الحمال بالشهور

السلام عليكم
بنات انا مفتر راسي صج
شلون حسبت الشهور بالحمال

يعني انا عبالي كل اربع اسابيع ادخل شهر يديد بس جنه غلط

المهم انا الحين بالاسبوع 19 يعني اي شهر
وبلير الي تعرف كل شهر من اي اسبوع لي اي اسبوع خل تفيدني

شكرا

الله يوفقج

حطي اخر موعد الدوره عشان نعرف لان ١٩ يعني حسبتج غلط اذا كل ٤ اسابيع شهر ههه

١-٤ شهر الاول
٤-٨ الثاني
٨-١٢ الثالث
١٢-١٦ الرابع
١٦-١٩ خامس ناقص اسبوع بحسبتج
الحين بدور لج الصح

هذا الصح
احسبي الاسابيع لين توصيل ١٩ وبتعرفين اي شهر

الأسابيع: 1_4 الشهر: الأول
الأسابيع:5_8 الشهر: الثاني
الأسابيع: 9_13 الشهر: الثالث
الأسابيع: 14_17 الشهر: الرابع
الأسابيع: 18_21 الشهر: الخامس
الأسابيع: 22_26 الشهر: السادس
الأسابيع:27_30 الشهر: السابع
الأسابيع:31_35 الشهر: الثامن
الأسابيع: 35_40 السهر: التاسع

السالفه مو وايد صعبه

الشهر معروف شهر ههه ٣٠ يوم
يعني ٤ اسابيع و يومين يعتبر شهر و شكرا

انتي الحين بالشهر الخامس

غلايو يعني الشهر السادس اطول شهر :/
شكرا جميعا

الله يسهل عليكم
شوفي اخر سونار لج وحسبي حق روحج من تاريخ اول يوم من اخر دوره

عموما المفروض دكتورج يقولج انتي كل جم من الشهر تدخلين بشهر يديد

ان شالله بسال دكتورتي الموعد الياي شكرا

كل اربع اسابيع و 3 ايام يعتبرو شهر

الله يسهل عليج