الحموله تعالو ناقشونى

السلام عليكم ورحمة الله وبركاته

حبايبي اليوم نقاشي معاكم عن ………….((( الحمووووووله)))

الخاله وخوات الريال …….

في البدايه انا بتكلم عن هالقسم اللى صج صج صادمنى فوق ماتخيلون وفوق ماتصورون ولو انا مو تزوجه بقول لابوالعرس ولابوطاريه جانه من صوب ريال خاين ومن صوب حموله قشرا وخل اقعد عانس ابرك واحسن !!!!

لكن الصج غير والحياه غير ……

انا بسال هالبنات اللى يكتبون حجى مو سنع عن حمولتهم عمره الوحده منهم سالت عمرها اهى خوش جنه …….؟؟

والا الموضوع مجرد موضه سب الحموله والسلام ….!!!

سالفة خليج رسميه لاتعطينهم ويه ترى الطيب ماينفع معاهم روح بعيد وارجع سالم وحجى وايد قريته في هالقسم واستغربته …… هالحموله مو جدتج عيالج وعمات عيالج ليش التعامل معاهم وجنهم ابتلاء من الله !!

ليش توقع الاسوء …. ليش هالحجى ينقال لعروس توها مادشت بيتهم وهالكثر شايله بقلبها عليهم !!!!

انزين تعالو نقلب الموضوع

انتى مو حماه ماعندج حريم اخوان ………. وربج اتحبين حريم اخوانج ينظرون لج بالنظره هذى !!!

وان لازم اتكون علاقتهم وياج رسميه لانج ابتلاء من الله !!!!

ان زين انتى عندج ولد هالولد اتحلمين في اليوم اللى اتزوجينه وتفرحين فيه …… اسالج بالله اتمنين له وحده اتعامل معاج برسميه وبحدود ونظام روح ابعيد وارجع سالم والا اتمنين بنيه ادميه بنت اوادم اتصير حسبة بنتج ………؟؟؟

انا عارفه انه اكو حموله مو زينه واكو خاله قشرا ….. بس للاسف ماعاد نقرا الا هالنمونه انزين الطيبه والحبيبه وينها ليش محد يذكرها ليش الردا اهو الطاغى !!!!

حماتى توها يايه من برا وقاعده اقول للبنات في الدوام ابي اسوى لها عشا وقاعده ادور بوفيه حلو لقيت البنات اللى تقول حطى لها اى شي والا تقول مايبين في عيونهم واللى تقول ويه فراغه !!!!

شفينا شقل السنع اللى طغى على حياتنا …… ليش صرنا مانعرف انسوى طيب وانقطه بالبحر اذا اهو مايبين في عيونهم مثل مااسمع !!!!

ليش صرنا مثل عيون الذبابه اللى تكبر القذاره واتهولها حتى لو انها في حديقه مليانه ورود وخضار !!!!

الحموله انا وانتى وباجر بناتنا واحنا لاصرنا عيايز ونبي احفاد ولمه حلوه

ماتحبين حمولتج كيفج الحب مو غصب لكن الاحترام والتقدير لازم يصير حتى لو غصب ….. والظلم ظلمات يوم القيامه

وانا عندى يهال باجر بيكبرون وانا بكبر واذا لى عمر بصير خاله والديان مايموت …..

قدم حب باجر بتحصد محبه ……. وسخافات الحريم ياليت انصير اكبر منها ….. واذا خالتى اغلطت امى اتغلط ومايخالف ذولى حريم كبار واذا لنا عمر بنصير كبار ونبي اللى حولنا يلتمس لنا العذر

حبايبي انا ماحطيت هالموضوع الا عشان نرجع مثل قبل القلوب وحده والعاقل يطوف ومايوقف عند صغاير الامور ولايكبرها ويهولها وبالنهايه يصغر في عين نفسه

أتمنى ان كلامى يكون له صدى حلو عندكم ….. ونعتبر هالحموله اهل لانهم اهل ولاننا جزء من هالعائله عاد رضينا والا انرضينا على مايقولون

