الجزء االثاني من هدية الاربعين

شلونكم حبايبي
غبت فترة بس احس كأني من سنين ماسمعت سوالفكم
طبعا تذكرون هدية الاربعين وهي طردة الخدامة……………

سمعت النصايح…..اشتغلت…………..

تدلعت…………..

طنشت شغل البيت………….شويتين

زعلت……………..طول الزعل………………….

العيشة مملة….مبوز على طول….حالته حاله………مع انه المفروض تصير حالتي انا حالة

مع الوقت تطور الزوج العزيز كالاتـــــــــــــــــي:

1-منع اهلي يعطوني خدامتهم

2-منعني من اهلي….يقول روحي وخلي العيال عندي…خانقت وهاوشت وهددت مافي فايدة

3-ماقام يصرف على البيت….ذبحنا الجوع

4-كله يهون عند الطامة الكبرى ………….لحقوووووووووووووووني بموت من القهر(((مؤبد مع اشقال شاقة)))
تبون تعرفون شنو فاجأني فيه::

عزم اهله من السعودية عشان يقضوووون العطلة عندي بالبيت..بموت من الكراااااف

والمصيبه فيه دفعة ثانية بالطريج

هددته اليوم اذا وصلو راح اروح لاهلي واخلي عياله عنده لاني مو مجبورة اخدم الامه العربية
شرايكم بنات..هو سكت وحسيته تحسف..بس مايفيد الندم مايقدر يطردهم.. وفيه ازمة خدامات..
شسوي؟؟؟مو راضي يقول ليش قاعد يسوس فيني جذي………..انتظركم

ودي اقولك نفذي التهديد

بس اخاف تنقلب السالفة عليك وتدعين علي …………….لووووووووووووول

والله ما ادري شقولك ……….. بدعيلك ان الله يهديك للحل الصحيح

الله يهديه ويسخره لج …بصراحه الله يعينج حتى لو ماراح يجونكم ضيوف,, رمضان والمدارس على الابواب

حاولي تقنعينه مره ومرتين وهالله هالله بالكلام الطيب

مع حترامي لج ريلج مو صاحي حمدالله والشكر مو معقوله جذي اكيد احد وازه عليج
شنو اي شي يعزم الامه العربيه على قولتج ويبيج تكرفين ونفخين ولا بعد وراج عيالج وبعدين انتي توج طالعه من لاربعين
لا الصراحه نفذي هالشي إلي براسج عشان يتأدب وفشلي جدام معازيمه
هذا اقتراح والباجي عليج

الله بهداه ريلج شفيه ليش جذيه ماكو دخان من غير نار عسى مو صاير منج شي مضايقه؟
راجعي روحج حبيبتي وعسى الله يسخره لج

ابيييه ريلج بدع .. انا شفت الجزء الثاني قلت اكيييد رد لج خدامتج …!!!

انا من رايي انج تساحلينه بجم كلمه قعدي معاه وشرحيله وضعج بينيله انج تعبتي وانتي ما تستاهلين كل هذا و و و و

يمكن يحن قلبه عليج وييبلج خدامتج

ميخالف لاتكسرين راسه جدام اهله وبعد ماتخلصين قوليله الويه للويه ابيض يا خدامه يا بروح بيت اهلي انا العزايم كسرت ظهري
واستعيني بهل وقت بخدامه بيت اهلج
وجزاج مايضيع عند رب العالمين

قعدي معاه وناقشيه بهــــــــــــــــــــدوء وكلميه باسلوب عدل وقوليله لا الله ولا الرسول يرضى بلي انت قاعد تسويه فيني ..
وحاولي تقنعينه انكم تييبون خدامة عشان انتي تفضيله شوي وتفرغيله وتخف عنج مسؤولية البيت .. وقوليله مابقى شي على رمضان وعلى المدارس فلازم تشوفون حل ..
وتأسفيله على الي صار بالأربعين وقوليله ان شاء الله ما تكرر

واذا ماقتنع فكيفج سوي الي تبينه ..

