الجهاز المركزي لتكنولوجيا المعلومات منو يعرف عنها

السلام

لوسمحتم بنات موقع ديوان المحاسبه القديم الي بشرق حطو اداره يديده اسمها الجهاز المركزي لتكنولوجيا المعلومات شنو اتعرفون عنها وشنو مميزاتها وتتبع اي جهه ولا اهيا هيئه مستقله بروحها واشلون التوظيف بهالاداره.

اتمنى الي اتعرف تعطينا معلومات.

يتبع مجلس الوزرا .. والتوضيف فيه عن طريق الديوان

بسايت مال الديوان الي فيه الوظايف مو موجود هالاسم

شنو اتعرفين عن مميزاتهم زين ولا لا

و انا بعد بعرف؟

حبيبتي معاشاتهم نفس الوزارات ولحد الحين ما حطولهم كادر وترى التوظيف عندهم بالواسطه … لازم تكون عندج واسطة عشان تاخذين
كتاب ترشيح من عندهم وتقدمينه للديوان وبعدها الديوان يوظفج فيه غير جذي ما تتوظفين فيه

صباح الخير بنات ..
هذا الجهاز يديد .. وقاعدين يحاولون يمشولة كادر .. بس معاشاته مثل الوزارات .. بس اللي اعرفة ان التوظيف بالواسطة … وهو المسئون عن البوابة الالكتورنية الخاصة بالكويت.. مكانة مبنى ديوان المحاسبة القديم .. هذا اللي اعرفة !! واللي يعرف اكثر لا يبخل علينا بالمعلومة.
بالتوفيج

انا طلع اسمي بالديوان مرشحيني للجهاز تخصصي حكومة اكترونية بس احس يطولون اللجنة عشان يقبلون