي فيها كل شي يريحني المطبخ حاطه فيه الشغلات اللي تريحني وتريح الخدامه غرفت نومي انا ارتبها والخدامه بس تغسل الحمام عزكم الله مره بالاسبوع لانه حمامي ما يتوسخ بسرعه
والظغط على ترتيب غرفه التي في والجهال وغسيل حمامهم
غسيل الملابس مرتين بالاسبوع بالنهار
والمطبخ بعد الغدا كل يوم
والغدا الساعه 1 بالطاوله والكل عليه اقصد الجهال انا مااتغدا وابوهم دوام
الظهر لعب وبرامج تلفزيون ومسرحيات لي العصر كله طلعات الغالبيه
اخر الاسبوع عند اهلي
وبدايه الاسبوع ترتيب الشقه من الى
وسلامتج
والبنت سنه
اخليهم بشقتي مع الخدامه وخالتي كل شوي تطل عليهم اذا سمعت احد يبجي فهالشي مسوي رهبه للخدامه<< احسن
ارد قريب ال 3 العصر ياله اصلي وتكون الخدامه منومتهم اصلي ونام شويه اقوم واقعدهم عال4 ونص
الاعبهم……… اوكلهم اذا مو مغديتهم عدل……واذا عندي طلعه او شغل ابيتي اخلصه ونتعشى وننام
وبالنسبه للقواعد التربويه نظامي الجاهل يتعلم من عمامه لاني ساكنه عند حمولتي وعمامه والنعم فيهم
وهالسنه بدخل ولدي الحضانه عشان احس الخدامه ماتلحق على 2
وبس سلامتج
قبل لما كنت فبيت حمولتي .. كانوااا عند الخدامة والخاالتي الله يجزاها خير معاااهم مجاابلتهم .. بس الحين طلعت فبيت بروحي وكنت حاطه ايدي ع قلبي عليهم وشلون بخليهم بس شسوي ..بس الحمدلله خدامتهم وااايد زينه وانا مومقصرة معاها مسويتهاا يادهينه لاتنكتين عشااان عيالي.. والسنه الياية الكبير بيدخل المدرسة والثاااني روضه .. وماراح احااتي لصغير لانهااا واااايد تحبة… والله يعيناااا ,,
(البيت + عيال +زوج) هذا شغل بلحاله
طبعا أنا مو متزوجة 
وفي كثير ازواج مايحبون زوجاتهم تشتغلون عشان تتفرغ له ولبيتة ولعياله |
المشاركة الأصلية كتبت بواسطة غير عنهم
 أنا مستحيل اخلي شغاله في بيتي اصلا ماأحبهم وماراح اخذ راحتي في بيتي ويــــــــــــــــا كثر القصص اللي سمعناها عن الخدامات وطبعا أنا ماأأيد الزوجة ألللي تشتغل ألا بالضرورة
(البيت + عيال +زوج) هذا شغل بلحاله طبعا أنا مو متزوجة وفي كثير ازواج مايحبون زوجاتهم تشتغلون عشان تتفرغ له ولبيتة ولعياله |
حبيبتي قلناها قبلج وااااااااااااااااااااايد بس متى ؟
قبل لا نتزوج ، وانتي إذا تزوجتي هالشي راح يصير غصباً عنج مو بكيفج الزمن يحدج على هالشي !!!!!!!
وتبين الصج آنا ما درست وتخرجت عشان أتوسد الشهادة وأنام عليها ولا أبروزها عشان أتزوج وأفرخ ولا عشان
أخدم ريلي وبيتي وعيالي ، كل واحد منهم ماخذ حقه مني وزيادة !!!!!!!
كلنا تزوجنا وعيلنا وقمنا في بيوتنا ورياييلنا وعيالنا + وظايفنا وين المشكلة ؟؟؟؟؟؟
آنا قطاع خاص وعندي 4 يهال أكبرهم 12 ونص وصغيرهم 4 سنين ، أرجع البيت عالأربع الكل ناطرني عالغدا
الحين بالإجازة أنام العصر شوي بس فترة المدارس الوضع يختلف شوي لأن مافي مجال أنام لأني راح أنحرم من
القعدة وياهم باليوم اللي أنام فيه ، أما بالصيف غير أسهر معاهم للساعة فوق ال 12 بالليل وبعدين أنام وهم يسهرون
مع أبوهم لصلاة الفير وينامون !!!!!!!!!!!
