الترجيع بموت منه

مرحبا بنات انا حامل بجر الاسبوع الي طاف سويت تحليل هرموني قالولي 5 اسابيع يعني الحين تقريبا 6 اسابيع بدش بالسابع بس من امس تقريبا والترجيع ذابحني احس روحي ابتطلع ماطلع شي تكرمون بس مر والحين تقريبا كل نص ساعه جنه معدتي بتطلع من مكانها ومايطلع شي شسوييي ابي شي اخفف الي اتعرف اتفيدنيي الله اوفقكم ويرزكم جميعا

حبيبتي شي طبيعي هذي النساه بس رووحي الطبيب قوليلهم ابي تحليل الاسيتون اذا مرتفع لازم درب خوفج يصير جفاف

وحيلج بالمااااااي

والله يتمم عليج

اهوه بده من امس وادري انه طبيعي الترحيع بس ماتوقع لي هالدرجه وموجنه تو الناس لانه انا صارلي 6 او 7 اسابيع

حبيبتي انا اختي قبل لا تدري انها حامل ترجع عادي ياقلبي يمكن نساتج قويه ان شالله بالثالث تخف

في حبوب لوعه بالصيدليه ب 600 فلس قولي حق اللوعه انشاءالله تخفف الترجيع الله يهون عليج يالغاليه

لايكون الاسيتون مرتفع

جيكي عليه

والله يشافيييج

عادي هذا الوحام

والله انا يوم كنت حامل كان ترجيع تلقائي وكنت ارجع سوائل المعده لان معدتي فاضيه

لدرجة وقفت قيدي بالكليه من الوحام على طول الاسيتون ظارب عندي وكنت مرات انام بالمستشفى لان الاسيتن يوصل ل4 وهذا خطر على

الجنين نصيحه روحي لايصيب الجنين جفاف يضيع من ايدينج كثري من الماي و سوائل

الله يسهل عليج وعلى كل الحوامل

روحي لدكتورج حبيبتي في شغلات اذا خفتي منها او حسيتي انج موفاهمه ليش جذي روحي سالي دكتورج أنا حتى رقم دكتوري عندي ادق عليه اذا بغيت منه شي

عادي حبيبتي انا من كثر مارجعت قمت ارجع دم وصار في وجهي نقط صغار دم تحت الجلد مطشر روحي وسوي تحليل استون مثل ماقالواذا رتفع بيحطولج درب عشان الجفاف

نسيت لاقولج في حبوب للرجيع تاكلين حبه باليل تخفف الترجيع يعني تخليج ترجعين 4 مرات باليوم بس ما اذكر اسمهم

مبروك على الحمال وربي يتمم عليج

الله يعينج عاد الترجيع يذبح انا الحين بالاسبوع 17 ومستمر معاي الله يعينا ان شاءلله مأجوره

بس ديري بالج راجعي دكتورتج احتمال الاسيتون مرتفع مثل ما قالوا البنات وكثري شرب ماي

وعلشان تخف اللوعه اخذي حبوب توصفهم لج الدكتوره

وحاولي تاكلين اي شي خفيف على طول لا تخلين معدتج خاليه , اكلي نواشف توست محمش بسكوت مالح شربي زنجبيل دافي وووو حاولي تلاحظين اكلج مرات معدتج تكون حساسه من اكل معين وفي اكل حتى لو دسم عادي ما ترجعينه

بس اذا على قولتج ترجعين مر ماكو فايده لازم حبوب انا على الله وعليهم

والله يتمم عليج الحمل ويرزق كل محرومه يا رب

روحي سوي تحليل الاستيون ..

وعليج بدوا الترجيع للحامل

عسى الله يتمم عليج ياقلبي

عادي النساة انا في حملي ( إجهاضي ) واحمت قبل لا أحلل ..

والحمدالله على كل حال البجر نساتها تكووون تعب اشوي في بصيدليه علج الوحام اسمه chooz حق اللوعه

والله كريم

هذا الوحام الله يعينج عليه
راجعي دكتوترتج خلتصرف لج حبوب اللوعه

الله يهون علي وعليج وعلى جميع الحوامل يارب

شوفي حبيبتي ذكرتيني باللي مضى الله ياجرنا ويعينا ما اقول الا الحمدالله على كل حال شئ اهون من شئ

نصيحه روحي للدكتورة وشرحي لها حالتج او روحي مستشفى الصباح الطوارئ ررررررروعه شويه ( صج اهانه ولوعه ونطره ومايدخلون ريال كانت امي الله يخليها لي تكون معاي) بس حق العلاج 100% عن تجربه انا عندي الاستون شغال وعلى طول ترجيييع وتعب وما اروح الا طوارئ الصباح على طول يشوفون يكرم السامع تحليل بول ويبين الاستون وعلى طول يحطولي درب ومره ثانهي احلل ودرب ثاني لما يشوفنج انج زينه يطلعونج وتحاليل وتطلعيين منهم احسن ووقف الترجيع وأحسن من تروحييين الخاص ياخذون علييج سعر الدبلات والحمدالله الحكومه توفره صاير لفلان وعلان والزلمات والهنود اهما اللي محتلييين كل شئ واحنا نقط من فلوسنه والحكومة احسن.

وطمنينا علييج وترا عادي لاتحاتييين هذي النساه ووسعي صدرج وتوكلي على الله الحمدالله ترجيع ودربات ولا نومه مستشفى وربط ووقعده الفراش هوني على نفسج وماجورة بأذن الله