|
|
قوه بنات شلونكم
الحمدلله ولدت بالسلامه ويبت بنوته مثل القمر نتفه حدها وسميتها (جوري)
الحمدلله ولادتي كانت بدار الشفاء (الدكتوره ناهده العلي ) وكان بتاريخ 24_2_2008 يوم الاحد
اللي صار انه كنت نايمه الصبح كانت الساعه 10 ونص الصبح وحسيت جنه شيء بينزل مني مثل الدوره قمت من الفراش ولا ينبط جيس الماي ومع دم
رحت على طول دار الشفاء ولا تفحصنى الطواري جان تقول 3 سنتي مفتوحه
وسولي دخول ودقوا على دكتورتي ناهده
وطبعا مافي طلق كلش
وماقصرت والله الدكتوره بسرعه ييت على طول
المهم ريلي راح يسوي اوراقي ولا مافي ولا غرفه كله فل وانا بصراحه كان بالي احجز (الجونيور)الغرفه العاديه
بس قالوله مافي غير 3 غرف ملكي
فحجزلي الملكي وايد الغرفه حلوه وراقيه وخذيت معاه خدمه سيرفس وحده تساعدني وكان كل شي مرتب
المهم على ما حطولي تخطيط وابره الشرج مر الوقت بسرعه وصارت 12 الظهر
دخلوني الولاده وحطولي طلق صناعي لانه العوار بدا فينى خفيف مثل عوار الدوره
الحمدلله 3 الظهر ولدت والدكتوره ناهده ماقصرت اموت عليها والله بالولاده تقرى ايات وادعيه وحاطه كرسي وقاعده يمى ماهدتنى ولا دقيقه بعد عمري
بس اللي صار انه المشيمه انفصلت عن الياهل وكان بسولي عمليه قيصريه بس الدكتوره وسعت رحمي وطلعت بنوتي بالسلامه
وزارتنى ثاني يوم بالمستشفى الدكتوره صج ماقصرت
لحمدلله ولادتي كلها سهالات
انشالله عقبالكم يارب والله يقوم كل حامل بالسلامه يارب
وبنات بالنسبه للمساج بعد الولاده انا يبتلي وحده صينيه فظيعه مساج مو طبيعي يبتها 3 ايام السابع والثامن واليوم يبتها لي التاسع صج ريحتنى وهذا رقمها 7669683 وطلبوها قولو نبي (دانه)اهي صينيه لانه هذا معهد مساج
طلبوها بالاسم صج عجيبه وتاخذ باليوم 10 دنانير وتقعد ساعه كامله
شلون نزل الماي عليج كنتي تشربين شي يفتحه ؟؟
وليش البيبي عنونه يايبتها اي شهر
ومبروك ما ياج
ويتربى بعزج حبيبتي 
|
المشاركة الأصلية كتبت بواسطة SweeTa_4ever
 حمد الللله على سلامتج حبيبتي ومبرووك ماياج
شلون نزل الماي عليج كنتي تشربين شي يفتحه ؟؟ وليش البيبي عنونه يايبتها اي شهر |
الله يسلمج ياقلبي
انا موعدي 29-2 ويبتها قبل موعدي بسبوع تقريبا 24_2 يعنى 3 اسبوع من التاسع
ماكنت امشي وايد بس مره وحده شربت دارسين ومره خروع
وكنت دايمن ابخر نفسي
وبنتى اسمله عليها 3 ونص كيلو بس مادري ليش شكله نتفه وايد جنه بوكيلوين وشوى
والحمدالله على السلامه
وتتربى بعزكم انشاالله
وتتربى بعزكم انشاالله
و اذا تبين اس سؤال او استفسار عنج ولا عن البيبي
البنات ما يقصرون في تجمع مواليد 2024 حياج معانا
في قسم التربية و الطفل
ومبروك ما ياج