التكميم على يد الدكتور موسى خورشيد

الاسم: سيلفر روز
الطول: 156
الوزن قبل العملية: 93
معدل النزول والمدة : اول اسبوع ماشاء الله 8 كيلو وللحين ماوزنت
تاريخ اجراء العملية : 12/4/2012 بالسلام
اسم الدكتور :د.موسى خورشيد
التكلفة : 2800 تكلفة المستشفى + المعدات + ادوية السيولة اللي اخذتهم معاي البيت ( 8 ابر) وحبوب المعدة

اول مرة اسوي عملية بحياتي وكنت واايد خايفة بس من دشيت عالدكتور سبحان الله تطمنت وكان يتكلم بكل ثقة عن العملية وسهولتها وماشاء الله عليه حبوب واجتماعي يريح وانتي تتكلمين معاه وطلب مني تحليل دم وسوالي منظار وسونار وكل شي اوكي ولله الحمد
ويوم الخميس الصبح كانت عمليتي اللي طولت ساعة وبعدها الافاقة ساعتين وبعدين صعدوني الغرفة وكنت يومين صايمة بس على الدريبات لما يوم الخروج الصبح يابولي ماي وعصير وشوربة وعطوني طريقة الشرب 30 مللي كل نص ساعة والجروح ماشاء الله ماكانوا يعوروني بس كانوا يشدون علي بالقومة والقعدة اللي تأذيت منه هوا البطن لمدة يومين كنت اخذ المسكن علشانه لاني مربطة بدريبات وموقادرة امشي الا بين فترة وفترة اطلب منهم يشيلون الدريب علشان امشي بس راح مع المشي الحمدلله
كانت عمليتي عملية الثقب الواحد بس اهي فعليا مو ثقب ( 3ثقوب) فوق السر على طول الاكبر وفتحة بسيطة عاليسار وشي بسييييط تحت الصدر مباشرة مالها اثر. وانشالت اللزقات من اول مراجعة للدكتور بعد اسبوع وعطاني كريم للندوب علشان الاثر والاهم ان مافي بربيش ولله الحمد لاني ما احبه.. تميت يومين بالمستشفى سويتها الخميس الصبح السبت الضحى انا طالعة والحين صارلي اسبوعين وكل شي تمام واي سؤال انا حاضرة
بس حبيت احط تجربتي للبنات اللي مازالوا يخافون يسوونها ومترددين واقولهم توكلوا على رب العالمين ولاتنسون الاستخارة والله يوفق المتكممات المستقبليات

ولاتترددون بأي سؤال

حياتي سيلفر الف الحمدالله علي سلامتج ومبروك النزول وايد حلو مشاالله تبارك الرحمن صراحه شجعتيني حدي حدي خايفه والله يسهلي ويسهلها للبنات الي بسونها انشالله والله يعطيج الصحه والعافيه

لاتخافين ياقلبي مو كثري قضيت الليالي بجي ومحاتات وربج سهلها
والله ما ابالغ لي قلت لج جنج مسوية منيكير وبديكير والا حتى جلسة ليزر لجسمج
عمممري بحياااتي مادشيت عمليات وشق وتقصص وبنج

حبيبتي طلب منج تحاليل وسونار اكيد بس يطلب منظار
لاني مااحبه سويته مره وكرهت عمري

وين عيادته الدكتور موسي خورشيد

الحمدالله علي سلامتج حبيبتي

تقريبا مثل تجربتي بس انا ٥ فتحات

بس سؤال كنتي تمشين ؟!

لان الدكتور قالي امشي يوميا نص ساعه بس ما اقدر تفتر فيني الدنيا ١٠ دقايق واايد علي

اول اسبوع شنو كنتي تشربين سوائل ودشيتي مرحله المهروس

حياتي طمنتيني الله يطمنج يارب ويعطيج الصحه والعافيه سيلفر فديييتج

تسلمين وتجربتي حطيتها علشان اطمن اللي كانوا خايفين مثلي

طلب تحاليل
والسونار والمنظار دكتوري سواهم لي بعيادته
وانا مثلج ماحب المنظار وقعدت ابجي من الخوف وقام يتغشمر معاي لما ماحسيت بشي لان يحط لج المخدر اللي بالوريد ماحسيت نفسي الا وانا بالاستراحة اشرب العصير مع العلم اني لما صحيت قعدت مع الدكتور وتناقشنا بتفاصيل العلمية بس انمسح من ذاكرتي ماذكرت الا تالي الليل
ادري قرقت وايد بس بطمنكم
وعيادة الدكتور موسى خورشيد بالجابرية عمارة مزايا لازق بشامبينز اليديد

الصراحة ما امشي بس اتمشى
احاول مايمر علي اليوم الا وانا شوي متمشية لو بداري
بس الدوخة الحمدلله ماياتني بس مالي خلق امشي

حمدالله علي سلامتج وفالج الرشاقه

الف الحمدلله ع السلامه

واينن الدكتور موسي سويت عنده منظار بعيادته القديمه

الحمدالله على سلاامتج

الله يسلمكم بنات
مشكورين