|
|
السلام عليكم
اشلوووووووونكم يا بنات اطيب وطن
انا عندي بنوتين صغار انا ما عندي خبرة في التعامل مع البنوتات بكري ولد والفترة بينهم وااايد كبيرة
بس سلمكم الله ذبحوني بالالتهابات في مجرى البول كل ما سويت تحليل لهم الا التهاب
يوصفونلهم مضادات وجذي بس يرد عليهم
البنات صغار اربع سنوات وثلاث والبسهم حفاظات بالليل بس واذا انا موجودة انظفهم اما اذا مو موجودة الخدامة
تعبت واااااايد من هالسالفة كل اسبوعين ثلاثة (ماما اّي)
افيدووووني يزاكم الله خير
وودي أجرب علاج شعبي أحسن .. ياليت البنات اللي عندهم خبرة
يفيدوننا ..
الله يعين هالامهات
المنطقه كلها صاار حمررره
ومسكينه كانت تكسر خاطري
وديتهاا مستشفى خااص عطوني كريم مثل الدهان احطه بالليل وغسول "سيتيال"
احط منه قفشه مع ليتر مااي دافي استخدامه مرتين الصبح والليل
بس والله مانفع معاها قام يزيد ليمن وصل فخذهاا
وعقب وديتهاا المستوصف
الدكتور قال شنو تعطينهاا وريته الكريم كنت ماخذته عشان اوريه لما شافه قال قطيييييييه بالزباله وقلتله عن الغسوول قاال حراام هالغسول للكباار
كتبلي كريمين اخذهم من المستوصف قال اخلطيهم مع بعض ومره الصبح ومره بالليل
وقالي غيري حليبهاا
والله ثم والله
اني من استخدمت هالكريمين وقطعت الغسوول
وغيرت حليبهاا
وقمت اخليهاا طول الصبح من غير حفااضه << التهويه مهمه
والله انها بأقل من اسبووع رااااااااااح بنسبة 100%100
امممم البقدونس حاولي توكلينهم تبوله مع اني اشك انهم بياكلونها
بس عطوهم عصير التوت مره زين لمشاكل البول والمسالك
والمويه عودوهم من الصبح يشربون
لو انها كبيره قلت لج شعير وبيره بس عنونين ياقلبي
انا فيني التهابات من زماااااااااااااااااااااااااااااااااااااااااااااان من لما كنت صغيره تروح وترجع
واحيانا تسبب لي حراره كانت
عودوهم مايحبسون البول انا هذي مشكلتي مااروح عزج الله حمام غير بيتنا من لما كنت بالابتدائي فتعودت احبس البول ترا الالتهاب مو زين احيان ينزل دم وحرقان فضيع
فانا مجربته وانصحكم ياااااااااااااااااااامهات عودوا بناتكم من الصغر على ان شرب المويه واجب لازم يشربون انا كنت مااشرب بالايام
وعودوهم مايحبسون البول
وباذن الله يغدي شرهم
ولازم بهالحاله يكثرون من السوائل لان ينظف المسالك البوليه ونقعيهم بماي ونتفه ملح يوميا يطهر اجسامهم وما تشوفون شر حبايبي
|
المشاركة الأصلية كتبت بواسطة مسك81
 سلام عليكم خواتي والله الموضوع يه بوقته انا بنتي عمرها 8 سنين وكله معاها التهاب وانتو بكرامه واسوي لها تحليل عادي وزراعه ويقولون التهاب المهم الدكتور قالي سويلها سونار للكله وقالي عندها مجرى الحالب وسيع واهو اللي يسبب الالتهاب وهذا شي من الولاده ويكون في اغلب البنات وبعدين سويت لها تحليل وظائف الكله والحمدلله وقالي سوي الاشعه الملونه علشان نقطع الشك باليقين وعلاجها كله مضاد والله كريم
|
الله يشافيها ويخليها لج عفيه لاتوقفووون اللي عندها خبرة تفيدنا
البنات خاصة متعرضات للإلتهاب
اقولكم شتسون من نصايح امي الله يطول بعمرها
اولاً الملابس الداخلية حق بناتكم انتوغسلوهم بصابون رقي تعرفونه ما في مواد كيميائية ريحته مو شي بس زين
وتفركون عدل وتشطفون بماي عدل
ثانياً انتو غسلوا بناتكم بعد الحمام عزكم الله بالماي عدل والصابون سيتل مرة وحدة باليوم بس
ثالثاً لازم تنشفون المنطقة من الماي بفوط موبكلينكس خصيصاً حق هالمنطقة استعمال مرة وتقطونها بالغسيل وغسيل الفوط هاذي نفس الملابس الداخلية ( لأن هالمنطق ما يدشها هوا ومع الماي والرطوبة تكون فطريات )
رابعاً واهو الأهم اذا عانت البنت من إلتهاب اتيبين بابونج وتغلين ماي وتنقعينه فيه مو تغلينه وتتركينه ثلث ساعة بعدين تشطفيه وتحطينه ببطل تشطفين فيه حق البنت اثناء فترة الألتهاب
عساني ان شاء الله فدتكم
ما ابي منكم إلا دعوة حلوة ان ربي يوفجني ويصلح ذريتي
|
المشاركة الأصلية كتبت بواسطة raneem-ms
السلام عليكم
|
وعليكم السلام ورحمة الله وبركاته
واحسن شي لرفع المناعة هو عسل الحبة السوداء يوميا ملعقة مع الحليب احسن من الف مضاد
ثانيا النظافة والتهوية لان الميكروبات ما تتكاثر الا بالرطوبة
وملابسهم الداخلية كلهم قطيهم واشتري غيرهم و دايما غسلي ملابسهم الداخلية بصابون الاطفال مع ديتول
واذا الملابس مو نظاف قطيهم على طول ترى الخدم قطيعة عادي عندهم يكودون النظيف مع الوصخ ويغسلونهم فتنتشر البكتيريا