الحمال بعمر 30 زين ولا كبيرة؟

يعطيكم العافية حبيباتي شخباركم خواتي
بس بستفسر لضروف دراسة وقفت فكرة الحمال رغم اني ميته على اليهال وعلى ما اتخرج باذن الله يصير عمري 30 سنة وولدي الله يحفظه راح يكون 4 سنين بعمر 30 الحمال راح يكون زين ولا عمري كبير

احس عادي تحملين بههالعمر توج صغيره اصلا

توكلي على الله

عادي يا قلبي

مافيه شي العمر الي ينخاف منه 40 وفوق

لا يبه شكو بعدج صغيره والله حتى عمر 40 ما فيه شي شكثر اعرف حملو وولدو بهذا العمر وولدو عيالهم ما فيهم الا العافيه

عادي حبيبتي

الخوف من ٤٠ وفوق

اما الـ ٣٠ عمر طبيعي ~

عادي بالعمر هذا الحمل حتي حريم عمر 40 يحملون اذا الدوره الشهريه انقطعت عنج هذا اللي ينخاف منه الحمل يصير مستحيل

حبيبتي عادي
في ناس توهم يتزوجون بهالعمر

المشكلة ان مو باي حزة تركت الحبوب بتحملين
مو شرط
والوحدة كل ماجابت عيالها ابكر احسن
انا شخصيا دايما انصح الوحدة تحمل وتفرخ قبل ال30 وتفتك
بس كصحة للجسم عادي يصير
عالعموم انت اخبر بظروفج

من صجج?
توج صغيره عادي
أمي حملت بعمر 40
ويابت دلوعة البيت فديته
بس بقيصيريه لأنها تعبت بحمالها وايد
وأنتي صغيره عمرج 30
عادي حبيبتي

ان شاء الله ما عليج الا العافيه انا حملت باخر العنقود وعمري 32 والحين حامل وعمري 35 عادي حياتي وربي يتمم علينا وكل شي عند ربج .
انا رفيجتي الله يشافي ولدها يابته واهي عمرها 22 سنه وطلع فيه اعاقه ويارب يشفيه وتستانس فيه مو شرط العمر ربج اذا اراد شي قال له كن فيكون توكلي على الله وكثري من الفوليك اسيد وان شاء الله تحملين وربج يحسن خلقه وخلقته

ان شا الله ما في اي خطر بهالعمر
يبدأ الخوف بعد 35
الحافظ رب العالمين
نصيحه من أخت " حاولي تولدين قبل الثلاثين
لصتحج وليس لجنين "
لأن طبيعي بعد الثلاثين يتوقف تجدد العظام ويكون الهدم أكثر من البناء
فإذا حملتي بالعشرينات وخلصتي يمدي العظام تتجدد
وعسى ربي يكتب لج الصالح بكل عمر وكل وقت

توج صغيرة والطبيب يقول من سن 35 تبدا مشاكل الحمل لا تحاتين

حبيبتي بالعكس توج صغيره والله يكتبلج الحمال ياارب

مافيها شي ان شالله ربي يرزقج الي تتمنينه

تو الناس حبيبي .. 30 عمر مناسب للحمل والولادة ..