التعبير عن المشاعر . بين مــــــد و جـــــــزر!!!

اشلونكم متزوجات و طموشات

انا مو شاطره حيل بكتابت المواضيع بس بقول مشكلتي باختصار….أنا حاليا بديت احس اني بأزمة نفسيه واحتاج لمشورتكم …

انا طبعي حيل حنونه وعاطفيه و رومانسيه بس بنفس الوقت شخصيتي قوية و مو قادره اطلع هالمشاعر لزوجي.. يعني قليل جدا ما اقول كلام حلو بحقه و احسسه بعواطفي عكس بداية زواجنا مع ان ما صار لنا سنتين متزوجين……..

مرات اقول طبيعة دراستي خلتني جافه شويه بالتعبير عن مشاعري!!! و مرات أرمي العذر على لحظات مرت بحياتي كانت تتطلب مني الصرامه واحافظ على رباطة جأشي مثل ما يقولون!! ومرات اقول بحكم انشغالي وتفكيري بالبحوث ….

زوجي قالي انتي حيل رومانسيه بس ما اطلعين و تكبتين بنفسج…

ما اقولكم اني ما حاولت اقوله كلام حلو بالعكس حاولت اجرب واقول كلام حلو بس حسيت ان شكلي غلط و حاولت اني اسويله ليله رومانسيه بس بعدها اضحك على نفسي و اقول تفاهه !!!

مو عارفه اشلون احل مشكلتي هذي ؟؟؟

دربي نفسج من داخل ان تقولين كلام حلو وتخيليه جدامج و ان شاءالله اتعودين على هالشي لما يكون موجود

مشكووورة اختي

العفو ياهلا

اشدعوة وينكم

لا حياتي مو غلط .. اذا انتي تشوفينه جذي اهو يشوفه غير ,

عودي نفسج على حبيبي قلبي عمري ومن هالكلام وشوي شوي بتتعودين ,,

انا اقول العمر واحد..والحياة مرة وحده والأيام واللحضات الحلوة ماتتكرر اذا استوعبتي هالنقطه صدقيني مابتضيعين لحضة وحده

مشكورين والله يعطيكم العافيه

بختصر لنفسي الحلول اللي ذكرتوها :

1- أدرب نفسي اقول كلام حلو واتخيله قدامي لما اتعود
2-نظرتي لنفسي عكس نظرة زوجي
3- العمر واحد..والحياة مرة وحده والأيام واللحظات الحلوة ماتتكرر

في انتظار المزيد من وجهات النظر و التجارب

خلي الصرامة عنج وشبعي زوجج طالما قالها وطلبها منج
قبل لايشبعج مغثة ترانا موقد الرياجيل مهما حطينا راسنا بروسهم
هم يقدرون يحبون ثاني وثالث وعاشر وألف مره بس إحنا نشبص
بالواحد لاحبيناه خلي الشغل عنج والتكانة على جنب ..
وبعدين شنو طبيعة شغلج عالمة ذرة وإلا شنو مو لهدرجة تعاملين
زوجج كذا كل يوم ليلة رومانسية جديدة طيعيني ..
أبي مصلحتج وإنت تبين المشورة ..
وآسفة عالإسلوب الأكثر من رائع ..

خخخخخخخخخخ

اهم شي اخر سطر

لا مو عالمة ذرة بس طالبه بالطب (يعني تشريح ولوعة جبد ) بالعكس عالم الذرة أرق مني ههههه

اوكي قلنا ليله رومانسية بس مو كل ليلة ماكو شغل

شكرا حبيبتي

آب على الجو الحلو :d

خلج طبيعيه وصارحيه بمشاعرج وسمعيه احلى الكلام هذا زوجج وحلالج وانتي حلاله لازم يبي يسمع كلام حلو منج وسوي له ليالي رومانسيه ترا اهم شي عند بعض الريايل والله يوفقج في دراستج حبيبتي

انتي مثلي مو قادرة افج حلجي معه بحجوة زينه
استحي

زوجة عزيز مشكورة حياتي

المستبدة .. يارب تنفك عقدتنا

Up …