الحركه المروريه واثرها على النفسيه

في البدايه احب اعرف عن نفسي انا بنت كويته غيوره على وطني الحبيب بكل تعنيه احرف كلمات الولاء و الوطن والانتماء خواتي هذي اول مشاركه لي واتمنى انها تفيدكم ويهمني جدا اعرف رايكم بوجهة نظري الشفافه للامور وقياساتها من الناحيه المنطقيه

راح اتكلم معاكم عن الحركه المروريه يمكن بعض الخوات يقولون عني سخيفه , فاضيه , ماعندي سالفه

بس يا جماعه الموضوع تعدى مرحلة الاحتمال, تذكرون اول لافته قريتوها لمه اخذتو الليسن

يمكن هالايام صار الليسن يوصلنا لي البيت حاله حال وجبات الديلفري بس ما يمنع اني اذكركم, اول لافته لمه ندخل نسوي التراي على قولتهم اللي اهو فحص القياده كانت اللوحه تقول القياده فن ذوق واخلاق

تعالو ناخذها كلمه كلمه
فن يعني ينعجب فيك الشخص لمه يركب معاك بسيارتك وانت تسوق وتدل وتحترم الناس اللي معاك لمه يوصلون بأمان
لمقصدهم ويردون مستانسين بصحبتك بذاك المشوار[/font]

ذوق لمه تكون بالشارع وما تستهتر ولا تبتون ولا تحذف ولا تنام على احد بحاره ثانيه

اخلاق انك لو لا سمح الله ما انتبهت وسرحت والا لهيت واحد نبهك بهرن والا قالك عيب وانت غلطان ما ترادد وتقول انت شكو والا منو والا تخز مثل العتاويه اعوذ بالله وهذا اهو الصح الاخلاق تقول الاعتراف بالذنب فضيله وتبسمك في وجه اخيك صدقه والتسامح صفه من صفات السلام في دينا الاسلام

فيا خواتي ومربيات الاجيال سواء كنتي ام اخت زوجه والا حتى بنت ليش ما نتفق كلنا على الهدوء في هالموضوع اللي صار يجيب الاعصاب, الغريب ان الناس هالايام صارت ما تلاحظ ضغط الحياة اليوميه اللي قاعدين نعيشه سواء في البيت في الدوام بالمستشفى والا حتي بالصالونات
موكافي نطلع مسبهين من همومنا عشان نلقى زحمه ومشاكل بالشارع , طيب وين نروح
لو 10% بس منا ياخذون هالكلام بعين الاعتبار راح نلاحظ التغيير
محد منا خالي مشاكل ولا احد منا مو مستعجل والكل منا واعي وبيوصل بخير وامان

اتمنى بس اني ما اتذكر صورة الغنم اللي يكشهم الراعي بعصاته لمه يضطر احد السواق انه يستخدم الهرن عشان ينبه الناس ان الاشاره خضرا, ترى هذا الشخص مو مستهتر والا هيلقي والا مستعجل
هذا الشخص ممكن تكون يمه وحده تطلق والاخت مادري الاخ الي مسكر الطريج لاهين في البلاك بيري والفيس بوك
انا مو ضد التطور والتكنلوجيا بس انا مع اللي يستخدم الجهاز ما يعطي مجال للجهاز انه يستخدمه

شالمشكله لو نخصص لكل شي وقته بالطريج نسوق عشان نوصل وتلفون السياره انحط عشان يكون وسيله مو غايه
خلطتو الحابل بالنابل الوسيله نبلغ عن طارئ بالطريج والغايه صارت تنافس بفواتير اغلى باستخدام هالتلفونات
والفرحه بطلة الاعياد بدال الشوف صارت مسجات ومع هذا محد مرتاحيا جماعه والله مو منظر بهالشارع جدام الاجانب لو يزورونا

ومشكله اكبر بعد ان خواتي شابات بمقتبل العمر وحتى اليدات الي في سن ال 45 وازود الله يطول اعمارهم عشتو من زود الشحاطه كل وحده حطت سايق ود وييب ,لي هالدرجه الاستهتار ؟؟؟!
طيب ماشي الحين اذا انتي يايبته سايق ليش يروح الفرضه يشتري الاغراض ليش يروح الجمعيه يجيل البيت اوكي ليش يسوي المعاملات وليييييش يدفع الفواتير ناقص بس ياخذ القرض عنج؟؟
ياماما عينج على حلالج دوا والرباده حتى للياقتج ما فيها خير , وعشان ما اطلع عن الموضوع السايق هذا لازم يكون مؤهل من كل النواحي ملم بفن القياده له قدره على التفاهم والاهم من هذا كله الامانه حتى على بانزين السياره,الله يرحم جدي وجدج موتخلونه ينام على خلق الله ويتلونه المخفر وتعرضون وجيهكم سواقنا مسوي بلوه فكوه, الله فشله!!!!

