التقويم المخفي

سلام عليكم منو سوت التقويم المخفي بهالعياده وشلون النتيجه؟انا لظروف ما ماكملت التقويم فبرد احط بس تقويم مخفي كبرت ومابي شكل التقويم حتي الشفاف اشوفه مو حلو بليز ابي رد دقيق وسريع مع جزيل الشكر

اقصد بالضبط عيادة الفوزان

؟؟؟؟؟؟؟؟

السلام عليكم ,,,هلا حبيبتي ماحبيت ادش ومارد
بس انا ماجلابت عيادة الفوزان بس شفت التقويم المخفي عند عيادة بيان حسيت شكله عادي مو مخفي مخفي لا يبين بس اخف من العادي
واذا تقصدين التقويم اللي من داخل هذا صج مايبين وسعره اغلى بس لازم ماتكونين شايله شي من اسنانج
واتمنى اكون افدتج

حبيبتي انا حاطة تقويم عادي ..

بس التقويم الشفاف يبين يعني لا يقولون لج ما يبين بالعكس واضح ..

وصدقيني حطي تقويم عادي مافيها شي .. والله قاعد اشوف ناس كبار حاطين تقويم ولا يستحون ولا شي عااادي ..

فانصحج انج تحطين تقويم عادي .. واصلا شكله يشووق بالالوان وجي ..

اب
اب

لا انا اقصد الي من داخل مو الشفاف ومشكورين علي الرد حبايبي

مافي ولا وحده حاطه التقويم الي بظهر الاسنان ؟؟؟؟؟

انا حاطه تقويم مخفي من الفوزان

يجنن و لله مايبين

بنت عمتي صار لي سنه حاطته توها تدري الشهر الي طاف اني حاطه تقويم

بالعكس وااايد زيين

و انا قربت اشيله واايد مريييح

بس مشكلته ساعات يصير اصفر

ماادري من شنو بعدين يرد لونه الشفاف

الصرااحه انا نصحت الكل فيه

حياتي انا سويت عندهم العادي

بشكل عام الفوزان ايينوووون و شغلهم حلوو

و المخفي الي بره مو حلو جنه الضروس وصخه

بس الى من داخل احلى و انظف للتفرييش

انا كلها جم يوم واركب التقويم المخفي بـ السكينه كلينك بالفروانيه بـ 800 سعرهم منااسب منااسب
هذآ رقمهم
24759565

زييين و الله ٨٠٠

انا مسويته ب ١٥٠٠ غااالي

بنا مانصح بالمخي لان المخفي مايعطي مفعول كثر العادي
انا سويت تقويمي قبل خمس سنوات بالميدان
والدكتور هندي
قال المخفي مايعطي نفس المفعول والسرعه
واذا بين شنو يضر
كلها سنتين وتخلص
انا تقويمي سنه وخمس شهور بس
ولا عذبني ولا شي

المخفي اللي يصير من داخل الاسنان صح ؟؟

سمعت انه مفعوله بطيئ و خصوصا قلتي انج كبرتي يعني مع الكبر حركه الاسنان تقل

فأفضل تحطين العادي افضل و في نوع شفاف

مشكورين حبايبي علي الرد صح كلامكم كبرت عاد مو كبيره وايد عمري٣٠بس اما جربت شكل التقويم مليت ابي ابيض اسناني واحط هالتقويم من بظهر الاسنان حتي لو سنتين انا بس بكمل الشغل الباقي كان بس بقالي ٦شهور واخلص بس علشان عرسي شلته .هذا الي تقصدينه احلي عروس الي قلت عنه وصج حاطته انتي بالفوزان وعند منو واي دكتور وجم كلفج واشلون موعيدهم مضبوطه وعندج فكره عن التبيض مالهم وجم يكلف