التهاب البلعوم و الزكام بداية الموسم ~_~

السلام عليكم

بنات طبعاً تعرفون إنه الحين يتغير الموسم و يخلص الصيف و إيي الخريف و بعده الشتا و أكثر المواسم الي تيي معاها الأمراض الخريف و الشتاء و المرض المشهور التهاب البلعوم مع النشلة أو الزكام و انا الحين أعاني منهم

لا و المشكلة إنه اليوم تسجيل المواد و موعد المقابلة الشخصية و امتحان اللغة
و الله حدي مقهوره فشلة طول المدة ماسكة كلينكس و أمشش خشمي
المهم انا عبالي انها حساسية بالأول بس عقب ما خذيت حبتين زيرتك و ما في فايدة اكتشفت إنه نشلة لأنه انا اعاني من الحساسة وايد و لما آخذ زيرتك تروح الحمد لله
منو فيكم تعرف علاج طبيعي يعني أعشاب و أشياء طبيعية لأني مابي أروح الطبيب عشان يعطوني قطرة خشم و دوا غرغرة ما منهم فايدة , أمس غرغرت بماي و ملح و الحمد لله بلعومي خف بس ليلحين يعورني و خصوصاً لما أبلع ريجي أو أتكلم حيل يعور .. و الأكل ما أتلذذ فيه
و النشلة الي ما تخلي الواحد ينام ولا يرتاح في التنفس ما أحب اتنفس من حلجي عشان الصوت لانه يأذي و طول المدة فاتحه حلجي
تعبت أبي حل و الحين بروح أشرب عصير برتقال و آكلي قفشة عسل يمكن أخف خلال هالساعات الياية

احسن شي لما تحسين ببداية مرض تقطعين فص ثوم حبه وحده + ملعقه زبادي وتاكلينها بعد اي وجبه اهم شي تكونين شبعانه حتى ماتسوي لك حرقان بالمعده وانتي ورغبتك تبين تمضغينها بتطلع ريحه بس بتحسين براحه بالحلق لانها تعقمه وتعقم الفم اذا ماتبين ريحه تطلع ابلعيها بدون ماتمضغين ولاقطعه فيها وسبحان الله تشوفين التغير بسرعه بس اهم شي تاكلينها يوميا وخصوصا لما تحسين ببدايه المرض حتى تطيبين ( تنفع للاطفال من عمر 3 سنين احسن مليون مره من المضادات الحيويه اللي تمرضهم وحتى يتقبلون الطعم ممكن تقطعين معه خيار )
ممكن تسوين شوربة كويكر وتكثرين الفلفل الاسود كل ماتغير لون الشوربه من الفلفل احسن لك وتشربينها دافيه تريحك كثير ان شاء الله
ولاتنسين بعد ملعقة عسل + ملعقة عصير ليمون + سبع حبات سودا
وربي يشفيك وكل مسلم