التحرش الجنسي بالطفال !! معقوله؟؟ امهات رايكم بلييييز

اشلونكم امهات

انتشرت في ايامنا هذي التحرش الجنسي بالطفال معقووووووووله؟؟

ليش هذي الظاهره انتشرت عندنا وايد وقصص كثيره تداولت بين مجتمعنا تدمى لها القلوب
قمنا نخاف من كل شي ومن اي شي
حبيت اطرح هذا الموضوع علشان تصحى اقلوبنا وانحافط على فلذات اكبادنا
اتصدقون امهات قلبي يعورني اذا طلعت بالسياره وشفت هاليهال الصغار اللي يكونون بروحهم مع السايق وطبعا غيرها من القصص اللي انتوا اتعرفونها يشيب لها الراس مابي اقولها واعور اقلوبكم
خلاصة الموضوع ابي خبرة المهات انتشارك في ان اشلون انحافظ على احيالنا من التحرش الجنسي ؟؟
اسباب التحرش الجنسي ؟؟
كيفية معرفة ان الطفل تعرض الى تحرش جنسي؟؟
((موضوع وايد مهم بعد انتشارع في مجتمعنا اتمنى الامهات يشاركون))

عسى الله يحفظ اعيالنا يارب

والله موضوعج قيم وروووعه يالفنانه ويعطيج الف عافيه

فعلا الموضوع يعور القلب ومادري اشلون الامهات والابهات يسمحون للهندي والبنغالي ياخذ عيالهم المدارس واييبهم يعني بيقولون ظروفهم وماعندهم احد يوصلهم الابو مثلا مايسوق والام ماتسوق ليش مايركبون بالسياره مع السايق يوصلون عيالهم المدارس شاللي يمنعهم؟؟؟؟؟؟
واذا بتقولون الدوامات ولازم السايق يوصلهم بقول لكم حراااااااام اليهال أمانه وبذمتكم كل اللي يصيرلهم انتو مسؤؤلين عنه

كلكم سمعتوا عن البنت اللي عشقها السايق وانحاشت معاه وتزوجها
هذى سالفة فيض من غيض والخافي اعظم

شى يعور القلب تشوفين بنوته شحلاتها بالروضه بحضن السايق الصبح موديها الروضه
والمنظر الثاني ياهل بالمتوسطه كاشخ مع السايق وماسك بيده الزقاره ويشفطططط هالدخان ويعطيها السايق بالتناوب
هالمنظرين شفتهم بعيني والله العظيم

يارب تحفظ عيالي وعيالكم وعيال المسلمين كافه من كل شر ومستشر آمين يارب العالمين

الغاليه نونو
اي والله صدقتي ليش وصل فينا الاهمال لهذي الدرجه
والله ان مره انا كنت رايحه لاند مارك ولا وحده عندها بنت يمكن عمرها خمس اسنين وامتكتكه اتينن
المهم وانا طالعه من الباب ولالم مع بنتها جدامنا وابنت عزكم الله بايله على نفسه
والام قاعده اتزفها وكانت لابسه بنطلون والله ان كان جمسهم واقف يمنا جان تقوم الام واتسلم السايق البنت علشان تقعد بالسياره
والله ان السايق خذا البنت من ايدها وشالها ودخلها السياره وزايغ قلبه وقفت بالسياره ماقدرت اتحرك ودي اروح انتف الام موضروري تشترين المشتره مو اهم من بنتج؟؟
المهم ان السايق وقف عند باب البنت بس يطالعها واهي اتحوس بالسياره وطايره اعيونه عليه
وااااااااااي تعبت وتذكرت السالفه وانقثيت

وااااااي هذي ام الله يهديها ان شالله

قبل العيد رفيجتى موديه بناتها الصالون ومسويه لهم تسريحه وحركات المهم نزلت الصيدليه وبناتها بالسياره جان يلف السايق وراه ويطالعهم ويقول حق وحده شعرج نفس شعر حليمه لووووووووووووول امبيه حتى الهنود يعرفونها ههههههه

