التعرق خلال النفاس ؟؟؟ ساعدوني

مرحبا شخباركم

تكفون بنات المنفسات ساعدوني اذا تعرفون شي يخفف عرق النفاس مو معقوله للحين وانا اثناء النوم اتعرق تعبت دشني برد والسبه هالسالفه بيصيرلي 20 يوم وانا اتعرق زيييييين شنو السبب وليش يطول جذيه ماني عارفه ماني قادره انام عرق عرق عرق

متملله من نفسي ساعدوني شنو هالحاله

عادي حبيبتي انا نفس حالتج راح يخف تدريجين لان هذا من الادوية النفاس حارة واحسلج عشان سبحان الله السموم تطلع من جسمج

امبيه انا بعد جذي واليوم صارلي شهر

السلام عليكم أنا بعد جذيه بس لما كملت شهر خف تدريجيا والله يطلعنا من الشر إنشاء الله

ما ادري معقوله من الادويه من العصيده يعني واللهوم مادري اخاف بس من شاي الاعشاب اللي قاعد اشربه

بس ما اتوقع لو جذيه جان عرقت طول اليوم ببس العرق اثناء النوم يعني اتقلب القى نفسي عرقانه حيل

مادري في وحده منكم ماتاكل دويات ؟؟ تعرق والا لا ابي اعرف على جذيه لازم اقطع الحبه السوده والرشاد وعصيدة التمر يمكن تكون السبب

بعدين تذكرت شي مره سمعت الدكتوره عاليه الفضلي بقناة بدايه تقول لازم تقطعين هالاشياء خلال عشرين يوم واذا ضليتي جذيه 40 يوم مالراح توقف افرازاتج شرايكم ؟؟؟؟؟؟؟؟؟؟؟؟؟

انا الدكتورة قالتلي انه هذي هرمونات الحمل قاعدة تخف من الجسم عشان جذي الوحدة تعرق خاصة بالليل

هذي الجسم يتخلص من الهرمونات مالت الحمل والماي المخزن فيه

الله يعينكم

واي انا جذي
انام بدون غطاااا و اشغل المروحه و مجابلة الديودرنت و البدي سبري لول

الله كريم
على قولة امي ترى انتي نفاس مو عروووس

دموع انا ما صرت اتلحف خير شر الله لا يوريج والله دشني برد والكحه اشتغلت علي وانا عاد فيني جرح والله كل ما اكح احسه بينفتح عسى الله يصبرنا ويعدي هالايام على خير

واااااي الله يعينكم

بنات بالعكس العرق زين لكم هذي هرمونات تتغير و بنفس الوقت الماي يطلع من جسمكم و تضعفون اسرع و غير جذي اللي جسمها مكسر تدريجيا بالعرق راح تحس براحهو لا تتتكشفون بالعكس تغطو عدل لا يدش فيكم هوا
و لي قمتوا سبحوا و سو اللي تبونه و تكشخو و كلها اربعين يوم
و حمدلله على سلامتكم

انا بعد من اكل اكل انفااااااااااااااااس ماتلاقوني الا اصبصب المشكله العرف براسي جهة اركبتي صدري مو كل جسمي
بس اشوه بده يخف

حبيباتي مشكورين على التجاوب والردود بس جد احساس مزعج

عادي حبيبتي تحملي
انا والله اقوم قبل بنفاسي كل ملابسي مااااااااي

هذي السوائل اللي بجسمج قاعده تطلع الحمد لله نعمه من الله .. كل التنفخ اللي فيج قبل بالحمال من السوائل

والحين قاعده تطلع

بس تغطي عدل

ولا تتعرضين للهوا الحين الجو بارد
واذا صار لج عشرين يوم ابدي خففي من الادويه شوي شوي

يعني الرشاد خلاص وقفيييه لانه يسبب رطوبه لج

وان شاء الله تطلعين من الشرقريبا

لا ترا مو من الادوية
انا لمن اقعد جنه كابين علي ماي
بس بالتدريج يخف
تدرون كنت ابجي حسبالي مريضة او فيني شي خطير توني ادري انه هالشي عادي حدي غشيمة
معني والدة من قبل بس ما اذكر صار فيني جذيه