تحياتى

شكرا لج اختي لطرحج هذا الموضوع
بس ابي اعقب شويه
الحين البنات الي كانو يشكون كانو مساكين واصلين حدهم تعبانين من مشاكلهم و لولا يأسهم و حاجتهم للمساعدة جان ما حطو مشاكل للكل يطالعها و يمشي الي يحط رد و الي بس "مشاهده" لولا حالتهم اليائسة
لا اهما عيون ذبان ولا عيون زهيويه
و يا قلبي .. لمن حطو المواضيع اذا بالغو في نقد الحموله او الازواج ترى ما كانو يفكرون نفس تفكير الانسان الطبيعي الهادي الرايق الي يقدر يختار الالفاظ المناسبة اهما كانو في حالة واصله حدها مثل ما قلت لج و يائسه تحت ظغط و ارتباك و يحسون الوقت يطير من ايدينهم واهما جالسين بلا حل و في قلبها حزن و قهر شديد
عشان جذي كان اسلوبهم قاسي شويه في النقد
لكن ترى بنفس الوقت و الحمد لله في الكثير من كويتياتنا الي عايشين مع حمولتهم بسعادة و خير
و طبعا مثل ما انتي تعرفين وانا عارفه نقد الحمولة الزينه لا يتسق و منطق العقل
يعني مو معقوله وحده تيي تكتب موضوع و بحاجة
لمساعدتنا تقول : حمولتي وايد زينه اف اف انا وايد سعيده زوجي مدللني اففففففففف … <—؟؟!!؟!؟!؟!؟!؟! شنو هذا
عشان جذي كثرت المواضيع الي فيها شكى و بكى
لكن بنفس الوقت احنا نحب بعض و نشيل بعض و نساعد بعض لان ندري ان كل ما ساعدنا بيوم اللي ساعدناهم راح يساعدوننا
ولا تحاتين يا قلب
الحمولة الزينه و الزوج الراضي مازال موجود لكن . بعيد عن الاضواء

يعني شتسوين اذا الحموله مهما تسوين تحسسج انج غريبه منهم ؟؟؟

اوكي علاقه حلوه وسلام عليكم وشلونكم واهاديهم واسال عن اخبارهم اوكي بس اني اروح واسوي نفسي
الملاك اللي يخدمهم واحطهم بعيويني عشان اي زله منهم انجرح !!! والله ماتسوى علي !!

لا والله انا انصح ان البنت ماتتعمق بعلاقتها مع حمولتها عيالي كيفهم ماااااااااااامنعهم كلش من اهلهم يالعكس
اشجعهم ع وصل الارحام حتى زوجي ماامنعه بس انا خليني بعيده وابقى حبيبيه …

ويسلمو حبيبتي ع الموضوع

والله النار ماتحرق الا رجل واطيها

وبنات اليوم تعودن على الدلال في بيوت اهلهن وخدم وحشم
بس حمايل هالوقت اذا جابوا لهم جنه يبونها خادمه ماتنخدم

والبنات ما شكن الا عن تجارب ولا تستغربين من هالمشاكل واحمدي ربك انه عافاك

اكيد حبيبتي سويلها بوفية تستاهل تدرين لية لانج طحتي بالناس سنعة وماتحسين باللي نحس فية واللة لو انج لادشيتي علهم كل وحدة مدت البوز ولا اشتغلت النغزات كان ماطلعتي من بيتج ورحتي لهم يادوب ترسلين عيالج يسلمون عليهم حبيبتي الي بقولة ان الحمولة ماصارو يرحمون بنات الناس مع انهم يتمنون للبناتهم كل شي والدليل شوفي البيت اللي مساحتة 250 متر شوفي جم نفر عايش فية تقولين سكن هنود مو كل هذا عشان مايطلعون عيالهم منها ومهما اذا ولدها مرتاح اولا واذا فكر يطلع قامت القيامة عندها وكرهتة بعمرها هذا ابسط مثال واللي بيدة بالماي الحار مو مثل اللي بيدة بالماي البارد وتقولين ليش تكرهونهم ؟

