|
|
مرحبا يابنات الكويت انا من السعوديه حابه السنه هاذي اذا ماقبلني الديوان بالسعوديه اقدم بالكويت بس حابه اعرف صعب التدريس بالكويت ومتى التسجيل وحده قالتي مره صعب درس عندكم مادري كلامها صحيح متى يفتح التسجيل عندكم انا قسمي دراسات اسلاميه تقديري جيد جدا مع خبرات يقبلون الاسلامي الله يجزاه الف خير الي ترد صراحه طفشت من قعده البيت لاحمل ولا وظيفه الله يعين
والله اتمنى البنات يفيدونك
بالنسبه للقبول :
الاولويه للكويتيات بس اذا في نقص ومحتاجين ممكن يقبلونج يعني على حسب الظروف
/
يفتح الديوان عندنا شهر 7
والتدريس بالكويت وبالنسبه للتخصصج اشوفه سهااالااات لأن بالكويت تدرسين مادة اسلاميه وقرآن كريم بس
مو مثل السعوديه متفرعين مثل : فقه , وعقيده ,,,الخ … وهم بعد على حسب المدرسه وإدارتها اللي يحطونج فيها…
الله يوفقج ويسهل عليج وان شاء الله نشوفج عندنا بالقريب العاجل
التدريس بالنسبة للإسلامية في الكويت جدا جدا سهل ..بس المعلمات السعوديات إللي عندنا يقولون
إنه التعليم عندنا جد شوي أكثر من السعودية ..وطلب الوسائل وهالأشياء أكثر منكم
وإللي متعبهم هو الطريق من الخفجي إلى الكويت ..يقولون شوي متعبهم حيل
وبالنسبة للتقديم ..الديوان عندنا يكون للكويتيين فقط
أما تقديم الخليجيين يكون عن طريق الوزارة نفسها في قسم الموارد البشرية
تروحين هناك وتقدمين أوراقج عندهم وأهما ينادونج للمقابلة
نصيحة لج لا تنطرين قدمي أوراقج من ألحين وأهما إذا إحتاجوج يدقون عليج بأي وقت
في معلمات عندنا سعوديات عندنا عينوهم في بداية السنة وفي منهم آخر الكورس الأول
يعني على الحاجة ,,إنتي منتي خسرانة جهزي أوراقج وقدميها للوزارة والله بيسهل لج
وهذي المستندات المطلوبة يبتها لج من موقع الوزارة
للمتقدمين من رعايا دول مجلس التعاون الخليجي (متقدمين جدد):-
المستندات المطلوبة:-
1. صورة عن المؤهل العلمي أو الدراسي.
2. صورة عن جواز السفر أو البطاقة المدنية للمقيمين في دولة الكويت.
3. صورة شخصية 4×6.
4. عنوان المراسلة واضحا.
ملاحظة : يتم التعاقد من رعايا دول مجلس التعاون الخليجي وفقا للتخصصات الشاغرة.
عنوان وزارة التربية: ص . ب الصفاة – الرمز البريدي 13001 . الكويت.
هواتف وزارة التربية:
بدالة مبنى 2
7/24839704-00965
بدالة مبنى 1
9/24836800-00965
ابله كويتيه-يعطيك العافيه على هالمعلومات وتسلمين حياتي ماقصرتي الله يوفقك انشاءالله