عين العقل ..حبيبتي بالهداوه تنحل الامور والله يسهل لج دربج وبسخره لج

لازم تقعدون مع يعض قعدة صراحه .. تعرفين شنو اللي في باله و ليش جذي
و تتناقشون

و اذا ما فاد استشيري اهلج بالموضوع

بعد انتي بشر و لج طاقه .. و اهم المسؤول عن العايله و المكلف بالصرف

و الله يهديه و يسخره لج

شوفي حبابه سوري ابي اقول هالكلمه زوجج مجنون اكيد

بس اقعدي معا نفسج وفكري هل كان بالاساس هو جذيه او تغيير بعد نفاسج؟؟؟؟
شنو الشيء الي يخليه يسوي جذيه ؟؟؟
انتي شلون علاقتج معا اهل زوجج ؟؟؟

الي المفروض تسوينه 000000

قومي من النوم وانتي مبتسمه وطربانه
اشتغلي شغل البيت وانتي في قمت سعادتج
واذا طلب اي شيء قولي حاضر انشاء الله يا بعد عمري
وحاولي تتاقلمين على الوضع لانه يبي يطفشج او عنده غرض في هذا الشيء
واذا سأل ليش تقبلتي الوضع قولي لانى امس صليت لربي ودعيته له انه يهون علي ويساعدني في هذى الظروف
وفي شغله حبيت اذكرج فيه لما تبين تنامي تقولين هذا الدعاء وفي كل صلاه

1. لا إله إلا الله العظيم الحليم , لا إله إلا الله رب العرش العظيم , لا إله إلا الله رب السموات و رب الأرض و رب العرش العظيم.

2. يا حى يا قيوم برحمتك أستغيث فأصلح لى شأنى كله و لا تكلنى إلى نفسى طرفة عين و لا أقل من هذا يا أرحم الراحمين , لا إله إلا أنت .

3. لا إله إلا أنت سبحانك إنى كنت من الظالمين .

4. اللهم إنى عبدك و ابن عبدك و ابن أمتك , ناصيتى بيدك , ماضٍ فى حكمك , عدلٌ فى قضائك . أسألك بكل اسمٍ هو لك سميت به نفسك , أو أنزلته فى كتابك , أو علمته أحداً من خلقك أو استأثرت به فى علم الغيب عندك , أن تجعل القرآن ربيع قلبى , و نور بصرى , و جلاء حزنى , و ذهاب همى .

5. حسبى الله لا إله إلا هو عليه توكلت و هو رب العرش العظيم .

6. اللهم احرسنى بعينيك التى لا تنام , و اكفنى بركنك الذى لا يرام و احفظنى بعزك الذى لا يُضام , و اكلأنى فى الليل و فى النهار , و ارحمنى بقدرتك على ّ, أنت ثقتى و رجائى يا كاشف الهم , يا مُفرج الكرب يا مُجيب دعوة المُضطرين .

7. ربى إنى مسنى الضُر و أنت أرحم الراحمين .

8. رب احكم بالحق و ربنا الرحمن المُستعان على ما تصفون .

وبعدها قولي لنا شنو صار

مادير شقولج بس تفكير كل وحده يختلف

لو انا اروح بيت اهلي اخليهم يتفاهمون معاه

واما الناس يتكفل فيهم وبمصاريفهم

خل ينحرج يمكن يحس شوي

مو معقولة عشان ما رجعتي معا وانتي بالاربعين يسوي جذي
راجعي حساباتك واذا لقيتي انك مو مقصرة دخلي احد كبير من اهلك واهلة
والله المستعان

شوفي حبيبتي انا بقولج عن نفسي روحي بيت اهلج لأنه مصخها وحسسيه ان لج اهل وعزوه تحتمين فيهم
مع احترامي لج انتي مو من الشارع ماخذج انتي بنت ناس ووريه ان عندج ظهر تستندين عليه

والله انتي ادرى بريلج وشنو اللي يجيب راسه
الله معاج ومع الحق
الجهاد طريق للحصول على الخدامه