|
|
السلام عليكم ورحمة الله وبركاته
مبروووك لكل حامل واسأل الله يرزقنا بالذرية الصالحه المتعافيه
يابنات ياحبيباتي انا حامل بالشهر الثاني واسبوعين وناويه ان شاءالله واراد اني اسافر عمره بالسياره طبعا هناك راح اطوف واسعى بدراجه ماراح امشي خوفا ع الحمل وانا الحمدلله هذا ثاني حمل لي والحمدلله كل شي طبيعي عسى الله يتمه
بس بيني وبينكم متخوفه
اللي مجربه السفر وهي حامل او عندها خلفيه عن هالموضوع تنورني وتعلمني وان شاءالله راح ادعي لكل وحده تساعدني ان الله يسر لي ورحت
حبيتي ممكن سوال ابي اعرف انزل موضوع شلون. وانا وحده جديده
الحمل تعب + السفر بسياره تعب مضاعف ولو صار فيج شي راح تحاسبين يوم القيامه هذي روح ارتاحي مكه مو طايره
والله يكتبلج اللي فيه خير لج يااارب
ببجري كنت رايحه عمره بسياره ومادري اني حامل والحمدالله الله يسرها بس صار عندي نزول شوي بالمشيمه بالرابع وارتفعت بالسابع
الحين بحملي الثاني كان لي 3 شهور او 4 شهور رحت عمره بس طيران داخلي من السعوديه يعني مشيت نص المسافه وبالطواف كنت على دراجه ولما رديت الكويت قالوا المشيمه نازله شوي بس عالسابع نزلت اكثر بس مادري هل هو بسبب السفر او الدوام وكثرة الحركه والمشي
دعواتج ترتفع واولد طبيعي انا الحين بالتاسع 
دكتورتج لان فيه حريم لما يحملون صعب عليهم السفر وفيه العكس
ودعواتج لي لاتنسيني ربي يقومج بالسلامه ان شالله
لا يكلف الله نفسا الا وسعها
والله يتمم حملج على خير وتولدين بالسلامة وتشوفيين ضناج بصحة وعافيه بحضنج
الله يسهل عليج و يتمم عليج يا رب
ترا الدين الاسلامي يسر مو عسر
اجليها لما تولدين لان سمالله عليج لو صار للبيبي شي ترا بذمتج انتي
فكري فيها شوي
مشكوره حبيبتي ع الرد
خاطري فيها حيل والله
بسأل الدكتوره وان شاءالله خير
ويارب يغفرلج ولوالديج ولكل من تحبين ويجمعنا كلنا في جنته
شكرا
اسأل الله العظيم في هالوقت المبروك انه يتمم حملج على خير ويهون عليج ولايشقيج ويرزقج بالطفل السليم
شكرا حبيبتي
يارب يرزقج بكل مااتتمنين ويوفقج وين مالقيتي وجهج
شكرا حبيبتي
شكرا حبيبتي
شكرا حبيبتي ع الرد ويارب يفرحج ويسعدج في دنياج واخرتج
بسأل الدكتوره وان شاءالله خير
وقالت الدكتوره عادي بس اهم شي
تركبين دراجه وقالت لزوجي لاتسرع
بس انا كنت بالثالث
روحي للدكتوره افضل لج لانه هي تعرف
اذا الرحم يستحمل المشي او لا