احنا ارقى و اوعى ونعلم ونعطي دروس في الاتيكيت

هذي كانت وجهة نظر واتمنى نتواصل واتبارك بردودك علي[/size][/font][/b][/SIZE][/B]

من غير ما اذكر اسمها…..وأعد افعال رجالها

ana ra7 akon awl w7da t3leq
akeed ena e7na ma nr’9a 3la 9orat elmror fi bldna+ena elw7da mna mrtb6a bdwam o beet o m6b5 o twejeb o 9aloonat o m3azeem o ryel ra’9i elyoom b6oola=el2nt6’m
3shan ma y9eer 3ndi stress o ma ag9r bshy o ma atwtr o akon zgert

بارك الله فيج والله صدقتني في كل كلمة قلتيها يا الغاليه

بارك الله فيك على غيرتك ..
هذا يدل على محبتك وشفقتك لاخواتك … حفظك الله ورعاك

دكتوره شريفه الله يعز غاليج ياحياتي

اختي داعيه سعوديه جزاج الله الف خير

خواتي انا التمس فيكم البركه في المساعده في تربيه نشئ صالح طيب بعيد عن الجهل كفانا الله واياهم جلسة اصحاب السوء

اذا بنفترض ان الخوات المربيات ملتفتين فقط للتجمعات النسائيه حول الشاي والقهوه وتوابعها من النميمه,اكيد راح يكونون لاهين عن عيالهم بالمقابل راح تطلع الافرازات اللي قاعدين نشوفها بالشارع

شنو يعني شباب ينطح بالشارع الفاظ قبيحه وتصرفات وقحه هذا الشاب لو كان عندها هيبه لشخص مربيه او عنده احترام لاسم يشيله ما كانت هذي تصرفاته, وشنو يعني خدامه غبيه تدخل تشتري اغراض وتطلع غلط وترجع تناشب اهل الجمعيه ردووووه المدام تطردني , وين الحضاره في الموضوع, طيب اغلب السواق اللي في الشارع جدد واخص اصحاب التكاسي بالموضوع لو تركبون معاه ما يدل وستين الف بريك ولي كلمتيه معزبه بيقول انتي تدرين انه سايق ليش ما حسبتي حسابه!!!!

بعض الناس انتقدوني وقالو انتي تبين المدينه الفاضله قلت انا اعتقد ان الكويت فعلا مدينه فاضله وهذي ولا شي غير انها شوائب وان شاء الله كلي امل لأن ما يصح الا الصحيح

اشكر تواصلكم معاي حبايب

أي والله صدقتي

الشوارع صايرة مأساة ولا تحتمل من الزحمة

الله يعطيج العافية يا قلبي على الموضوع

سلامي لج

ماريا والله يعطيج العافيه ويانا بعد

عموما يمكن اكون منفعله بهالطرح بس عن جد صايره ما اتحمل مشوار ولا اتحمل ازعاج الشارع وفعلا ترى شي مو طبيعي ياختي ديرتنا صغيره مو من كبرها بس لي طلعتي ابد تتخيلين نفسج بمصر على الزحمه

واكثر من هذا انج لو تسافرين ما تلقين هالتصرفات وشوارع بحواري ضيجه!!!!

اصبح العيب وين ؟؟؟

انا اشكر اهتمامج حبوبه بس اتمنى مشاركتج تكون في مناقشة الموضوع مع حبايبج والاهل والاصحاب
وانشالله بتوعيتنا لبعض نثبت ايجابيتنا جميع[/B]

ومن حبنا لها….. نوفر لها

مو شرط كهربا وبس نوفر لها الحب والحنان والعطا

السلام عليكم

حبيبتي mzaji _3aly بارك الله فيك على طرحك لهذا الموضوع وما يدل الا غيرتك وحبك لهذه البلد الطيبه

يا ريت ترد سلوك اللي يسوقون مثل الستينات وبعدها اول في زحمه وفي ذروه ولكن ما تشوفين المشفط واللي يدعس روحه غصب

ولا الهرنات البنات اليوم صاروا اكثر طفاكه من الشباب

خل نبتدي بانفسنا علشان غيرنا يقلدنا

الغاليه ام بوشيه,بعد السلام صبحج الله بالخير انشاء الله

مثل ما قلتي نبدي بانفسنا واتمنى ان الموضوع يكون محور نقاش حتى لو على وجبة الغدا والا بالزواره
لان الاحترام مطلوب وشي راقي , ف ليش ما يصير هدفنا يعني؟؟

انا اتمنى نحقق هالخطوه عشان ننتقل لخطوه احسن منها