|
|
قووووووة يا ابلات شلونكم شخباركم
بنات بليز انا ناوية انقل لي التربية الخاصة الي بحولي
قولولي من تجاربكم او من الي سمعتووه يسوى انتقل او لأ؟
انا ابلة انجليزي وسمعت من مدرسة مناك ان المواد الاساسيه مثل العلوم والرياضيات والعربي والانجليزي ما تعتبر مواد اساسيه عندهم….. لكن المواد الي نفس الالعاب والرسم هذيله تعتبر مواد اساسيه لهم
وشلون الدوام مناك سهالات ؟؟؟؟ وايد مدحولي اهناك بس وحدة حبطتني قالت وايد تعب يبيله طولة بال
بس انا ابلة انجليزي واهناك الانجليزي ما يعتبر مادة اساسيه
فمادري انتو شرايكم ؟
بنات اشدعوى محد رد علي "
"
ليش كلما اكتب موضوع محد يرد علي " محد يحبني اهي اهي شوفي انا بقولج الي اعرفه..
مع اني مدرسة عادية.. لكن عندي مرت خالي + بنت عم رفيجتي يشتغلون هناك
1- عدد الطلبة داخل الصف 10
2- المعاش أكثر من معاش المدرسة العادية بــ 40 دينار
3- تطلعين من المدرسة كل يوم الساعة 12:30
4- بالرغم من وجود مميزات حلوة من معاش وطلعة مبجر بس التدريس تعب لان قاعدة تتعاملين
مع فئة خاصة، يعني اذا طالب عادي يقولج بروح اشرب ماي تقدرين تسكتينه اما في المدارس الخاصة ممكن يحن عليج
لأن مايدري عن نفسه يقعد يقولج: ماي ماي ماي ماي ماي ماي ويعلق عليها
5- مرت خالي حاشها بنت مستواها حيل ضعيف ف تقول كتبت لها الدرس مال حصة معينة وايدها انكسرت.. فيها تعب شوي وعدم تأقلم وخوف بالبداية بعدين سهالات
انا ودي انقل هناك مادري ليش لان احس فيه اجر وغير فيه مميزات.. بس مادري شلون طريقة النقل هناك؟
انا مرت خالي كانت مدرسة انجليزي بمدارس الحكومة ونقلت للخاص بواسطة..