التفكير راح يقتلني>>>>> ساعدوني

السلام عليكم ورحمة الله وبركاته

انا محتارة حيرة و وضعي ما يعلم فيه غير ربي، اخر شهر 9 السنة الماضية ظهر شخص وقال انه يريد يتزوجني فقلت له افتح الموضوع مع حد من طرفي فكلم شخص من طرفي بالموضوع وتاكدت من هالشي فقررنا نتواصل على البلاك بيري لان هو قال ع شهر 12 تتم الخطوبة يعني بعد تقريبا شهرين من شهر 9 ونحتاج انه نتفاهم فوافقت ، كان الشخص ملاك وكل ما افتح الموضوع يقول انا كلمت الاهل بس مب راضيين يتحركوا والحين شهر 7 يعني الموضوع يحتاج 11 شهر !!!!، بعد ما سمع كذا شخص بالموضوع مسكوني ينصحوني بانه مش اوكي ولازم اتحذر منه وغيره من الكلام ، وبدأت تظهر اشياء كذب فيها علي من عمر ظهر اصغر مني ب 4 سنوات ومستوى دراسة وغيره ،ومرة خاني واعترفلي وسامحت، والفترة الاخيره كان كل ما يصير سوء تفاهم يغلط بالكلام مثل ذلفي وكلي خر…… وغيره من الالفاظ ، وكل مرة كنت اسامح وارجع اتواصل معاه

المشكله

من فترة تقدمولي ناااس ثانيين والريال الكل يمدح فيه من اخلاق وشهادة وكل شي، وصلت له الخبر فالبداية قال ربي حافظنج وبعدها قال محد ياخذج غيري ، و عشان مب هاين عليه تناقشت في الموضوع معاه قال اهلي مب فاضيين وكل ما اكلمهم ما يتحركوا واذا انتي كنتي متمسكة فيني راح ترفضين هالشخص بدون تفكير
انا رفضت شخصين قبل عشانه ومستعدة ارفض بس الاسلوب اللي تعامل فيه معاي الفترة الاخيرة وتقصيره والكلام اللي كثر عليه خلاني هالمرة اتردد بالرفض بما انه الشخص المتقدم الكل يمدح فيه
انا عمري الحين 23 اتمنى اسمع رايكم هل ارفض ع امل الزواج من الشخص الاول واخاف اكون ظلمته حسب كلامه (اذا انتي كنتي متمسكة فيني راح ترفضين هالشخص بدون تفكير ) يعني استناه او اكمل حياتي ؟؟؟
اختكم

لا لا تنطرينه ولا شي

هذا جذاااااااب !!!

قام يقص عليج مجرد ما ييلج نصيب زين وافقي
*

اقووووووول كلمه وحده بس تركيه وتزوجي هذا واحد يلعب وفاضي ولا بعد اصغر منج وعمره 19 يعني اشكره مكلم اهله ورافضين شي طبيعي بهالزمن الرجال عمره 25 ويالله تقولين كبر بعد عمره 19 وانتي اكبر حكمي عقلج وبس وتزوجي اللي يطق الباب ربي يوفقج ويسعدج ولا تنسيين الاستخاره خيتووووو موفقه

نصيحتي لك استخيري ربنا على العريس اللي متقدم لك
هذا يلعب فيك وبعدين صغير بالعمر مااحد بيرضا يزوجه الان اهله مارح يخطبوك

انا بصراحة من كلامج مارتحت لة / كلام الاخت راقية بذوقها في محلة
ونصيحة لا جا ولد الحلال اللي يناسبك توكلي على اللة ووافقي
واللة يكتب لج اللي فية الخير ويرزقج الزوج الصالح والسعادة في الدنيا والاخرة

كذاب ولاعب ودليل يطولها وهي قصيرة لا ويتحجج بهله الحمدالله وشكر صارت الاعيبهم مكشوفه عبالهم البنات ما يحسون بالاعيبهم . وان تقدملج ناس زينين استخيري واوفقي لما تحسين براحة وربي يوفقج حبييبتي

الي يبيج يدل باب بيتكم

انا بهالكلمة وايد انحاشو من جدامي والي طق الباب سمع الجواب
ليما الله كتب النصيب مع ريلي

ليش مرخصة نفسج حق ياهل يلعب فيج

وليش ترفضين
ليش اهو شنو سوالج؟؟ اذا اهله ما اقنعهم ماله داعي توقفين حياتج اذا الي يايج خوش واحد

حبيبتي 23 سنه مو صغيره على اتخاذ قرار
مثل هذا خليج على اللي طق الباب احسن من اللي يقول شهر 12 وشوفي شهر12 شرط يطلع بشي ثاني !
لا تلعب فيج العواطف

لاااااااااااااا لاااااااااا تنطرينه هذا نصااااااب روحي لنصيبج احسن لج

توكلي علي الله واستخيري تري اليوم واحد اثنين يطقون الباب عقب ماتلاقين احد واذا اهو الي متمسك فيج يقلب دنيا عشانج ليش انتى تضحين واهو طاااف ؟؟؟

واضح انة كذاب
وافقي ع اللي متقدم لك احسن لك

واضح انه كذاب

وافقي عليه لاتندمين بعدين

لا لا تنطرينه ولا شي واضح اللي يلعب عليج من كلامه مثلاً احد يحب احد يقوله كل خرا عسى ماشر وين عايشن روحي روحي تزوجي ي عمي احسن لج منه

انا رايي من راي البنات

شكله جذاااب وكافي انه اصغر منج شوفي نصيبج ووافقي صدقيني بتنسينه

مايبيلها تفكييييير
هذا جذاب ومخادع وللحين يماطل معاج بالكلام

شوفي حياتج وتوكلي على الله وتزوجي الاكفأ لج, ولا تأخرين نصيبج عشان فلان وفلنتان باجر هذا الصغير ماراح ينفعج بس يتلاعب بعواطفج