|
|
واخيرا ولله الحمد ولدت بالسلامة يوم الثلاثا تاريخ 14-10-2008
توني داشة التاسع وولدت والحمدالله البيبي زين ياربي يسلم قلبه اينن مشالله شفته وربي قر عيني بشوفته الحمدالله رب العالمين
اقولكم قصتي
الله يسلمكم القصة تبدي من الاثنين بليل قررت اني اروح امشي على الرمل وطلعت مع ريلي ورحنا بحر المارينا ومشيت على الرمل المكان الصراحة روعة لايطوفكم ماقدرت امشي وايد لان الجو شوي كان مرطب ورديت البيت وتعشيت عقب العشا شربت عصير اناناس وكنت حزتها اسولف مع بنات التجمع يقولولي بتصيرين انتحارية اليوم 
وقعدت اسولف معاهم قلت خل اسوي حليب مع الزعفران الدكتورة قالت انها من الاشياء اللي تساعد على الولادة جان يقولون البنات شكلج ناوية على نفسج اليوم قلت تقريبا 
صار نص الليل ودشينا على يوم الثلاثا حسيت باليوع جان اقوم اسوي نودلز الجاهز اللي بس تصبين عليه ماي حار وحطيت فيه شوية فلفل – كملتها – بعدها رحت نمت
الصبح قعدت على صوت ريلي قاعد يبدل بيروح الدوام طلع ورديت نمت ما اتوعى 5 دقايق ولا هذا اللي داش الشقة قلت له اشفيك قال بس ناسي شحن التلفون تلفوني بيطفي رد طلع عاد انا قمت رحت تكرمون الحمام حسيت ان بطني يعورني والبيبي كان متيبس على جنب المهم خلصت من تكرمون من الحمام ياية اطلع جان ينزل علي شي استغربت قلت يمكن تكرمون بول رديت قعدت ولا لا هذا ماي وحدي اخترعت وتصروعت مادري شسوي ومو متوقعه ان يصير هالشي مادري ليش 
المهم رحت الدار اييب تلفوني والممر تدمر تكرمون كله ماي ودقيت على ريلي قلت له وينك قال انا ماطلعت من المنطقة قلت له رد قال ليش اشفيج قلت له الماي نزل المسكين اخترع شنو اكيد الماي قلت له اي نزل الماي قال يلا كاني راد لج وعقبها دقيت على امي قلت لها نزل الماي مسكينة اختبصت وين ريلج اييلج قلت لها لأ ريلي ياي قالت انا ابدل والحقكم المستشفى
وصل ريلي ولا اشوف خالتي وراه يابو عبايتي ولبستها وركبت السيارة وريلي قعد يفكر بطريج مو زحمة لان زحمة الدوامات مو طبيعية وانا بولد برويال حياة المهم لقى طريج ورحنا وطول الطريج الماي قعد ينزل علي سيارته غرقت من الماي وصادتنا الزحمة قال ماكو الا امشي على حارة الامان جان تشوفنا دورية ووقفتنا نزل ريلي والشرطي نزل بيخالفنا قال له ريلي مرتي بتولد بوديها المستشفى الشرطي ما استوعب الحجي جان يقوله امش على اليمين جان يصرخ ريلي اقولك مرتي تبي تولد جان يختبص الشرطي قاله خلاص الحقني ومسكين طلعنا من الزحمة يجزاه الله الف خير ووصلنا المستشفى
على طول دخلوني الطوارئ وفحصوني ولا مو مفتوحة ولا سانتي ودوني عقبها غرفة الولادة وعطوني تكرمون حقنة شرجية ويت دكتورتي فحصتني هم مو مفتوحه ولاسانتي وعطوني تحميلة طلق صناعي وقعدت وانا مو حايشني طلق كلش حتى مع التحميلة ماحاشني شي ومرت علي 12 ساعه لا طلق ولا مفتوحة كلش والبيبي قلبه ضعيف قالت الدكتورة الصراحة لو بنتي ما اجازف فيها كلش لان البيبي ضعيف وصار له 12 ساعه بدون ماي
قال ريلي نتوكل على الله وتولد قيصرية والحمدالله على كل حال ولدت قيصرية بالسلامة والبيبي الحمدالله طلع بالسلامة
وشفنا ولي العهد اللي ننطره وسميته احمد ياربي يخليه لي ولابوه وريلي مسميه القيصر احمد حلو اللقب
ادري طولت عليكم بس هذي القصة كلها واذا عندكم اي سؤال انا حاضر
وسلاامة حمااااده والله يخلييه لج ان شاااء الله ,,,
مبروك على المولود الجديد أحمد
و انا ولدت قبلج بيوم و قيصرية و هم يبت ولد و سميته علي
ووحمدالله على سلامتج وسلامة احمداني
ألف الحمدلله على سلامتك ، ومبروك اللافي ، عسى الله يعينك على تربيته وتذوقين بره وإحسانه فيك..
بس حبيت اسألج شلون عناية السسترات والدكاترة بغرفة الولادة وبعد الولادة ؟؟؟
لاني احتمال اروح رويال حياة
والله يجعله من الذرية الصالحه اللهم امين
انزين منو دكتورتج ؟؟ واي غرفة ولدتي ؟؟ واشلووووون رويال حياة ؟؟
ومبروك اللافي
جعله الله من الذرية الصالحه
ولقب القيصر خووش لقب
ومبروك اللافي
جعله الله من الذرية الصالحه