الحمدلله و لدت و يبت احلى بنووته

*قوه بنات شلونكم*

اغلبكم عارف اني كنت اراجع بالسلام عند دكتوره ريم الخرس بس الله ما كتب اني اولد عندها لان التامين وقفو العقد مع مستشفى السلام و كنت متوهقه و مادري وين اروح و خصوصا اني متعوده على مستشفى السلام ومجربه ولادتهم بس الحمدلله كل شي قسمه و نصيب

مابي اطول عليكم و بقولكم الحين يوم ولادتي كانت بتاريخ 14/7/2012*

يوم السبت الصبح كنت نايمه بس مادري شنو الي خلاني اقوم قمت لو احس شي ينزل و كان ماي البيبي قمت بدلت و تزهبت و وديت ولدي بيت يده ريلي يقولي ها اوديج اي مستشفى قلت له توكل على الله و روح السيف دخلت طوارئ السيف تقريبا ساعه 6 ونص الصبح يتلي دكتورة الطوارئ قلت لها نزل علي الماي وايد فحصتني لو تقولي انا ما اشوف في ماي نازل عليج قلت لها هذا شنو عيل الي نازل علي يعني و كنت بس واحد سانتي لو تسويلي سونار صارلها نص ساعه بس اتفر بالسونار((لو في نفط جان طلعته لوووووول )) انا تنرفزت و طبعا 4 سسترات فوق راسي حق شنو مادري المهم لو تقولي هااا ؟! الماي شويه حوالين البيبي بس لمه فحصتج ما شفت ماي نازل عليج طوفت غبائها و سكت لو تقولي الاحسن انج تنزلين تحت قسم الاشعه و السونار يكون دقيق اكثر بس راح يوصل الدكتور ساعه 9 وانا كنت طالبه دكتوره روبينا و هم كانت توصل ساعه 9 فكنت ناطره و مالت الطوارئ حتى دخول ولاده ماتبي ادخلني تقول نطري دكتور السونار فكنت حدي متنرفزه من الدكتوره يعني نازل علي الماي المفروض على طول دخول نطرت لي ساعه9 لو تيي دكتوره روبينا انا ماكنت شايفتها ولا شي بس خالتي تراجع عندها و تمدحها لانه اهيه رئيسة قسم الولاده و شكلها كانت حبوبه لو تفحصني تقولي الماي نازل على طول دخول بس المشكله انه هم كنت 1 سانتي بس و قالتلي البيبيه مو نازله بالحوض بعدها و انا كنت قاعده مافيني لا عوار ولا شي نهائيا قالتلي ماقدر اعطيج طلق صناعي لانج كنتي والده قيصريه و الطلق قوي فيمكن يصير عليج مضاعفات او يفتح الجرح فقالت نطري لي ساعه 1 اذا يالج طلق و عوار يمكن تولدين طبيعي بس اذا مافي شي قيصريه راح تولدين
(( سبحان الله نفس الشي صار فيني على ولدي لا عوار ولا شي و كان نازل علي الماي))*
فقعدت نطرت امي يتلي قعدت معاي صارت ساعه 1 لو توصل الدكتوره فحصتني مره ثانيه و هم كنت 1 سانتي يعني كلش مافي امل اني اولد طبيعي لو تقولي تبين تقعدين تنطرين طول اليوم ولا تبين قيصريه قلت لها خلاص انا تعبت ابي قيصريه دخلت غرفة العمليات لو ايلي دكتور تخدير قالي راح احطلج بنج موضعي مو بنج كامل و راح يكون بالظهر كنت خايفه من هل ابره قعدت نفس قعدت الربيانه

لو يقزها بظهري قالي ولا حركه بس حسيت فيها و عورني وايد قمت اصرخ *لو يقولي ريحي شويه بعدين اكمل قلت له بس خلاص مابيها *ابي بنج كامل ابي انام لو يدخل علي دكتور ثاني كان يتغشمر و حبوب لو يقولي مالج شغل انا احطلج البنج الحين و صج الحمدلله ايده خفيفه كانت ما حسيت فيه كلش و كنت قاعده وقت العمليه بس متخدره من تحت ما احس بشي و دكتور التخدير فوق راسي يسولف اهوه الي شويه ضيع علي الوقت يقولي ها شنو بتسمينها قلت له ليلحين مادري لو يقولي بتطلع بنتج وانتي ليلحين ماتدرين *
لو تطلع بنوتي الحلووه احساس حلو انج تشوفين بنتج و انتي صاحيه ودوني بعدين الغرفه لو امي تقولي شرايج بأسم (( ميار )) *طلعنا معناته و حلو كان قلت لهاا خلاص تم **
و ماكنت مسويه استقبال *بس قعدت 4 ايام و من ثاني يوم كانو يزوروني ناس داشه و ناس طالعه

* الحمدلله عندي البنج الموضعي احسن من البنج الكامل وايد يتعب البنج الكامل يعني اسبوع يالله اتصحصح منه بس البنج الموضعي اخف و الحمدلله من ثالث يوم ماكو شي*

تقيمي حق مستشفى السيف بالطوارئ الدكتوره كلش مو شي و حتى السسترات مادري يمكن على حظي انا صار جذي*
*
بس بعد الولاده لا والله السسترات وايد زينين و حتى دكتورتي وايد زينه و حبوبه كانت و فاهمه و الحمدلله عنايتهم و نظافتهم كانت وايد زينه*

واي سؤال انا زاهبه والله يسهل على الحمل ان شاءالله *

الحمدالله علي السلااامه
تتربه يعزكم ان شاالله
آبائ
اسبوع ولدتي

الحمدلله على سلامتج ومبروك البنوته

الحمدلله على السلامه وتتربى بعزكم

الحمدلله عالسلامه وتتربى بعزكم

الله يسلمج حبيبتي انا اخلص شهري تاريخ 21/7 اتوقع اني 39 اسبوع

الف الحمدالله على السلامه
مبروك ماياج تتربى بعزج وعز ابوها

حمد الله علا سلامتجً مبروك ما ياجً

الحمدلله على السلامه
وتتربى بعزكم

الف الحمدالله على سلامتج وتتربى بعزج يارب

حمدلله ع سلامتج حبيبتي
ومبررروك ماجاكم

الحمدلله على سلامتج

الحمدلله ع سلامتكم و مبرووك ما يبتي حبيبتي

الف الف مبروك

حياتي الحمدالله على سلامتج والف مبروك البنوته ..
بس حبيبتي مافهمت يعني شنو لو ؟؟
وايد قريتها ومافهمت