الجهاز الهضمي

السلام عليكم
شلونكم كويتيات كل عام وانتو بخير وعيدكم مبارك مقدما
حبيباتي انا اعاني من مشكله قديمه يمكن صارلها 13 سنه الا وهي الامساك وانتوا بكرامه

تعبت من هالمشكله
ابي اعرف عيادة دكتورة مووو دكتور حق الجهاز الهضمي ابي اروح اعالج هالمشكله
لاتبخلون علي بالرد ناطرتكم وادري بتساعدوني
ناطره ردودكم

وعليكم السلالالالام ,,,, ما حبيت ادخل موضوعج من غير ما ارد

والله هذي المشكلة كلنا نعاني منها ,,,, وكنت مثلج ادور دكتورة للجهاز الهضمي لكن للاسف ما حصلت

بس في النهاية رحت للدكتور الشمالي والوالدة كانت تعالج عنده,,,, واغلب اهلي فمدحوه وقلت امري لله شحادك يالمسمار قال المطرقة,,,,

وعطاني ملين فوار والحمدلله مرتاحه عليه وما شالله تعامله حلو ومريح

وعليكم السلام ورحمة الله وبركاته

حبوبه عندج د.فؤاد العلي بس للأسف سكر عيادته الخاصه

اذا كنتي تتبعين مستشفى مبارك اتحصلينه هناك فيه له يوم واحد ايداوم فيه

خل أتأكد واردلج خبر ان شاء الله

ولو تسوين سيرج بأنواع الاكل اللي تسبب امساك راح ايفيدج حبوبه وماتشوفين شر

مشكورة اختي على الرد وصاجه الشمالي زين زوجي مجربه

الشر ماييج المشكله انها موبس مشكلة امساك – عندي مشكله ثانيه بسبب الامساك فمحتاجه الشغله فحص والصراحه استحي من دكتور علشان جذي ابي دكتورة

د معصومه العلي بثنيان الغانم

مشكووووره ياقلبي – انزين في احد تعرفينه مجربها يعني خووش دكتوره ؟؟

اي مجربتها واراجع عندها
وخوووش دكتوره فاهمه ماشاءالله عليها ومحترمه وتعطي المريض وقته توكلي على الله وروحي
وعيادتها يوم الثلاثا ويوم الاثنين عندها عياده كبد اذا كلمتيها ادخلج ماتقول شي وتلقينها بمركز ثنيان الغانم بالاميري

دكتوره وفاء الحشاش على مااعتقد اسمها جذيه فى وحده من البنات

كاتبه تجربتها فى غسيل القولون ووايد ارتاحت عليه ,, شوفى موضوعها يمكن يفيدج

اختى العزيزه ,,وهذا هو الرابط

https://q8yat.net/showthread.php?t=157821

مشكورين وماقصرتوا على الردود
شندوخه عندج رقمها ؟وماقصرتي حبيبتي
نجد مشكوره على المساعده

مشكوره نجد الصراحه فادني الموضوع جزاج الله كل خير

رقم العياده موعندي للاسف بس لوتروحين هناك صعدي الجناح 2 رجال يكون مكتبها الدائم
وعيادتها مثل ماقلتلج الايام وتقعد بغرفه 6

مشكوره ماقصرتي حبيبتي