وتبون الصج وبدون زعل الزوجة السنعة تقدر تتصرف وتعطي كل ذي حق حقه من بيت وزوج وعيال بدون ما تحط
عذر بالوظيفة ولا الخدامة !!!!!!!!
واللي تخاف تحط عيالها عند الخدامة لا تتزوج وتقص على نفسها ، لأن أمها مو دايمة لها ( عسى الله يعطيهم طول العمر)
أمج جم واحد تمسك 1 ولا 2 ولا 3 ولا جم حفيد بتربي ؟؟؟؟؟؟
بتربي عيالج ولا عيال أخوج اللي عندها بالبيت ولا عيال أختج الثانية والثالثة ؟؟؟ شالسالفة أمي ربتني وبتربي عيالي بعد
الحين طلعت الكاميرات والحضانات وكل شي موجود ، تقدرين تحطين عيالج عند الخدامة وتراقبينها ، إما إنج تحطين
كاميرات بالبيت أو تقطين روحج عليها الصبح على غفلة وتشوفينها شتسوي بالياهل ، أما السوالف اللي مالها معنى
آنا ما أحط عيالي عند الخدامة هذي صج ما تعجبني !!!!!!!!!!!!!!!!!
|
المشاركة الأصلية كتبت بواسطة الشهد كله
حبيبتي قلناها قبلج وااااااااااااااااااااايد بس متى ؟ قبل لا نتزوج ، وانتي إذا تزوجتي هالشي راح يصير غصباً عنج مو بكيفج الزمن يحدج على هالشي !!!!!!! وتبين الصج آنا ما درست وتخرجت عشان أتوسد الشهادة وأنام عليها ولا أبروزها عشان أتزوج وأفرخ ولا عشان أخدم ريلي وبيتي وعيالي ، كل واحد منهم ماخذ حقه مني وزيادة !!!!!!! كلنا تزوجنا وعيلنا وقمنا في بيوتنا ورياييلنا وعيالنا + وظايفنا وين المشكلة ؟؟؟؟؟؟ آنا قطاع خاص وعندي 4 يهال أكبرهم 12 ونص وصغيرهم 4 سنين ، أرجع البيت عالأربع الكل ناطرني عالغدا الحين بالإجازة أنام العصر شوي بس فترة المدارس الوضع يختلف شوي لأن مافي مجال أنام لأني راح أنحرم من القعدة وياهم باليوم اللي أنام فيه ، أما بالصيف غير أسهر معاهم للساعة فوق ال 12 بالليل وبعدين أنام وهم يسهرون مع أبوهم لصلاة الفير وينامون !!!!!!!!!!! وتبون الصج وبدون زعل الزوجة السنعة تقدر تتصرف وتعطي كل ذي حق حقه من بيت وزوج وعيال بدون ما تحط عذر بالوظيفة ولا الخدامة !!!!!!!! واللي تخاف تحط عيالها عند الخدامة لا تتزوج وتقص على نفسها ، لأن أمها مو دايمة لها ( عسى الله يعطيهم طول العمر) أمج جم واحد تمسك 1 ولا 2 ولا 3 ولا جم حفيد بتربي ؟؟؟؟؟؟ بتربي عيالج ولا عيال أخوج اللي عندها بالبيت ولا عيال أختج الثانية والثالثة ؟؟؟ شالسالفة أمي ربتني وبتربي عيالي بعد الحين طلعت الكاميرات والحضانات وكل شي موجود ، تقدرين تحطين عيالج عند الخدامة وتراقبينها ، إما إنج تحطين كاميرات بالبيت أو تقطين روحج عليها الصبح على غفلة وتشوفينها شتسوي بالياهل ، أما السوالف اللي مالها معنى آنا ما أحط عيالي عند الخدامة هذي صج ما تعجبني !!!!!!!!!!!!!!!!! |
نفس رايج الصراحه 
