|
|
السلااام عليكم خواتي*
افففف ريلي قاهرني بالقووو*
تخيلو معاي الموقف*
اليوم عنده معسكر و يبي يروح الحلاق و مومتغدي لان غدانا دوم بيت عمتي الي اهي امه*
ف انا جهزت شنطته و لبست جلابيه لكنها حرير*
و استبردت ف قلت بغيرها موتتني من البرد*
ولبست بجامه صوف*
و قالي ليش وين بتروحين قلت بيتنا (يعني بيت اهلي لان مسافه5دقايق بس)*
ف ماحطيت شي بويهي ابداً لاكريم لاعدلت حواجبي واهي روحها خفييييييييفه ولا كحله ولا شي*
هو لبس و رحنا السياره الا اجوفه وقف صوب بيت عمتي لانها جارتي بعد*
و قالي يالله ننزل نتغدا؟*
قلت اسفه انزل بروحك وانا بتم فالسياره لاني مو مرتبه ابداً و عباتي راصه علي لان البجامه منفختني و حتى حواجبي مومعدلتنهم*
عصب ودخل عند امه ورجع لي قالي البيت مافيه حد (جذاب كل خواته و حريم اخوانه هناك)*
قلت اسفه ماقدر انا مومرتبه ابداً*
عصب زياده وحلف ان لو سرت بيتهم ما احط بويهي شي ابداً*
وانا عصببببببت وتميت ساكته بس قلت له هيه انته لازم يوم تطلع تكون مرتب وانا بالطقاق هاا*
وسكتت لين وداني بيت اهلي لاني بنام عندهم*
الحين قااهرني وساد نفسي عن الاكل*
شو اسوي بحلفانه وانا شبه يومياً اروح بيت امه*
باجر هو مباراه وبيرجع متاخر*
واكيد يوم الثلاثا بنروح بيتهم شسوي؟*
انا قلت عادي بضبط حواجبي ولو عصب بقوله مابروح بيتكم اسفه مومجبوره اروح بيت امك*
ودني بيتنا*
انا جذي من خذتني و حلفت وانت معصب*
عيل انا بحلف ان ماتطلع من البيت متعطر و ماتروح الحلاق (ولو صج معصب بحلف واسويها)*
و مادري شسوي نار شابه ف قلبي عليه لان هو مرتب وايد وانا بعد احب اكون مرتبه اقلها اضبط حواجبي*
شوروا علي ياخواتي*
شسوي*
انا قلت بكلمه اليوم بس ماعرف شقول*
مرات اقول بعتذر له بس انا ماغلطت ؟*
ومرات اقول لا بعتذر عالاقل يمكن يحن علي*
ومرات اقول خل يولي يبي يفشلني جدام خواته مع ان خواته عافانالله من النوع الي يتكلمون وراي بالشين*
ماعرف شسوي ساعدوني
كلميه بهدوء وبروااق ، ترا الريال يطخ وينسى بكلمه الطيبة
والله ضايقه فيني الدنيا وهو الحين تمرين بيطلع اظن بعد صلاه العشا و بروحون الفندق لان باجر مباراه
متى اكلمه؟
و شو اقول له ؟
بليز هيلب 
وكلميه وناقشيه
والله يسخره لج
ليش ما سايرتيه ونزلتي !
انا اقول دقي عليه مو اعتذار
بس طيبي خاطره قوليله كنت متفشلة انزل وشكلي جذي
عباتي راصة واحس شكلي غلط
السالفة صار فيها مرادد وايد عشان جذي عصب
اتوقع حلفه بوقت عصبيته بس ماراح يطبقه
بس انا ماراددته
كنت اقوله جوف بطني وصدري كيف راص
وما قلت له عن ويهي الا مره قلت ولا محطيه كحله اظن او قلت ماعدلت حواجبي
لاني اعرفه يعاند
بس بعد مو حلوه ابداً تخيلي شكلي لابسه صوف والعبايه راااااصه والله ايدي ما اقدر اثنيها
وهو من العصبيه ماتغدى
قلت بكلمه فليل
بس موعارفه كيف ابدا معاه
وكثري من الاستغفار
والله يحلها ان شاء الله ويهدي النفوس
ياعمري هو عصب لانه وصل لبيت اهله واكيد بيقولج نزلي فعادي تطخين شوي وتسايرينه وتعتذرين الحين لانج ما سايرتيه
بالنزله لأهله
و عشان هالازمات انا لالالالالالالالازم جنطه ميك اب صغيرونه معاي لو بروح السوبرماركت ههه ما ادري عن الظروف
والله يهدي سركم ويجمع بينكم بالخير ان شاء الله
والله يهديه قهرني
والمشكله ان خواته للشماته اللهم ياكافي
و حتى لو نزلت بيكون نفسيه و حالته حاله يعني مو ندمانه اني مانزلت بصراحه
لان ما اقدر اخلي عمري جذي جدام اهله وانا يادوب توه صاير لي سنه من تزوجت
الله يهديه
بس عادي هو حلف بلحظة عصبية يعني لو يطخ بينقد على نفسه حتى ..
شدعوة اروح لأهلك بدون ميكب !!
شوفي لو كبرتيها بتكبر صدقيني
كلميه مو ااتصال دزي له مسج عشان لا ياخذ ويعطيي وتكبر السالفة
انه يا فلان ماينفع جذي وانا احب لما اطلع وياك مكان لازم أضبط عمري عشانك و و
يعني سحبيه بالكلام هذا طيريه بالعجه صدقيني بيجيج هو يعتذر
انا قبل لما أبي شي من ريلي أعانده ويكبر الموضوع وآخرتها انا الخسرانة الحين اذا تكلم سكت ماقلت شي ولا راددته
وأسبقه وقت النوم يكون هو ع التي في وأتضبط وأتزين على سنقة عشره وأرسل له مسج عتاب والله ما ياب راس ريلي الا حركتي هذي 
جربيها يمكن تضبط وياج 
وقولي له ما تبي نمر عمتي ؟!!
يعني تراني الحين عاقلة وأسمع الكلام
وإذا رديتي البيت عاد سوي المخطط السابق الذكر
يا دوب اضبط حواجبي و كحله ومسكرا بس! مرات احط بودره
ويلاحظها بعد وامسحها!
و احط قلوس نيود او مرطب
هالي قاهرني انها اشيا يوميه مو مكياج بكل معناه