التدخل في التربيه مع الأم

السلام عليكم

خواتي احنا كل أسبوع عندنا يمعه و تزورنا خالتي اخت أمي المهم صارلها أسبوعين كل ما يسوي شي. غلط أو يعاند تقوم تفز من مكانها و تهاوشه يكسر خاطري ولدي

اهو مو من النوع الي يقول كلام و صخ أو يطق بالعكس فقير حتى شطانته عاديه و أخر مره تلت فيها برطمه الصراحه أنا مابي أحد يشاركني في تربيه ولدي الأني موجوده قاعده أنا الي أتصرف المفروض

و الولد عمره ثلاث سنوات و في يهال شطانه و ألعن منه محد يكلمهم الصراحه شي يقهر

اول شي ماحبيت اطلع من دون مارد بالرغم ان للحين ما صرت ام
ثاني شي لااااا تخلين احددد يأدب ولدج غيرج انتي وابووه
ولاتخلين احد يعلمه عالطق توه صغير بعدين بتصيده رده فعل وبيمشي وبيطق فالناس
ردي عليها او خلي امج تكلمها مهما يكون هذا ولدج ومحد له دخل فيه
مسكين عور قلبي الله يخليه لج

امبيه مو زين الطق

؟؟؟؟ خلي امج اتكلمها مو انتي

الله يعينج والله
مادري شقولج لما يكونون الخالات صعب الواحد يرد عليهم انا بسوالف ثانيه يتدخلون وقمت ماحب اروح يمعتهم وايد والله يعينا يارب

اذا طقته او زفته حاولي انج تسبقينها وتقولين ولدي الشاطر اللي مايغلط ويسمع كلامي اهني اهيا اتطخ ماتقدر اتسوي له شي لانج سكرتي عليها وتشوف انج راضيه…. او قولي لحظه خالتي انا اكلمه….

او بيني انج تضايقتي….. عادي يحق لج

كلش موحلو التدخل بالشين والزين بعد,يعني بالزف أو بالتدليل الزايد..
والله بلشه
الله يعينج……..

عاد حنا وضعنا غير اختي تقول خربتوا عيالي علي
لأن حنا مدللينهم ومدلعينهم عالآخر! واعمارهم 4 سنين وسنتين
فلوس وطلعات والعاب غالية
وملابس جديدة وكلها ماركات وسعرها يكسر الظهر هههههه
وفوق هذا اذا سووا شي غلط وامهم زفتهم نفزع لهم ونهاوشها ههههههه

بس لاحظت ان فعلاً كلامها بمحله
لأن اولادها صايرين يستحون اذا قعدوا مع الناس واذا صارت
لهم اي مشكلة حتى لو بسيطة حييييل يبجون
واذا احد غريب كلمهم او حب يسلم عليهم يجون عندنا وينخشون ورانا
مايعرفون يسوون شي بدونا بصراحة الدلع الزايد مو زين!!

مو لازم تروحين يمعتها اذا هالشي يأثر على تربية و نفسيت عيالج محد دمر نفسيتنا غير هاليمعات امي و ابوي يعلمون على الصح واهلهم يعلمون على الغلط انا قرار ا خذته مكان يأثر على عيالي عساني ما رحت والا استانست باجر لي ولدج الله لا يقولي صار عنده ردات فعل عكسيه شراح تفيدج اليمعات
والي بيزعل عند يدي اهم شي عيالج نصيحه