الحموله ملوعين جبدي ، حتى الزواره كرهتها

حمولتي ملوعين جبدي ، مادري شفيهم علي

اول ماتزوجت استلموني الجناين حش فيني من تحت لي تحت

يحشون بلبسي ، بشعري ، باهلي …………. بكل شي

مالومهم غيره

انا احلا منهم وبشهاده الكل ، حتى حماتي تقول لي انتي احلا الجناين

وفوق هذا شهادتي اعلى منهم بواااايد

يوم تزوجت كنت ادرس وبس تخرجت حماتي قلبت علي على انها كانت تدافع عني (ساعات مو كل مره )

وخالتي شوي قلبت علي تالي ردت

والحين هابين لي هبه : آنا البارده النايمه على عمري حتى شهادتي اللي حصلتها مايبيلها وحه نايمه مثلي يبيلها وحده حرجه ومن هالحجي ..

على اني مو من النوع البارد العكس طول عمري متفوقه وحرجه

وتصوروا هالحجي يقولونه بويهي يعني لي هالدرجه موحاسبين لي حساب !!!

آنا طبيت فيهم قلت لهم انتوا شدراكم ان شغلي يبيله جذي ! العكس آنا طول دراستي وانا اتدرب ومحصله اعلى درجات بالعملي .. ومن هالحجي

الحين قررت اني اقل حق ريلي عن خمالهم واقوله انهم ماسوا جذي الا لانهم يغارون مني واذا انا بسكت لاهلك فعشانك بس الجناين آنا مو ملزومه فيهم

واي كلمه تغثني برد عليها بعشر ، مايستاهلون اغث نفسي عشانهم :ِِ|

الطيبه معاهم ماتنفع من كثر ماطوف لهم صرت عندهم طوفه هبيطه

مع العلم اني ولا مره يبت طاريهم عند ريلي بس حماتي قالت له ان الجناين مطلعين دين مرتك ، وبالزواره يشوفني مغلقه يسالني يقولي اشفيج اقوله مافيني شي

عقب كل هذا صرت انا البارده النايمه على عمري اللي ماصلح حق شي ،، هين

الله يخليكم نصحووووووووووووووووووني واذا اللي بسويه صح شجعوووووووووني !!

ونسيت اقولكم عن شغله ، حماتي تتشكالي من الجناين ةتحش فيهم عندي تالي تسويني آنا الفتينيه وانا اللي احش واتشكى منهم عندها

تقول شغله عن وحده من الجناين ، وعقب فره طويله ترد تقول لي ترى هالشي اللي بهالجنه مو شين ترا هالشي اللي فيها شااايه زينه (مني والطريج)

الحين انتي اللي قايله هالشي عنها علمي نفسج !!

طلع نوعيتها اللي تقول الحجي وتلزقه بغيرها ، وانا حاسه وشبه متاكده انها مقولتني كلام ماقلته وفوق هذا ساعات تفشلني عند الناس يعني فجاه بالزواره اللي بعد استقبالي مباشره واحنا قاعدين نشرب شاي قالت ليش عماتج مايوا بالاستقبال !! ترا فشله الكل سالنا وتحاجيني بنفس وبصوت عالي جنها بتسمع الموجودي قلت لها عزمناهم بس مايوا وعماتي حريم كبار ومرضى وطلعتهم صعبه واهم تعنولي لي البيت وانا بالاربعين ويابولي الهدايا من جذي مايوا تقول لي لااا بس المفروض ايوون خالات ريلي وعماته بس يسئلونها والكل متعجب ووووووو … الخ كلت ويهي

وساعات تدافع عني ( ساعات )

وعند ريلي تقول انها تحبني

وساعات احس انها بتذبحني موبالعتني

ويوم تخرجت بفتره قالت لي بالويه ترى اللي يصير جامعي مايرفع خشمه آنا كنت جامعيه بس مالله كتب وماكملت (تزوجت واهي تدرس وماكملت لان ماحد ساعدها )

المطلوب ابي احلل شخصية حماتي لاني موووقادره افهمها اهي شتبي بالضبط وتحبني والا بس جذي اتمنى تساعدوني لان لا امي ولا اختي راضين يساعدوني بهالسوالف لان عايلتنا مؤدبين حيل ماعندنا هالقيل والقال من جذي احس اني ضايعه

يبا ردي عليهم ولله ولا تحريين نفسج بس ردي بالرد الي يجعمهم والي يبينلهم انتي شنوو واهما شنوو يعني لا تداحرين وياهم لا ردي رد الي بقلبج وابتسمي

حبيبتي طنشيهم احسن لج
ولاتفتحين مجال حفهم

الحقران يقطع المصران حقريهم وخليهم يموتون بغيظهم محترين منج

سكتيهم ودقريهم بحترام خليهم يستحون على ويهم قصب طيب
خلى شخصيتج قويه عشان محد يتجرا ويتكلم فيج بحضورج وبغيابج
وشوفى راى زوجج

حبيبتي الله يعينج
بس نصيحه لا تردين عليهم وطنشيهم
ترى اهما يسون هالحكرات عشان يبونج تردين وتصيرين انتي اللي مو زينه واهم السنعين
وبجذي بتنولينهم مرادهم
لا علقوو عليج ضحكي بويهم وامشي عنهم صدقيني بموتون من الحره لا نج ما اهتميتي لكلامهم
ولا تقولين حق ريلج وتتشكين له
انتي بروحج حلي المسائل الريال ما يحب يدخل بسوالف الحريم

والله يصبرج عليهم يا قلبي

شكرا على ردودكم

ماقصرتوا

حياتي انتي مفتاح حل مشكلتج شي واااااحد

الترررررررررررفع

ترفعي عن القيل والقال لان من كلامج وايد تركزين بشنو قالوا ومن قال

والي ينقل حجي همم ترفعي عنه

وخلي لج هيبه وشخصيه مو مع الكل تقعدين

ونفسي

خلي نفسيتج فووق ماتتحاجين خل يخافون منج

والمشاكل ماتحل بالسان الطويل لانج بالنهايه هم غلطانه

بالخبث والترفع وبسسسسسسسسسس

كلامج واااااايد عجبني ، مشكورة وماقصرتي

اب اب اب

الله يكون بعووونج

باختصار .. طاف

ولايت حماتج اتشكالج من باجي الجناين لاتلقينها ويه

ولاتسمعين لها عشان ماتقولج حجي انتي ماقلتيه

فـ تكونين بالسيف سايد

شوفي حبيبتي نصيحتي لج
اول شي لا دخلين رجالج بسوالف الحريم
لانج منتي مستفيده شي
هذي اول نقطه
ثاني نقطه ااخذيها مني نصيحه
لوجه الله
الحقران يقطع المصران ويفرمهم فرام بعد
احقري قد ما تقدرين
سوي روحج ما تسمعين اللي يقولونه
اذا قالو كلمه تضايقج اضحكي
قالو لج بارده ونايمه على روحج قولي اي صح حيل بارده انا
اهني بيفركون فراك وبيسخفون
يعني التطنيش ثم التطنيش ثم التطنيش
طنش تعش تنتعش
وسلامتج

الله يعينج

……………….حبيبتي اللي مايحترمج لاتحترمينه ……….شكو يتحجون فيج وبوجهج بعد وساكته بعد ………….
…………ليش اخاف إذا رديتي عليهم بيقطعون رقبتج يمكن ……نصيحتي لج خلي شخصيتج قويه………