الترجيع والحارج !!بليز ساعدوني حدي تعبانه

السلام عليكم ورحمة الله وبركاته

بنات الحين الحامل اللي ترجع تكرمون ولمن ترجع عصارة المعده اللي تحرق

عقب اكو حراق اول البلعوم

هذا حارج؟؟؟؟؟؟

يعني لي شربت دوا حارج يروح؟

بنات ابيه يروح ذبحني اكلت خبز ماراح شسوي

شدعوه ردوا علي والله تعبانه حدي

فيني بجيه

حبيبتي انا مافاد وياي ولاشي
تكرمين حته الاماي اشربه يطلع بارد
لين دشيت الرابع خفت
بس نمت تقريبا شهر بالمستشفى

وانشالله تخف وتولين بالسلامه

عسى الله يصبرج ان شاء الله
وهذي فترة واتعدي وما عليج الا انجتاكلين كل ساعتين شي خفيف مثل بسكوته
واي شي عشان ما تصير المعده خاليه والسفن اب زين يبرد شوي وهم الموز
وعسى الله يكون بعونج

اخذى دواء للحارج من دكتورتج حلو حيل ويريحج

شربي حليب
مان يفيد وياي الا الحليب

اكلي اول ماتقومين من لنوم وانتي لحد الحين بالسرير بسكوته ناشفه وشربي زنجبيل

او شربي بين الوجبات ربع قفشه بكروبونات الصوديوم مع قلاص ماي

<<<هذي كلها نصيحة دكتورتي بالجامعه

والله يقومج بالسلامه

اانا سمعت البسكوتة الناشفه حيل هي الي توخر اللوعة
بس انا ماجربتها ماقدر اكل عالريج :/
عرفتي
انا كرهت فرشاتي الاسنان ومن افرش ارجع كل شي
ومع اني غيرتها كذا مرة كل مرة اكره حركة التفريش الصبح

فأنتي يمكن اهون مني :/

بالشهر الرابع تخف النساة معاج باذن الله

حبيبتي نصيحه في وحده قالتلج اخذي زنجبيل كلش لا تقربين صووووبه موزين للحامل وخاصه انتي بـأول الأشهر

انه سمعت الثلج لما تخلينه لين يذوب وتشربين مايه زين للحارج

وبالنسبه للترجيع انه مت من الترجيع ما صرت احسن الا لما تقريبا خلصت الرابع وانصحج تاخذين ابره للترجيع

خذيتها بعيادة دكتوره فوزيه القطان عجيبه هالإبره *** والله بعد ساعه بس راحت اللوعه وصرت تمام سعرها دينار

الترجيع في له دوا انا كنت اخذه ووايد كان ممتاز بس نسيت اسمه روحي الصيدلية وسأليهم عنه

حق الحااارج انا الدكتوره قالت لي حليييب خالي الدسم بااارد والله ووايد زييييين

كنت اقوم الفير اشربه ونامي على جهة االيسااار

وانا كنت اخذ حبوب مص موكسااااال

الله يسهل عليج

لا تشربين زنجبيل مو زين حق الحامل

كثري من شرب الماي خاصة على الريج قبل لا ترجعين ..بس اتحسين بلوعة شربي ماي على طول علشان عصارة المعدة تختلط فيه ولما ترجعين ترجعين الماي وماتكون العصارة مركزة وتضرج ، وإذا حسيتي بحرقة عليج بالماي البارد او الحليب البارد ، وبالنسبة للحارج أكو حبوب مص جنه حلاو أسمه Reno تمصينة أو تعلجينة على طول يروح الحارج .
وهذا إلي اعرفة وماتشوفين شر حبيبتي

انا قالي الدكتور برد قانيليا زين وفعلا خفت نساتي منه

حياتى ميخالف تحملى بس فى حبوب يمدحونهم حيل للوحام ولوعه الجبد بس والله ماعرفهم باجر لاداومت بسأل البنات واكتب لج حبيبتى ميخالف ترا الوحام موكله حلو لازم غثا بالبدايه تحملى تقومين بالسلامه