صاجة القسم صاير كله نك بنكد وكله خيانة واهواش ومشـاكل انا عمري مامروا علي جنات مثل الجنات الي اهني قشريييين ونمسييين
وكله يحطون البلا في ازواجهم وبيت حمولتهم يمكن صج تكون مظلومة ويمكن تكون ظالمة بس الواحد مايشوف نفسسـه بس يتربص حق اخطاء غيره

ما ايدج بالمرة
ايد ان الوحدة تكوووووووووووون رسمية
مع احترامي لج مبين انج موووووووووووو متزوجة ولا مجربة
احنا يا قلبي جربنا الطيبة وما نفعت جربناها سنين ودخلنا بحسن نية
بس ما ادري ليش اهل الزوج يستمتعون بالحش والتبلي على مرة الولد

انا مرة ولد وحما بنفس الوقت
واتمنى تكون مرة اخوي رسمية وتكف شرها عنا
ما نبي منها شي
واحنا ما نمنع رياجيلنا او عيالنا عن اهلهم بس احنا لالالالالالالالا

البعد وقلة الاحتكاك اسلم من الاحتكاك والميانة والمشاكل
وبعدين بالاسلام مو لازم كثرة الحجي والقعدة تفرغي لعبادتج وعيالج ودراستج وشغلج ابرك من التفرغ لاهل الزوج
اللي يبونا مسلين ومهرجين لهم
حشااااااااا ما كنت ولا صرت مسلية لناس ما يحبوني
اقعد مع ناس تحبني ابرك
والحمولة واجد عليها نص ساعة بالاسبوع والتوجب وبس

بالضبط كلام الأخت 100 %

مستغربة

الله يتمم عليج نظافة قلبج وعسى الله لا يبليج ولا يغير عليكم ماشالله

انا كنت أقول مثلج لمن تزوجت دشيت بقوة اني ابي حبهم وأبي أكسبهم وأبي أكون بنتهم موووو مجرد جنة
لاني اجتماعية واحب الناس ماحب القعدة بروحي لكن لاموقف ولاموقفين ولا ثلاث صارلي معاهم واطلع منهم بمسج
الزمي حدودج انتي مجرد زوجة ابننا لاتقربي الخط الاحمر
وفعلا صرت رسمية ومن شهر لي شهر ازورهم وطلعت من بيتهم والحين من احسن مايكون العلاقة طيبة وهذا اللي يبونه
ما يبون دخيل بينهم هي وبناتها وصرت مثل ما يبون مو مثل ما أبي .

والله ياااقلبي أنا ماأكره حمولتي لكن مهما سويت فيهم وحطيت والله حتى العزااايم أنا اللي أطبخهم تخيلي ومايرضووون بذبيحه مقطعه لااااااامفطح>>>يعني الذبيحه على كبرها ومعززتهم ومكرمتهم بكل شيء وحتى زوجي داااايما" أقوله عط أمك فلوس أشترلها هديه ومن هالسواااالف وعيااالي صغار ومع ذلك أخليهم يحترمون خالتي من الصغر
وبعد كل هذااااااااااا عندهم أنا ماأسوي شيء بااارده فيني وفيني وفيني ……………………إلـــــــــــــخ
للأمانه موكل حمولتي فئه معينه منها

وفعلا" بعض البناااات يكتبووون مشاااكلهم مع حمولتهم وتكووون تاااافهه شلووون لوشافو اللي يصيرلي
ويعطيج العافيه ياااقلبي

