التبول الليلي

السلااااااااااااااام عليكم ورحمة الله وبركاااااااااااته عزيزاتي

حبيت اسأل سؤال وياريت تفيدوني بالرد الشافي انشاءالله

في ولد عمره 10 سنوات ويتبول بالفراش ليلا فقط ويقول انه ما يحس اذا تبول بالفراش

على فكرة ترا اهله ودوه الطبيب وكان رد الطبيب هذا الشي يلازمه للكبر مادري صج هالشي ولا لأ

ولا قايل لهم الطبيب ماله داعي يشرب مشروبات من بعد الساعة 7

وكل ساعتين وهو نايم الطفل تقعدونه يروح الحمااااااام " وانتو بكرامة "

تعتقدون ان هذا حل أو علاج للطفل بالذمة

وسمعنا ان في وايد اطفال تعالجوا من هذا الشي

اماااااااااانة بناااااااااااات اللي عندها خلفية بالموضوع هذا تفيدني حتى ابلغ امه بالامر وتوديه لأحسن دكتور معالج

بصراحة امه وايد متأذية من هالسالفة

لان الطفل يكبر والحالة معاااااااااه تكبر

واكوووووون شاكرة لكم اذا افيدتوني بالجواب او عن طريق دكتور معالج شااااااااطر ممكن الأم تودي طفلها وتعالجه

هلا اختى

عادى السالفه مو كبيره لهدرجه !!

انا اتكلم من تجربه صارت لناس ,,يمكن الولد وايد يخاف او حساس زياده

اذا سوووا له الفحوصات اللازمه وما عنده خلل بالجهاز البولى ,, تكون السالفه نفسيه!

مو اكثر ! يقلل من شرب السوائل بالليل ويروح الحمام قعدوه بالليل اكثر من مره الا ان يعود

وخل تحاول الام تلمه وتطمنه وما يعايرونه هى مشكله نفسيه يمكن عندهم مشاكل كله هذى السوالف

تاثر على نفسيه الولد,,

وطمنيها ان شاءالله هالمشكله تروح مع الاهتمام الزايد بالولد وتحسسونه بالامان شويه ,,

تسلمين حبيبتي

عالمروووووووووور

ياريت تفيدوني بنااااااااااااااات اذا في دكتور معالج خااااص بعيادة خااااااااصة عشان يودون الطفل

واكوووون شاكرة لكم

الحين فى نظام يديد فى مستوصفات وزارة الصحه

حاطين عيادات للتبول الا ارادى ,,

مشكوووورة حبوبة نجد

الام ودت ولدها المستوصف وهذا كان ردهم ان مافي علاج الا اللي ذكرت باول الموضوع

ومشكورة حبيبتي

الحمدالله

الله يطمنها ومشكوره عالتواصل ,,

وصدقينى اهوا يمكن خايف او مو مطمن من شى ,,خل تعطيه اهتمام اكثر

السلام عليكم
حبيت أقول للأخت اللي يعاني ولدها من التبول اللاإرادي إن هناك علاج ناجح جدا بالأدوية وهو دواء المينيرين الدوا موجود في عيادات التبول اللاإرادي في بعض المراكز الصحية
أعرف وحده ودت ولدها مركز الصقر التخصصي ووايد استفاد من العلاج وانقطع عنه التبول اللاإرادي
طفلج كبير بالسن والأفضل إنج تعالجينه

تسلمين حبيبتي نجد على تواصلج معااااااااااااي

وانتي بعد دندش مشكورة وجزاج الله الف خير

وبلغت الام وتشكركم وايد

رفع

رفع

يامعوده 10 هيّن

عندنا من خيّاتي 13 وللحين للاسف هذا من النفسيه

ازرينا فيه بس ماكو فايده

والظروف الي بالبيت الي تعبْته يصير فيه جذي

ولله يشافي مرضى المسلمين

اذا عرفتي حل خبريني

حبيبتي انا صيدلانيه واشتغل في احد الوراكز الصحيه وعندنا عيادة التبول الا ارادي ويكون في علمج انه فيه رياييل كبار عمرهم بالخمسين وحريم كبار نفس المشكله عندهم مو بس الاطفال هاذي المشكله شايعه بالكويت وحلها الوحيد تنظيم شرب السوائل مثل ما قالوا واخذ العلاج الي اهو المينيرين قبل النوم ب نص ساعه وراح يلقي نتيجه حلوه خلال 6 شهور بالكثير والتهاون بالعلاج راح يزيد المشكله ويعقدها لانه راح تكبر معاه وتاثر علي نفسيته زياده عشان جذيه انصحج انه تودونه للمركز الي انتوا تابعين له عشان يحولكم علي عيادة التبول الاارادي وخلج من الدكاتره الخاصين لان ما عندهم زود واذا فيه اي استفسار انا حاضره

احسه عادي احيانا يصل العمر 13وهو يتبول
ويشفى ولله الحمد

اعرف وحده كان فيها و كانت تراجع و ما قعد يفيد معانا لانه سببه كان نفسي
و تمت جذي لي الثنوية يالله الي بروحها صارت زينه
يعني اذا كانت المشكله نفسيه حاولوا تعرفون اذا كان خايف من شي خليه ينام و اهوا متطمن و مرتاح
او اذا في شي مضايقه
و عموما بالحالتين اذا كان شي عضوي او نفسي لازم تراعونه و ما تجرحونه بالكلام و ما تحسسونه بنقص و تحرجونه عشان ما تكبر المشكله عنده , و اهوا صج انه مو حاس بس همن ايله شعور بالذنب خاصه اذا حس انه الي حولينه متضايقين
و الله يشافيه

8

ئيه التبول مشكله نفسيه >>اصلا معروف حتى الاطبا النفسيين يقولون هالحجي

مشكوووووووووورة حبيبتي

وبلغت امه وتشكرج واااااااااااايد