|
|
السلاااااااااام عليكم يا احلا بنات بأحلا قسم
اشتقت لكم برشا برشاااا
الحمدلله يابنات الله من علي ولدت بالسلامه وجبت ولد نتفه بتاريخ 27-10 يوم الاثنين الصبح بمستشفى المواساه ودكتورتي شاديه عثمان…
التفاصيل لوووول:
يوم الاحد 26 قعدت الصبح على عوار خفيف في بطني نهائيا ماجا في بالي انه طلق لانه كان يجيني باخر بطني ومن صوب واحد قلت ارد انام حاولت بس ماقدرت العوار يروح ويرد وزاد شووويه قعدت زوجي من النوم قلت له بروح مستشفى الاحمدي عشان افحص اذا ولاده اروح المواساه رحنا وصعدوني الجناح وفحصني الدكتور قال مفتوحه 2 سم والطلق حيل خفيف بس خليج يمكن يزيد قلت لا ووقعت وطلعت على مسؤليتي ورحت بيتي وخذيت اغراضي واغراض بنتي ورحت بيت اهلي الكلام هذا تقريبا 4 العصر وقعدت عند امي وعطتني دارسين وحلبه ويانسون وزعتر والطلق هو هو يابنات مازاد بالعكس صار اخف بس اخر ظهري يعورني وكلمت دكتورتي قلت لها معاي طلق خفيف ومفتوحه 2 سم قالت روحي المستشفى وانا ماادري ليش اعصاااابي كانت بااااااااارده قلت شكلها مو ولاده ورحت تسبحت وقريت سورة الزلزله واكلت تمر وشوي جابوا لي خواتي وجبه من ماكدونالدز 
وبعدين قلت بروح اتبخر على حنه ومرميه لانهم يفتحون الرحم تخيلوا توني حاطه المبخر تحتي وانا واقفه ولا ينزل مني المااااي واختي واقفه جدامي مسكينه اخترعت راحت تصررخ وتنادي امي وانا واقفه وساكته وماخفت كلش ماادري ليش؟
الكلام هذا الساعه 10 بالليل ولبست وخذيت اغراضي وجنطة المستشفى وتوكلت على الله ودخلت الطوارئ وفحصوني الا مفتوحه 3سم وشوي الا دكتورتي جايه بدون لا اكلمها يمكن المستشفى كلموها بس بسررررررعه جات حتى انا قلت يمكن اهي اساسا كانت موجوده وقالت بفحصج مره ثانيه وفحصت ولا تقول 3 وشوي بس انا ماابي استعجل واحط لج طلق صناعي روحي غرفة الولاده يمكن يجيج طلق الفجر واذا ماجاء الساعه 6 الصبح نحط طلق صناعي وصعدت غرف الولاده وقعدت اقرا واذكر الله وامي راحت نامت بغرفتي وزوجي جا نام عندي وانا حاولت انام بس من الخوف كل شوي اقوم
وخلوووني لي الصبح ماجاني لا طلق ولا شيء اخر شيء الساعه 6 ونص حطولي الطلق الصناعي وبدا معاي بعد ربع ساعه تقريبا وناديت امي وخليت زوجي يروح غرفتي ماابيه يشوف شي لوووول واخذت الكمام لما زااااد العوار<<<<ياهو يدوووخ هالكمام انا لما جبت بنتي ماكنت اعرف اشم عدل لوووووووووول المهم كل شوي يزيدون على الطلق وانا احس بالموووت وشوي الا السستر جايه تفتح رجولي قالت لها امي شنو هذا قالت بربيش وافز انا نعم نعم بربيش لاااااااااااااااا تدرون اني مااعمري جربته بس مره قريت بالمنتدى انه يعور وقت لما يشيلونه وثبتت المعلومه براسي
وافصل عليهم لاااااااااااا بربيش لاااااااااااا نادواااااااااا زوجي ابي زووووووووووجي والسستر تحاول فيني خلاص ماراح احطه وامي تحاول وانا لاااااااااااااا ابي زوجي ابيه كيفي بكلمه وتروح امي تناديه واقعد ابجي عنده شوفهم بيحطون لي بربيش ههههههههههههه والله احس شكلي كان نكته وماحطوا لي اياه خافوا مني لووووووول المهم كل شوي السستر تفحصني وتسالني اذا في شد تحت او لا واخر مره سالتني قلت اييييييييي لما شافت قالت اوووو ولاده وتطلع امي تركض تنادي الدكتورهوللعلم الدكتوره معاي من حما الطلق وقرت علي ومسحت على راسي والله عسسسسسل المهم جات الدكتوره وشافت قالت ايييي ولاده انا اشوف شعر البيبي طبعا زوجي طلع من قبل لايربطون رجولي<<<<<اكره هاللحظه وكل ماجيت اصارخ اذكر ربي واشم الكمام حييييييييييييييييييييييييييييييييييل واالله يابنات ربي ساعدني ومن اول ماقعدت الدكتوره جدااامي ومع الطلق صاااااااااااااااااااارخت وقلت ياااااااااااااااااااارب ساعدني ولا احس براس البيبي وبعدها جسمه بسرعه طلع واول ماحطوه على بطني رحت بعالم ثااااااااااااااااااااااااااااني …
اللي احب اقوله اول شيء الحمدلله اللي سهل علي وقر عيني بشوفة حبيبي والشغله الثانيه لخواتي اللي موصلات نصيحه يابنات كثروا من التمر وامشوااااا قد ماتقدرون ونسيت اقول لكم شغله ترى انا شربت كف مريم قبل اروح المستشفى والشغله الاخيره والاهم بنات اقروا سورة مريم والزلزله والادعيه اللي تسهل الولاده ونصييييحه لاتصاااارخون كل ماحسيتوا بالالم شموا الكمام وقولي يااااااااااااااااااااااااااارب ساعدني قوليها من قلب وان شاء الله الله بيهون عليكم وتقومون بالسلامه وحتى ماراح تطولون وتتعذبون بالطلق لحظات وبتمر وبتقولون ياحلو الولاده خخخخخخخخخخخخخخخخخ
تقبلوا تحياتي واسمحوا لي على الاطاله
ولاتنسون تدعون لي ولزوجي ولبنتي ولولدي 
وعقبالي لمن اولد وافتك من الثقل
ومشكورة عالنصايح ..
والله يجعله من الذريه الصالحه
شلون المستشفى وعنايتهم ؟ والسسترات؟
والله يسهل علينا منو دكتورتج؟
بس قلتي سالفه البربيش عيوني دمعت لوووول
الله يهديك
غورقت عيوني
موعدي بعد كم يوم وميته من الخوف
ابي اولد اليوم قبل باكر
وحاسة بكل كلمة كتبتيها
الحمد لله على السلامة ومبروك ما جاك
الف مبروح والحمدلله على سلامتكم يتربى بعزكم يارب…
الحمدلله ماتعبتي وكلها سهاله يارب لك الحمد والشكر…عقبالي وعقبال البنات اللي على راس ليلتهم…
والفال لنا ياااااااااااااااارب