الجامعة العربية الفتوحة

السلام عليكم
اللي تعرف أي شي عن الجامعة العربية المفتوحة وأي معلومات عنها تساعدني
لاني حابة أكمل فيها وشكرا

دشي السايت مالهم وكل شي اتحصلين فيه

السايت مالهم مادري شفيه مايفتح ..

الي اعرفه حبيبتي ان الجامعه ماتدوامين الا 3 أيام في الاسبوع
وفي دراسه عن طريق النت ..

بس شنو التخصص الي تبينه؟؟

روحي قسم الطالبات يفيدونج اكثر ..

موفقه حبوبه

حبيبتي جامعه عربيه حلوه وخواتي يدرسون فيها طبعا انا معدلي موذاك زود ماقدر ادرس وياهم
بس احسن جامعه وماداومين كل يوم
وخواتي مايتشكون منها

دشي على هالموقع في كل شي تبي تعرفينه

www.q82.net

شكورين و ما قصرتوا

جامعه تلوع الجبد اذا تقدرين تسجلين بغيرها .. انصحج لا تقربين صوبها

يعني اول عيب فيها موقعها .. بخيطان عند العزابية .. الحين شالوا العزابية .. شوفي القطاوة و الجـلــ …. عزكم الله

و لعب بالدرجات و ادارة تعيسه و كل كورس خطه دراسية شكل .. و واجبات مرض

ادعي لييييييييل و نهار ان الله يفكني منهاااا

الحسنة الوحيده اللي فيها ان عندهم دوام عصر و ليل عشان الموظفين

ماادري بنات اناا سمعت انه مو معتمده

بالعقل بنات …

جامعه فاتحة بأكثر من ست دول ومو معتمده؟

كفاااااااااااااايه اصلا لما تتخرجين تاخذين شهادتين …شهاده من العربية المقتوحة…وشهاده من البريطانيه المفتوحة

يعني حالج حال خريجين بريطانيا

وعيييييبها الووحيد ….مكانها حاليا…وأول وتالي بيتغير

الجامعه مناهجها واااااااايد قوية والهيئة التدريسية شديدة اشوي….عشان جذي ما تلقين وايد ناس متخرجين منها

يدوووب يدشون كورس والا اثنين ويطلعون

اذا كنتي شاطرة والاانقلش عندج زين ….توكلي على الله ودشي

انا الحمدالله دشيتها وكنت من خريجين اول دفعه

مشكورة بس بعرف شنو تخصصج و بعرف شلون روسومهم و نظام الدراسة
مابي أتوهق

انا مسجله فيهها
ياليتج ادورين على جامعه ثانيه ..
اداره تلوع الجبد
ولا في اي رحمه للموظفين او للي عندهم اي ظرف
مدرسين يزهقون الواحد
ومثل ما قالت اختي الحسنه الوحيده الي فيها
اهيه انها فيها دوام عصر
واقل شي تسوينه خذو منج همجه فلوس
حدي دشيتها وتوهقت

هلا حبيبتي

تخصصي كان تقنية معلومات وحاسب الي

رسوووومهم تختلف من كورس لي كورس …بس تتراوح من 250 لي 500 للكورس الواحد …يعني عىلى حسب المواد اللي تاخذينها ….يعني تقريبا الدراسه تكلف اربع الاف ونص ب4 سنين

نظام الدراسة …

تقريبا ..المعدل الطبيعي للمواد يكون من مادتين الى 4 مواد بالكورس

في مواد يكون لها بس محاضرة وحده بالاسبوعين …وفي مواد يكون محاضرة بالاسبوع …والمحاضرة مدتها ساعتين

تقولين الدوام شويه …بس الكرف كله عليج ….يعني بالواجبات والكوزات وهالسوالف

وموفقه

اهم شي يكون عندج لغه انجليزيه قويه وثاني شغله تكون عندج طووووووووووووولة بااااال بسبب طبيعة الدراسه

السلام عليكم ورحمة الله وبركاته
أولا شي أختي مايصير أتحجين عن شئ أنتي ماتعرفينه وكافي أن يكون ماسك شهادة جامعية ومن بريطانيا بعد أقوى شئ مقارنة بالجامعات الثانية شهادة أمريكية
أنا بالجامعة وعندي بعد دبلوم بنوك

الجامعة واااايد زينة وحلوة وبالنسبة حق تغيير الخطط هذا صار مع التربية ؟لأنهم كانو مدرس شامل فقالوا أشلون أتخرجون مدرس شامل يكون دارس كل المواد وقوي بعد وبالكويت مافي مدرس شامل فخصصوهم

إيضا بالنسبة اللي مايمدحونها أغلبهم كانوا طلبة عندنا وطردوهم أو مامشوا بالمنهج فقاموا يذمون

وبالنسبة للمكان أغلب الجامعات بدأت بموقع مؤقت وإنشاله كله سنة ونروح موقعنا اليديد أحلى وأفخم من كل الجامعات

بالنسبة حق التخصصات : أدب أنجليزي (تخصصي ) + إدارة أعمال +إدارة إقتصاد + تقنية معلومات

وجميع التخصصات بالإنجليزي وإذا مستواج وين بالإنجليزي إنشاله راح تمشين
وزيادة تخصص التربية بس مغلق

2024 إنشاله راح يبطلون تخصصات يديدة
والماجستير بعد

وبالنسبة للدوام حسب ماأنتي أتحطين جدولج أول السنين أكثر من 3 أيام بس إذا تخصصتي أداومين يومين يالأسبوع

وموفقة حياتي