الطيبات لله وان طبتي فيهم فهو من طيب اصلج…ومن تربيتج …ماننكر ان ف مشاكل وايد اتصير بين الزوجة واهل الزوج…ع قولة المثل كبريها بتكبر وصغريها بتصغر..اذا الوحدة تاغضت او تسامحت مب غلط هالشي ف صالحها واجرها ع الله حتى لو كانوا هم مب زيينين معاها…ولاتنسون اليهال يكبرون بينا وهم يسمعون كلام منيه ومناك شي زين وشي مب زين ….يكبرون بين تناقض.. مايعرف اذا هم يكرهون بعض او يحبون بعض…
الوحدة لما اتحس بالظلم والقهر…ماتروح اتكلم فلانه وعلانة تشتكي…ماتوعى السالفة واصلة لاوين….حاولي تطلعين من البيت..او تشغلين نفسج باي شغله لين تهدى نفسج..وبتشوفيه بعدها انها سالفة وراحت ….
ومع الايام بينعرف معدنج الطيب حتى لو هم مب طيبين معاج…
وشكرا لصاحبة الموضوع

والله هالكلام جاء علي الجرح أنا زينه مع حمولتي عمري ما زعلتهم بشي أنا مو من النوع إلي يرادد أو يقط حجي ماله داعي , عمري ما ضايقتم بشي بس للأسف إكتشفت إني مالي قيمه عندهم . يعاملوني بطريقه غريبه خش ودس وولف ودوران .
كل هذا عادي بس مره طالعتلي خالتي بنضره ما أنساها لها حتي شلونج ماقالتلي وإهي صارلها شهر مو شايفتني .
طلعت وأنا أسأل نفسي شسويت لهم ؟ أنا أستاها منها هالمعامله ؟
أنا طابت نفسي حيل منها الله يسامحها ويكفيني شره بس .

والله كلامج حلو والناس اجناس وفيهم العجب العجاب … اجل انا بقول ااااااه من حريم العيال .. والله كرهت بيتنا مع اني وامي والله والله الشاهد مالنا شغل فيها وان كانت عندنا نعدها ضيفه .. بس هي الله يهديها مجهزه مدافعها من دشت علينا حسبالها عندنا حرب واستغربت انه ماعندنا الا الزين بس للحين مومصدقه هي ان الدنيا امان مادري شقول بس .. الله يصبر قلبي .. والله لوموغلا ولدها وغلا اخوي جان اقعدلها بالمرصاد

ياهلا وغلا حبايبي

اولا انا متزوجه وياحافظ بنتى طولى يعنى مابقي شي واطلع تقاعد

يابعد عمرى انتى وياها انا عارفه ان هالدنيا فيها الزين والشين وفيها الناس العدله والناس اللى ماتنبغي ….. بس اللى قصدته بالموضوع اهو ((( التهويل )))

القسم انحط عشان انساعد بعض في حل مشاكلنا وانا عارفه انه فيه حريم يعانون وذولى مااقول لهم غير الله يعينكم وياجركم

لكن…في مواضيع اغلبها تهويل وللاسف الاغلبيه بدال ماينصح يزيد النار حطب وهى بالنهايه سخافات حريم

انا موقاعده اقول صيرى لحمولتج مداس وخادمه ولا قاعده اقول حطى من كرامتج لعيونهم ولا قاعده اقول صيرى الملاك اللى نازل من السماء ……. انا اقصد صيرى اكبر من السخافات صيرى اكبر من المواقف اللى مالها سنع واللى كلها سفايف حريم …..

هذى وجهة نظرى ….. وشكلها ماوصلت

ياهلا ياصدى …….

والله اللى قصدتها يابعد قلبي التهويل وانا عارفه انه اكو بنات وعليه حالهم مايسر لكن هل اغلبيه اللى بالقسم حالهم مايسر والا ثلاث ارباعهم تهويل وحش !!!!!

والله ياصدى ماانحط هالقسم امى الا عشان نستفيد ونفيد والمفروض جذيه لكن اغلبية المواضيع موت وخراب ديار والبنات جباريت لو بتنصحينها في موضوعها قامت هوشه ……!!!!

عشان جذيه انا حبيت اطرح الموضوع عشان الكل ينتبه ان الزين موجود والشين بعد

اقول رجيمج وايد صعب قريته وشوى وابجى

تقبلى مرورى

رفع