الثالثة والرابعة حياكم موضوع للنقاش ؟

مساء الخير يااااحلووووين

موضوع اليوم أنطرح وايد وأكثر من مرة بس هلمرة راح أشوف رايكم بس بطريقة ثانية قريت حق وحدة من الاخوات موضوع وتسال فية ( ترضين تزوجين من واحد مزوج ؟) يعني راح تكو الثانية والكل قالها أن راح تملكين نص ريال السؤال الحين (ترضين تكونين الثالثة أو حتى الرابعة ؟)وشنو راح يكون وضع الريال ثلاث أرباع ريال ولا ربع ريال والي جربت تكون الثالثة أو الرابعة شنو واجهة بحياتها من مواقف وأشلون أقدرت تتغلب عليها ؟

بليز بنات أبي تفاااااااعل ومشاركة ومن غير هواش وزعل كلنا حباااايب

@@ شدعوة ولا رد

حبيبتي السؤال عايم

لكل حاله ظروفها

مشكورة أول شي لأن رديتي وبعدين السؤال مو عايم السؤال أن ترضين تكونين الثالثة أو الرابعة ؟ وأدري أن حق كل حالة ظروفها بس في بنات يرضون ومايكون عندها سبب هذا قصدي والي جربت يليت أتفيدنا

وثانكيوو مقدما ……..

بنات نبي الي جربووو أو أسمعوو عن تجارب يليت تفيدوونااااااا

انا اعرف رفيجتي ابوها متزوج 4

ماشاء الله

عن نفسي

طبعا لا

اعرف وحدة تزوجت واحد وهي ثالثة واللي نشووفه من برا انها ماشاء الله شحلاتها بس اهلها مساعدينها بروحات والجيات وهي تصرف ع عمرها

يعني لازم يصير نقص
ووحدة اعرفها اهي ثالثة وزوجها هاجر الثنتين وقاعد عندها بس مثل قلته

وع فكرة كلهم الثنتين تزوجوا بعد ما فقدوا الأمل بالزواج يعني لما تعدوا 27 سنه ع 30 سنه

أنا هذا الي أبي أعرفة أكيد بيصير في نقص بس أشلون الوحدة تقدر تملي النقص هذا لأن بالول والاخير أهية الي وافقت
أبي بعد منو مرت بالشي هذا أوتعرف ناس جذي أبي نقااااااش تكفون أبي أستوووعب أكثر لأن الواحد ياخذ ثنيتن ونقول تنبلع ويمكن في سبب بس الثالثة والرابعة شنو موقعهم من الاعراب مجرد زيادة عدد ولا شنوو؟؟؟؟؟

رفع لعيونش

والله على حسب عمر المرأه اذا تعدت الثلاثين عادي تاخذ ريال متزوج
اما وحده بزهرة شبابها بالعشرينات لا ليش تاخذ ريال متزوج

مشكوره ع الموضوع

سؤالج غريب بصراحه

ليش بيخطبج واحد عنده اكثر من مرة !!!

حبيبتي الزوجه الثالثه او الرابعه غالبا ما تكون مطلقه او ارمله ، او فاتها قطار الزواج يعني صارت بسن كبير بالعمر ، الظروف احيانا تجبر الوحده تكون الزوجه الثانيه او الثالثه او الرابعه

وفي فئه من الرجال بتحب التعدد ، هاد الشي بكون بدمه ما بتكفيه وحده او اثنين بس

بالنسبه للحياه ، اكيد رح يكون في نقص ، من ناحيه الفلوس لانه بكون فاتح 3 او 4 بيوت ، واكيد رح يكون في نقص بالتوزيع ، مثلا يوم عند وحده وثاني يوم عند وحده وثالث يوم عند وحده ورابع يوم عند وحده ، هو بكون مفكر حالو عادل بينهم انه كل يوم عند وحده ، بس بالنسبه للزوجات هالشي ما بكون عادل بالمره ، لانه لما يروح عند وحده مثلا يوم السبت رح تنطر 3 ايام ليرجعلها ، ورح يرهق جسده اذا كان بدو يعاشر كل وحده يوم , لانه كل وحده طاقتها غير التانيه . وكل وبيت اله حياته الخاصه ومتطلباته الخاصه وكل بيت اله اسرار فيهم ، مستحيل يعيش الاربعه نفس المتسوى ونفس التفكير ونفس الطريقه .

بتمنى اكون افدتك بالاجابه ولو بجزء بسيط

لالا ما ارضى اللي تبي تنتحر تتزوج واحد متزوج انا مطلق ومتعذبه معاه هالدور متزوج بعد عزة الله مافلحنا !!!

الظروف احيانا تجبر الوحدة على قبول مثل هالزواجة مثلا تكون كبيرة شوي او مطلقة ولواني ما أحب هالنوع من الزيجات بس حلال لكن حسب الوحدة ورضاها اذا ترضى بربع زوج وربع اهتمام وتتكيف كيفها بس شنو اللي حادها الحين المرة تشتغل ومعاشها عندها وعايشة في بيت اهلها وحرة بنفسها ليش تتزوج مثل هالزوج لاتقولون علشان الذرية ومحد بينفعها ليش اهي ضامنه ان العيال بينفعونها خل ينفعون نفسهم بالاول والعيال اللي من هالزواج بيكونون عاله على امهم بالمصاريف لانه هارون الرشيدزمانه ماعنده وقت يربيهم معاها اويصرف عليهم ليش عور القلب والاذية عيشوا لنفسكم وحبوا نفسكم قبل ماتحبون الريال الحريم محتجين الحب موالاهمال ورياييل هالوقت مومثل زمن الصحابة رضوان الله عليهم الحين مايعرفون اشلون صاير العدل