|
|
السلام عليكم كروشات
اول شي عيدكم مبارك
وبدش بالموضوع على طول
انا كل يوم اجيكم بموضوع اغرب من الثاني
بس هذا مو مني هذا من زوجي طلب مني أسألكم لان مشكلة الجهل اللي بالرياييل
طبعا انا قبل لا احمل اهو حلم ان راح يجيله توأم (لمن فسره عند مشايخ)
انا الحين بالسادس ومعاي بنت حسب السونار
قبل جم يوم وحدة من اهله حلمت اني ولدت وجبت بنت ومعلق في رقبتها سلسلة (بقمة) فيها شمس وقمر
واهي راحت فسرته ولا يقول الشيخ مفاجأة سارة بالطريج واذا مرتك حامل بيكون توأم ولد وبنت (شمس وقمر)
طبعا انا ضحكت السونار كله جيس واحد وانا بالسادس وصراحه ما اقدر اجابل اثنين والحمدلله بنت وحدة كافي
بس اهو الحين مشتغله فيه ومسكين بسرعه يصدق وما يعرف بهالسوالف
وسؤاله يقول: هل ممكن يتأخر ظهور التوأم؟؟؟ يعني اخر مرة سويت رباعي قبل اسبوعين قالت اغلب الظن بنت
ما قالت جيسين ولا شي وما ظنتي على هالمراجعات كله جيس واحد وما بين
خصوصا الرباعي اللي واضح
ابي خبرتكم ومنو ما عرفت بتوأم الا بوقت متأخر من الحمل؟ يعني تقريبا شكثر
واسفه يننتكم بمواضيعي بس والله هالموضوع بطلب منه حطيته مو تزفوني 🌹
لانه انولدت البنت و معاها بقمة مثل بشارة بالشي اللي وراها جنهم ادلة clues باللي راح ايي بعدين
يمكن بعد سنه او سنتين ثلاث
مو بوقت معين
وانتي دامج بشهر السادس وبطنج بنت ماقال توأم يعني بنوته
الله يرزقنا الذريه الصالحه
وان شالله يتحقق الحلم
لكن الحين ماتوقع انج حامل بتوأم دام انج مسويه سونار وانتي بالشهر السادس
ان شالله. الحمال. الثاني
وان شاء الله بعد سنتين افكر احمل بعد اان صج الحمال يتعب حيل
الله يرزق كل محرومه يا رب ويجعل ذريتكم صالحة
بس تفسير الحلم مو شرط يتحقق الحين ممكن بعدين
و انصحج ماتتعلقين بالاحلام وايد
تفسير الحلم و الله اعلم … ماله شغل بتووووم و لا شي …
التفسير
ان مع ولادة البنت زوجج راح يسافر اما لشغل او تجاره او بععثه دراسيه المهم فيه سفر … شوفي اهو متكلم عن الدراسه او يبي يكمل او له نية سفر تجاره الصين او شي جذي …
اول شي راح يكون شرق
وراح يتوفق فيها
و الثانيه راح تكون غرب و الله اعلم و فيها اما تكملة دراسه او تجاره او وكاله تجاريه
و هالشي كله راح يصير من بعد ولادة البنت بالسلامه … والله اعلم
و اذا صدق تفسيري راسليني عالخاص لان ما ادخل عالردود
وبخصوص تفسير الحلم مشكورة خيتي والولادة ان شاء الله شهر ١١
ابلغج ساعتها
مو بالسادس