|
|
السلااااام هليكم ورحمة الله وبركاااته
شلووونكم يا أحلى خوات عرفتهم بالدنيا 
الحمدلله سويت عمليتي وكانت سهله وطاقم ولا أروع من دكتوره ودكتور البنج والسسترات ربي يعطيهم العافيه يارب
بقولكم تفاصل العملية :
– شفطت من بطني 4 ونص لتر دهون والحمدلله يارب راحت كرشتي
– شفطت خواصري والحمدلله طلعت لي خصر لأن أنا أكثر دهوني بمنطقة البطن دار مداره
– عبت الخلفية والارداف وااي هني كان التعب شوي بعد ما تبطل البنج أن قعدت واويلاه وأن فريت يمين واويلاه ونفس الشي يسار لأنها اترست اردافي كان فيهم خفس وعبتهم
– عبت سيقاني بس للحين ملفوفين لكن الحجم أنا أشوفه أوكي صار فيهم رشاقه قبل كانو ضعاف
والله العظيم بنات أنا أكتب لكم وللحين بالمستشفى ان شالله يرخصوني اليوم بس صج صج ماكو عوار شفط لكن العوار بالتعبئة
أمس أرتفعت حرارتي شوي مع السكر واليوم رد طبيعي
ألحين لابسه كورسيه ومالي جروح أو شق اللهم بس فتحة صغيره مالت الشفط وفتحتين صغااااار ملوت التعبئة
وأي سؤال من عيوني
وطبعا لا انسى دكتورتي شيرين ابو الفتوح تهبل تهبل كافي أنج تكشفين عند مره وشاطره ماشالله عليها
الف حمدالله على سلامتج طالعه من الشر ماقريت موضوع للحين بس يسعدني اكون اول من يهنيج بالسلامه وبرجع اقراه ياقلبي
وانشاء الله تشوفين نتايج حلوه بعد العمليه
sugareya
هلا وغلا حبيبتي أنا بصراحه ما سألتها جم عبت بس أهيا قالت لي نقطه قبل العملية أن مستحيل أي وحده تحدد شنو الحجم هو أصلا على حسب الجلد وشكثر يتحمل في التمدد وألحين الخلفيه حدها وارمه وصوب الأرداف معبيه شوي والألم موجود بس تقدرين تتحملينه مو اللي وايد
قوليلنا اخر التطورات مو تنسيييييين اليوم الثاني
والله من العصر حاشتني صخونه وكلمت الدكتوره قالت عادي وأكثر العوار من التعبئة مو من الشفط
ألحين وزني صاير 76 لأن للحين فيني سوائل وصايره وارمه بس النتيجه حلوه صوب الأرداف والخلفيه البطن شوي صاير مشدود ويابس
سيقاني صارو حلوين ووايد تنسق جسمي وفرق علي
وان شالله مراجعتي لها يوم السبت قالت لي بتشوف مكان الشد والتعبئة وقالت لي دهني جسمج بفازلين لأن من الشد والتعبئة صاير ناشف
كافي انها مرا و فوق هذا محترمه
والله يباركلج يارب