الحقووووني تكفون تقسيمه المهر

الحقوني يا بنات تكفوت توهقت رحت شريت ذهب ومابقئ مـ???ـن مهري غير ???? دينار ولما رديت قسمت طلع ما يكفي معنى كل شيء حطيته حده حده تكفووووووووووووووووون قسمولي وساعدوني وكل وحده تكتب تقسيمتها مع العلم نفنوفي الأبيض دفعته باقي له بس300 لازم ادفعهم ضمن4800 والله بدعي حق إلي ترد وتساعدني أنا أكبر خواتي ومحد عندي يساعدني

يابنات إلي باقيلي 4800مإدري ليش ماطلع فوق مكان الاستفهام!

سهالاات ان شاء الله يالغاليه اهم ي خشي فلؤس الصالؤن مع باقي الثؤب ؤالمسكه ؤالتصؤير ؤعندج الحين معرض العطؤر ؤالميكاج فاتح رؤحي اخذي عليهم عرؤض ؤالباقي البجايم ؤالقمصان سهالات مقدؤر عليها ؤالبدل ؤالدرايع على حسب اذا انتي مع حمؤل اؤ لا .. حبي اذا انتي مؤضفه زيدي من معاشج ؤجهزي انا مسؤيه هالحركه قاعده اجهز من معاشي على الخفيف من عطؤر ؤقمصان ؤبجايم .. ؤان شاء الله يكفي يا قلبي لا تحاتين ؤالله يسهل عليج ان شاء الله

اب اب

يا بنت الحلال أحمدي ربج خلصتي الذهب وبقى 4800 بتكفيج وبتزيد انشالله

صج متى عرسج ؟؟؟

إذا دفعتي لنفنوفج 300 بيبقى لج 4500

الصالون أتوقع 300

والمصورة أدفعي العربون 200 بس وبعد العرس عطيها الباجي أو خلي زوجج يطلعهم لج

يعني بقى لج 4000

إذا انتي موظفه نفس ماقالت (( غناتي )) حاولي تخلصين بجايم ميك آب عطور من معاشج أو اعانتج إذا كنتي طالبة

ثانيا إذا عرسج مطول استغلي التنزيلات ترى شهر 5 و 6 أغلب المحلات سيل وحيييييييييييل تنفع العروس

الميك آب والعطور حاولي تشطبين شغلج من المعرض آنا ما رحت بس على حجي البنات إن العروض ما تطوف وبتنفعج

وحاولي بالميك آب تآخذين الشغلات اللي انتي متعوده عليها يعني لا تشترين شغلات ما راح تستخدمينها

العطور إخذي 5 شرقي 5 فرنسي وبخور للبيت وبخور لاستعمالج الشخصي والمسك و لاتكثرين

بقولج تقسيمتي واللي ناويه أسويه … و انا الحين أجهز من اعاتني

جناط 5 يكفوون لا تآخذين كلهم ماركه يعني أخذيلج وحدة بحدود 120 أو 130 واللي موضتهم ما تروح

والباجي أخذي تقليد بحدود 30 ل 60

و الجواتي عزج الله أخذي الألوان الأساسيه أسود أبيض بني بيج كعب وفلاتات يعني خلي تقريبا 200

قمصان أنا ناويه اشتري 15 طويل و5 قصير طبعا من غير حق أول ليله طبعا ال 15 من بينهم بخلي 4 أو 5 يكونون قطعتين

معاهم روب وبشتري لون بيج على سكري حق ثآني يوم

بجآيم الستان كثرت منهم والله ما عديتهم بس ابيهم يوصلون ل 15 لان البجايم استهلاك وأحلى شي للعروس طبعا منوعين

