الجامعه ولا التكنلوجيا .

السلام عليكم ورحمة الله وبركاته

اشلونكم بنات

ابي اعرف معاش الفني اللي يتخرج من التكنلوجيا" مع البدللات طبعا" ليش اكثر من معاش الجامعي؟؟

يعني انا خاطري ادش الجامعه بس يقولون لي التكنلوجيا دراسه اسهل وسنوات اقل وراتب اعلى

لكن الجامعه مجرد اسمج جامعيه

يعني اخصائي اجتماعي جامعي راتبه 650 صارله فتره متوظف

ومساعد فني كمبيوتر راتبه 670 اول مايتوظف (( ياخذذون كادر المهندسين))

والحين الكل يبي شهادة الجامعه عشان يقولون جامعي

وانا ودي ادش الجامعه عشان اكسر عيون بعض الناس

بس اكيد افضل الراتب الاعلى عندي اهم من الشهاده والمسمى الوظيفي

لاعبالكم نسبتي تدخلني الجامعه <<< بعدي مومخلصه

بس اتمنى اييب النسبه اللي تدششني الجامعه

انتوا اشرايكم ؟؟؟؟

والله مادري

اتمني يفيدونج البنات

وانتي استخيري

بالفعل راتب الفنيين اعلى من الجامعين
بس يفضل تدخلين الجامعه لان القانون اليديد يقول ان اللي شهادته دبلوم مايصير يكون بالمسقبل رئيس قسم
لو تقدرين دخلي هندسه او محاسبه او اي تخصص فني
واذا يهمج الراتب فروحي وزاره الماليه لان عندهم كادر حلو و حتى لو كانت شهادج مساعد مهندس فراح يشيلون البدليات منج ويصير راتبج مثل اللي متخرج من التجاري وطبعا بهذا بيكون راتب الجامعي اعلى
شوفي الانسب لج و بالتوفيق

الراتب في جميع الوزارات ما عدا وزارة الماليه كالتالي :

راتب اساسي : 105 دينار

علاوه اجتماعيه : 140 دينار

زياده شهريه : 50 دينار

دعم مالي : 50 دينار

علاوة غلاء معيشه : 120 دينار

علاوه دوريه سنويه : 3 دنانير يقصون منها التامينات نص دينار تصير دينارين ونص

فيه مكافئه تشجعيه + مكافئة مستوى وظيفي ( البدل تحدده الوزاره نفسها )

وعليج الحسبه !!

الجامعي الاداري ما له بدل اما الفني عنده بدل لان فني معرض للخطر

بس اذا عندج طموح تكملين دراستج بالجامعه كملي لان الجامعي له ترقيات اكثر من الدبلوم خصوصا قانون مجلس الخدمه المدنيه اليديد

انا مساعد مهندس الكترونات و اتصالات
صارلي سنه ونص و راتبي الله يسلمج 710

مشكورين حبيباتي ما قصرتوا

انا مفكره بكلية البنات الجامعيه قسم فنون وتصميم

بس شكله ما اكون فني

بس هل اقدر اصير مدرسة بعدين ؟؟

وشنو التخصصات اللي اكون فيها فني في الجامعه ؟؟

سامحوني كثرت الاسئله عليكم

بس ادري انكم خوات وتحبون تساعدون خواتكم ..

اول شي التكنولوجيا حلوه
بس الحين كلنا قاعدين نحاول نكمل هندسه وفي ناس موحاصلها
احسن لج الجامعه
وثاني شي
احين انفصل التدريب عن التدريب بالتكنولوجيا يعني صارت بكالوريوس بس ماتصيرين مهندسه

مشكوره حبيبتي يالعجميه

يعني البكالريوس من التطبيقي غير بكالريوس الجامعه ولا نفس الشي

وعلى اي درجه نتوظف وجم راتبها ؟؟

تتخرجين على الدرجه الخامسه نفس الدبلوم
والمسمى بكالوريوس مساعد مهندس يختلف عن الجامعه تكونين مهندسه

اها يعني فرق درجه

مشكووره حبيبتي

ماقصرتي

مافي مجال للمقارنه خلج بالسليم ودخلي اي تخصص له كادر بالجامعه والله ان الفنيين والمساعدين مهندس كل شوي قاصين شي منهم لان البدلات مو ثابته

تسلمين غلاتي ماقصرتي

ادعولي اييب نسبة سنعه ادش فيها الجامعه