الحمدلله صبرت وتوكلت على الله والله رزقني

حبيت اقولكم قصتي يمكن افيد وايد بنات وانشالله يارب مثل ماربي رزقني الله يرزق كل محرومه انشالله، انا صارلي متزوجه 3 سنين ونص واول سنه من زواجي كنت امنع الحمل مانع طبيعي ولمن قررت اني احمل ثاني شهر علطول حملت وتم الحمل 8 اسابيع ووقف نبض الجنين وسويت تنظيفات وعقب التنظيفات ماكان راضي يصير حمل كلش ومع العلم كان وزني 104 كيلو يعني وايد متينه وطبعا الدوره من عقب التنظيفات ماقامت اتييلي الا بحبوب واعتفست وكنت اراجع بمستشفى طيبه وكانوا يعطوني منشطات ابر وحبوب وماكو فايده كانت لمن تنزل الدوره الدم واااايد والعوار مو طبيعي عاد قالولي عن الدكتور هدى الزكري انها زينه ورحتلها وقلتلها سالفتي جان تقولي انتي فيج تكيس كبير عالمبيض اليمين عشان جذي الدوره ما تنزل وعشان جذي مايصير حمل والمنشطات بجميع انواعها ماراح تنفعج بالعكس قاعده تظرج لأنج وايد متينه وعلاجج لازم تضعفين وطبعا انا ما اقتنعت بس قلت بتوكل على الله وبحاول اسوي ريجيم .. وسويت ريجيم ودشيت نادي مدة 5 اشهر ونزلت 26 كيلو وماصار حمل وفقدت الامل عاد كانت دكتورتي إتابع وزني وتشجعني لمن شافتني مليت من الريجيم والرياضه سوتلي اشعة الصبغه وقالت انه مافيني شي وانا كنت وايد أحن عليها اقولها اتسويلي عملية كي حق التكيس وماكانت ترضى تقولي حرام علاجج بإيدج عاد قلت اخر شي خلاص مابي اروح النادي بسوي ريجيم وبس والشهر اللي وراه ولاّ انا حاااامل