بين 3 قطع وقطعتين وبرمودا وشورتات

والقطن أخذيلج 4 للدورة والباجي نوعي والعدد اللي تحبين أنا بعد كثرت منهم

ولبس الشقه خلي له 200 يكفي انشالله

بالنسبة للدراريع يختلف ع حسب انتي عند حمولتج او بشقه بروحج

يعني اذا عند الحموله مضطره تكثرين دراريع وتقللين لبس شقه والعكس

بدل الاستقبال اخذي لج 5

وبدلة صباحيتج خلي لها 400 بس تأكدي اذا عندهم حفله أو لا عشان ما تخسرين

سوري ردي مو مرتب لاني أطالع التي في واتذكر واكتب

عسى ربي يتمم عرسج ويبارك بمهرج يااااااااااااااااااااااااااااااااااااااااااااااااا اااارب

بعد عمري فديتكم غناتي وفديت روحي على اهتمامكم بمشكلتي بس أنا مع حموله يعني يبيلي لبس وإيد وقسمت حق ملابس الشقه150
وقمصان300 وعطور300 وبخور150
شسوي حده حده بس القمصان غاليه مايكفي300 أتوقع ؛(اشكركم على ردودكم انتو بنات كويتيات خوات دنيا

والله انا نفسك مجهزه الهدوم والاغراض من فلوسي الخاصه ولا الباجي الله يستر

حبوبه قمصان النوم موشرط كلها غاليه في اماكن رخيصة و حلوه
ولدراريع الحموله انتي اذا تعرفين طلعي موديلات وقصات من النت او الكاتالوجات و روحي البلوكات قصي خام وفصلي عندهم فوق يطلع عليج رخيص

يعني توكلي على الله وسهليها

انا مثل حال البنات قاعده اجهز من معاشي عالخفيف عشان المهر يصير للضروريات وما اتوهق

والله يوفقج ويسهل امورج

فديت قلبج
حياتتي عندج في محل تحت الامتياز الي بالفرؤانيه ؤحده قالتلي عنه ؤناؤيه اؤرحله تقؤل رخيص 40 دينار تاخذين فيها اكثر من قميص ؤبجايم رؤحي شؤفيه طلي عليه يا قلبي ..
عندج تاؤن مؤل الي عند سطرة دريم مؤل اؤل ماتدخلين تاؤن مؤل على ايدج اليسار في محل اسمه مؤدا بؤدي شؤب رؤحيله عندهم عرؤض مؤطبيعيه قبل كم يؤم مسؤين تنزيلات 80% حق كريمات الجسم ؤاللؤشنات ؤشغلاات الحمام ؤالعطؤر الفرنسيه انصحج فيه حيييل

صح انا مع اختي كلي لك قمصان النؤم في اماكن رخيصه حيل ؤالقمصان مؤبقيمتها اهم شي مرتبه على الجسم .. ؤسهالات يالغاليه

انا امي و خواتي الكبار اهم اللي جهزولي كل شي

ان شاء الله يكفونج و يزيدون بعد

فديتج ما سوينا شي احناا خواتج ونعين ونعاون

300 واجد ع القمصان خليهم 200 او 150 وانتي لاتكثرين لان مهرج حده حده

ولاتشترين الغالي يعني خلي بس حق اول ليلة وثاني ليلة غالي والباجي روحي لمحلات

اللي قالوا عنها البنات وهم عندج الجميع في شغلات حلوة ورخيصه

وبالنسبه لدراريع مو لازم كله من حريم لأ اخذي لج جم شغله من العربيد دراعات سارا وشحليله

وطلعي موديلات من النت وفصلي عند خياط يعني نواعم حق نزلتج لهم مثلا اخذي خامه سادا وخلي

الشغل يكون بالكلف بتطلع حلوووة

عسى ربي يوفقج ويسهل عليج يااارب

بعد عمري ماقصرتو بيض الله وجيهكم زين أنا محتاره بالإفطان منؤ تعرف وحده تسوي دراريع بيت حلوه مابقئ شيء أنا عرسي ? / ?

الله يتمملك بالخير ويسعدك وعقبالنا يااااااااارب