اي شنو على بالج والله ينخاف منهم هالسواق
يالله امهات نبي تفاعلكم اشدعوه ماتخافون على اعيالكم

شي يعور القلب خاصة بالمدرسة الى انا فيها تدرون الخدم اكثر من الامهات لا بعد يشيل جنطة الطالبة يكسرون الخاطر والله مره كنت عن احد اللجان بصدفة شفت السايق شايل البت وهي نايمة اموديها للبيت انا بعرف اشلون امهاتهم جذي اليوم انا كلمت ولي امر طالبة وام الطالبة للاسف من اهلي اقول روحو جيبوا بنيتكم تخيلوا اشقالوا الخدامه انزين انتو لوتشوفون البنية تبي امها تجيها بس الام نايمة مو فاضية هذي حال بناتنا بيدين الخدم ابعرف اقلوبهم من شنو

هذول احباب الله وامانه غيركم يدور النعمة هذي وانتم مهملين العيال

بس تدرون الله يحفظ اعيالنا من كل مكروه ويحرصهم الى عينا ماتنام

يرزق الى ماجاب الذرية الصالحة

والله عفيا عليج يالفنانه

انا هالموضوع جدا باط جبدي

احنا بالمدرسه ليطلعنا قبل لا ينتهي الدوام كل اشوف السايق معاه

بنت من الروضه وقاعدين ينطرون اختها بالمتوسط علشان تطلع

لاخدامه معاها ولا هم يحزنون والأخ حاطها بحظنه جنه قاعد يخليها تلعب بالسكان

عصبت عليه ونطرت البنت تطلع من المدرسه واخذت رقم تيليفون امها

بس الحمد لله والشكر عبالكم اهتمت

تقول البيت بعيد مايلحق يودي وحده ويرجع للثانيه الحمد لله والشكر

اول شي الله يحفظ عيالنا من كل شر انشا الله واستغرب ان الناس مع كل اللي يسمعونه هالايام يضل عندهم نوع من الغشامه يعني نسمع بالجرايد شي شبه يومي عن حوادث من هالنوع انا بعيني قبل يوم كنت اوصل اختي الصغيره من المدرسه كان في سايق ينطر بنيه من نفس المدرسه وفي بنيه ثانيه بالروضه بالسياره اتخيلي حدها بكل براءه من الكرسي اللي ورا تحط ايدها على عيونه وتلعب معاه وتسكر على عيونه وكل ساع اتنط من الكرسي اللي ورا وتقعد شوي بحظنه تلعب بالسكان وشوي تروح ورا وترجع تبوسه على خده من غير قصد الياهل قاعد تلعب واهوا عادي عنده لا حسيب ولا رقيب والله قلبي عورني الله يهدي بس اهلهم على الاقل طرشو الخدامه معاهم فعلا هذول امانه برقبتنا وموقف ثاني صارلي مره رحت المستوصف والا هنود متيمعين عمال نظافه والا جذيه هم بنيه متبتبه وامها قاعده ناطره دورها والبنيه كل ساع تروح حق الهنود شتسوي اتسويلهم بيباي وتروح تقعد عندهم بالكرسي يمهم وشكلها مو كاشه العالم الله عندهم سواق بالبيت والام والله ولا التفتت انا يمكن كل ساع قاعده اطالع ترا حتى لو ياهل المفروض الياهل شوي يكش من الشخص الغريب تخيلو ان الام وصل دورها ودشت على الدكتور والبنيه بره تحوس يم الهنود وانا مبطله عيوني ومبهوره بغيت والله اكفخها انتو متخيلين ترا البنيه عمرها يمكن بس ثلاث اسنين ويمكن اقل بعد واي ناس ما ادري وين قلوبها والله يحفظ عيالنا من كل شر ويعينا على تربيتهم

