الجامعه العربيه المفتوحه

بنات انا الحين بتخرج من الثانويه وناويه ادش الجامعه العربيه المفتوحه وين مكانهم وشلون طريقة التسجيل عندهم ومتى اروح اسجل اللي تعرف بعد معلومات عنها تقولي :>

السلام عليكم ورحمة الله وبركاته

غاليتي الجامعة العربية المفتوحة تقع في خيطان قرب الدائري السادس

حبيبتي في الصيف ينزل اعلان عن بدء التسجيل ، و تروحين تسجلين تيبن معك شهادة الثانوية العامة وعلى ما اعتقد صورة بطاقة وصورة جواز ، وعشرة دنانير رسوم التسجيل

وهذا الرابط مال الفرع بالكويت https://www.arabou-kw.edu.kw/

تمنايتي لك بالتوفيق غالتي .. يسر الله امورك

أنصحج تشدين حيلج وتدخلين جامعة الكويت أحسن

بس اذا تبين الجامعة العربية هذا الرابط لمنتدانا تفضلي سجلي والاخوان مايقصرون كلش وياج وأذا تبين اي شئ أمري
www.q82.net

مثل ماقالت الأخت همس الورود شدي حيلج ودشي جامعة الكويت احسن لج
الدراسة بالجامعة المفتوحة صعبة جدا جدا جدا
بالتوفيق إن شاءالله

انا دخلتها سنه ونحشت امتحاناتها حدها صعببببببببببببببببببببببببه

عزيزتي طيعي من خواتج وشدي حيلج وجيبي نسبه تأهلج لدخول جامعة الكويت أو حتى التربية الاساسية لأن الجامعة العربية مناهجها صعبة جدا ولازم تكونين ممتازة بالأنجليزي .

الظاهر احنا طلبه الجامعه العربيه لنا وجود قوى بمنتدى كويتيات انا طالبه حاسوب وهذا الكورس الرابع لى بالجامعه والحمد لله الدراسه حلوه والواحد يحصل المساعدات من كل الموجودين سواء بالمنتدى او الطلبه بس جامعه الكويت حضور يومى فيكون فيه التزام وحرص اما بالجامعه المفتوحه بما ان الماده تاخذينها بالاسبوعين مره للمواد الاجباريه والاختياريه فاتردين البيت وكل يوم اتاجلين الدراسه هذا عيبها ما فيه التزام بس الله يوفقنا

صاجه أختي حواء صبوره
أنا تخصص أنجليزي
الدراسة سهلة بس يبيلها مجابل وتفرغ تام ………. الله يوفقنا ونتخرج

انا بعد تخصصي انجليزي
متفرغة للدراسة ومو ملحقة
الله يعين

حوراء دام انتي بالجامعه العربية ..
صج الي سمعته عنهم

انها مو معترف فيها ليلحين بالكويت او بمكان ثاني ..؟؟

وانا ودي اكمل ماجستير بالتربية عندهم بس شكيت بسالفة الاعتراف..؟؟ وخايفة منها ؟؟