انا موظفه في قطاع خاص وعندي 4 اسم الله عليهم بنوته وصبيان وبيتي جدام بيت اهلي على طول وحاطه الخدم يجابلون اليهال ومأمنه عليهم لان ما اخلي اي وحده تمسك عيالي الا اذا عرفت انها سنعه واقول (استودعكم الله الذي لا تضيع ودائعه ) واحطهم بامانة الله سبحانه واطلع حق دوامي + مخوفينهم تحت المراقبه على طول وبنفس الوقت ابينلهم ان انا واثقه فيكم علشان ما يتضايقون ماكو انسان يرتاح اذا حس انا الشخص الثاني كله شاك فيه وما يوثق فيه فاعطيهم احساس اني واثقه وبنفس الوقت مراقبين وامي الله يطول بعمرها ما تخلي كل شوي دازه عليهم الباب وانا ما اقصر عليهم بشي عشان يجابلون عيالي عدل اغلى ما املك + ارجع من دوامي الساعه 3 ونص ابوس بعيالي وريلي (لازم ههه) اصلي واغسل ونتغدا بعدين ريلي ينام وانا اجابل اليهال شوي واجابل نفسي لين يقوم ريلي تتضح الامور يا يطلع وانا اطلع اقضي شي او اروح بيت اهلي يا نطلع مع بعض يا نقعد بالبيت وبعدين نتعشى وانوم اليهال ويصير وقتي لي ولريلي وانام بال 12 غالبا وافزع من الفير وهكذا اقزرت صج تعب بس مابي اقصر بحق احد بالويك اند عااد اعيش حياااااتي صج انطر الويك اند نطره
انا الحمدلله من صغيرة معتمدة على نفسي ولمن تزوجت زاد هالشي علي
قاعده بشقه بروحي وعندي ولد واحد واضطريت اييب خدامة عشان لمن اكون بلدوام وللعلم ريلي مسافر دورة يعني زادت علي المسؤليه بس عارفه انسق وقتي حتى قبل لا يسافر
ولازم كل وحده تعرف تختار الخدامة وتعرف شلون تحببها بالياهل يعني ما احسسها انها غريبه او اعاملها انها خدامة بلعكس معطيتها احساس انها وحده منا وفينا
بهلزمن محد يشيل مسؤليه احد ..لو احد بيتحمل يوم يومين بس مو طول العمر
لمن كان ريلي موجود
يعني اداوم ارجع من الدوام اطبخ ونتغدا واخذ ولدي واريح الظهر بو ساعتين .. لوفي طلعه نطلع او شغل نطلع نخلصه ونرجع ومرا اخذ خدامتي معاي ومرات لا احب اخذ راحتي مع ريلي
او مرات ريلي يطلع بروحه وللعلم ريلي بيتوتي يعني لازم كثر ماقدر افضي نفسي له .. اذا طلع احاول اخلص شغلي
وللعلم الملابس انا اغسلها مو الخدامة بس مايمنع انها مرات تساعدني
حتى تنظيف البيت صج تنظف بس لازم بين فتره وفترة انا انظف البيت من فوق لي تحت يعني مرتين لي ثلاث مرات بالشهر .. وطبعا طول الشهر اكون ورا الخدامة واشلون شغلها
يعني مخليه خدامتي الصبح بس فاضيه حق ولدي ماعندها شغل (( وولدي اسم الله عليه )) عمره سنة
ومرات افكر لو يبت ياهل ثاني يكون ولدي تقريبا سنتين ادخل ولدي حضانة اريح لي واريح لها عشان ما احملها فوق طاقتها
وبنفس الوقت ولدي يستفيد
وفوق هذا ما يمنع ان اكون مع ريلي نطلع بروحنا ونستانس واكون معطيته الاهميه بحياتي .. وما اكون مقصره بحقه وبنفس الوقت مو مقصره بحق ولدي وبيتي
وكان كلامي نفس الاخت (( غير عنهم )) بس للضرورة احكام
وسامحيني طولت عليج .gif "Eh S(6)")
يعني منظمه الوقت بس تعب طبعا علي
بس شنسوي هذي ضريبة الوظيفه
ولو بيدي استقيل واجابل البيت
بس للضروره احكام