انا بس ابي اعرف شلون ام ترضي تخلي بنتها او ولدها صغار يروحون الجمعيه بروحهم او البقاله ولي طاح الفاس بالرسا صاحوا الويل وحتي لو مع الخدامه يعني تخيلي واحد طق الخدامه طراق وباق الياهل شنو بتسوي اهي بالله

والله انا هالشغله صايره هاجس وياي من الحين اقول حق عيالي لي رحنا الكويت انسوا تروحون بروحكم تري يبوقون

وبعدين هالوحوش وهالحشرات نفسهم دنيه الي يعتدون علي صغار اعوذ بالله
منهم وعسي ربي العالمين يفتك في كل واحد يسوي جذي

وهالظاهره منتشره وايد بالكويت ليش لانه مافي رقابه اسريه للاسف

الله يحفظ عيالنا يارب من كل شر

والله موضوع اليهال مع الخدم شي يعور القلب يوم السبت الي طاف رايحه انا مع اختي سوق السالميه تخيلو ياهل يمكن عمره سنه و نص يايبته الخدامه و السايق الالعاب والله انا طاره عيوني الخدامه شايلته و السايق شايل الجنطه عق ماخلصوا راحوا يطلبون له عشا انا قاعده اراقبهم قلت بشوف يعاملونه زين ولا لا والله انه كسر خاطري لي هالدرجه الام والابو ماعندهم وقت هذا بالله لي سواو فيه شي من يدري عنهم لا يتكلم ولا يفهم و اذا الام و اهو بهالعمر عطاها قلبها اتهيته مع السايق و الخدامه عيل باجر لي صار يفتهم تروالي ماتدري عنه اذا بات بالبيت والله بره

الله يهديهم والله العيال نعمه بس مو حاسين بقيمتها

والله الواحد شيقول السوالف وايد بس ترا مو بس بالخدم في التحرش الجنسي من الاهل الي يكون فيهم شذوذ وممكن اطفال غير سويين انا وحده تصيرلي بروضه مدرسه تقول في اطفال غير سويين يتحرشون في زملائهم وهم غير السوالف الي تشيب الراس في مدارس الصبيان الصغار
لازم الامهات يوعون عيالهم ويعلمونهم ان في طلبه موزينين
انا اخوي عمره 13 ريال يعتبر امي ماتخليه يطلع ويا اي احد ولا يروح ويا ربعه شاليه ولا يروح بروحه ويا احد مانعرفه مادري شلون هالاهل انا ليلحين يكش شعر ينبي من اذكر سالفه الياهل الي ويا امها ومخليه السايق يحط لها التحميله الي حطوها بالجريده عفيه قلب استغفرالله ناس ماتستاهل تصير امهات

امبيه دارين والله ان كنت بقول السالفه لان سامعته من وحده اتعرفهم عدل بس قلت اخاف يقولون اني ابالغ
والله حرام اللي موقد التربيه لااييب اعيال
مشكورين على مروركم وتفاعلكم معانا في هذا الموضوع الحسااااااس

امبيه انصدمت

عالاقل بتوصيل المدارس ييبون خدامتهم معاهم

فيه ناس ما أدري بلاده والا عدم أحساس
تعالو شوفو عندي بالروضه
واااااااااااي كله خدم وسواق يآخذون هاليهال والمشكله يهال يعني أول ما يوصل السايق يركض له الياهل يقص له شنو صار وشنو عطيناهم بالروضه وأذا عنده شغله وراه
لدرجة الوجبه اللي يآكلونها كان عندي ياهل يقولي بآخذ حق سايقنا عشان يآكل أذا يا ياخذني
والله العظيم شر البلية ما يضحك

والله انا يعورني قلبي لي رحت ماكدونالدز ولا الالعاب
كله يهال مع خدم وسواق هذا غير الخدامات الي معاهم تليفونات
ويهدون اليهال ويواعدون شي يعور القلب الصراحة
اصلا حتى اليهال مساكين يحاولون يلفتون انتباه زوجي لانهم مو حاسين ان عندهم ابو ولا حاسين بالحنان