الحضانه شنو فايدتها

بنات انا مو موظفه و
و

و

و

وشؤالى واضح شنو فايدة الحضانه لغير الموظفه لانى ابى اي شى مفيد لعيالى مابى اكون اخر من يعلم وشلون دواماتهم انا توامى عمرهم سنتين ما شاء الله

هلا اختي

وعسى الله يخليلج عيالج ..

الحضانة وايد مفيده ويعلمون الياهل الاعتماد على النفس

انا دخلت عيالي حضانة كان عندهم 4 مواد

دين – عربي – انجليزي – مادة سلوك

الاخيرة وايد مفيده يعلمونهم التعامل مع بعض ومع الغير

اول فايد ان الياهل يير اجتماعي ويعرف يلعب من اليهال
ثاني شي تتعدل نومته وأكله
ثالث شي يتعلم ويستفيد حتى لو انتي تعلمينه الحضانة احسن لأن اذا في يهال وايد يتعلم الياهل اسرع
ورابع شي تفتكين من حنتهم ولويتهم مؤقتا …

الحضانه تعلم الياهل على الاختلاط و يشوف يهال من سنه و نفس عمره و تعلمه اللعب الجماعي و الانتظام و الدروس عربي و انجليزي و فنون و تتغير نومته و نظام اكله و في حضانات يساعدون الياهل على قط البامبرز و بالمره يصد الياهل عن البيت و عن الخدم .
بصراحه الحضانه مفيده و خاصه لا صار الياهل من سن عيالج سنتين وفوق لان يفهمون و هذا السن اللي يتعلمون فيه و يلقطون .

مادري اذا انتي مو موظفه ليش تدخلين عيالج حضانه؟؟
انا هذا رأي وانتي كيفج
ا

مشكورين انا مو موظفه بس احب اعيالى يكونون احسن شى وابيهم يتكلمون بعمر صغير

يا مرحبا أنا من رأيي في وقتنا هذا اقول أن الحضانة وسيلة للمعرفة سواء سلوكيا أو معرفيا لأن اليهال في هذا الوقت ما يسمعون منا نحن الأمهات للاسف اذا قلت له لازم تغسل يدك قبل الاكل يطنش لكن اذا رجع من الحضانة قال ماما الأبلة تقول لازم نغسل يدينا قبل الاكل وانا الحين ابي اغسل يدي المقصود أن الياهل يتأثر بالمعلمة اكثر من البيت ولهذا اقول لا بد من الحضانة سواء كنتي موظفة أو ربت بيت