|
وتعرف كلمة التبول الا إرادي بانها عدم المقدرة على التحكم في التبول بعد سن اربع سنوات حيث ان الطفل يكتسب المقدرة على التحكم في التبول بين سن 2-4 سنوات. ولذا ترتبط هذه المشكلة بالأطفال فوق سن الرابعة. وهناك نوعين من التبول الا إرادي:
النوع الأول: تبول لا إرادي أولي، وهو تبول لا إرادي منذ الصغر، اي ان الطفل منذ ولادته حتى عمر فوق اربع سنوات لم يتحكم نهائيا في التبول، وغالبا ما يبل الفراش. وهذا النوع يمثل 80% من الحالات. وقد يكون التبول الا إرادي يحدث اثناء الليل، وهو الأكثر شيوعا والأكثر قابلية للعلاج والتحسن. وقد يكون التبول الا إرادي ليلا ونهارا. وهذا النوع قد يصاحبه ايضا عدم التحكم في البراز وهو صعب العلاج.
ومن اسباب هذا النوع من التبول الا إرادي الأولي:
1- تأخر في البلوغ. وهو الأكثر شيوعا ويحدث بنسبة 20% من الأطفال عند عمر 5 سنوات، وبنسبة 10% عند سن 8 سنوات. وهو اكثر شيوعا عند الأولاد عنه عند البنات. وكذلك اكثر شيوعا لدى الطفل الأول (البكر) وكذلك يوج عند من لديهم تاريخ بنفس الأسرة للأب بنسبة 30% والأم بنسبة 20% وكذلك للأخ، أو الأخت الكبرى.
وهذا النوع يزداد تدهورا بالعقاب النفسي والجسدي من الأبوين والأخوات ويتحسن بصورة ملحوظة بالتشجيع والتفهم.
2- الأسباب العضوية: يحدث التبول الاإرادي في حالات التخلف العقلي والعيوب الخلقية في منطقة الحوض مثل الفقرات القطنية والعجزية المفتوحة وأورام النخاع الشوكي، والغيوب الخلقية للمثانة، وهذا النوع يكون شديد الأعراض وغالبا اثناء النهار.
النوع الثاني: التبول الاإرادي الثانوي، حيث تكون هناك فترة من التحكم في البول إراديا لا تقل عن ستة اشهر ثم يصاب الطفل بعدم القدرة على التحكم في البول إراديا. وهو غالبا يحدث ليلا ومن اسبابه:
1- التوتر النفسي للأطفال، مثل وفاة أحد الأبوين، أو ولادة طفل جديد بالأسرة، أو الإنتقال الى منزل جديد، أو من مدرسة لأخرى، أو الصراع الأسري بين الأم والأب.
2- اسباب عضوية مثل التهاب مجرى البول، والفشل الكلوي، واختلال املاح الدم، وامراض السكري وغيرها. وهذا النوع يمكن شفاءه بعلاج السبب.
والخلاصة أن التبول الاإرادي يحتاج تفهم من الطبيب والأسرة للحالة العامة للطفل مع إجراء فحوصات شاملة لتشخيص الحالة مع الفحص السريري الجيد عند الزيارة للطبيب.
لاكن اذا كان طبيه تتعالج…
واذا كانت حاله نفسيه تقدرين اتحاولين تعرفين المصدر وتتجنبينه او تلقين لها حل….
بس اصعب شيء حق الطفل نفسه يعني مرات الامهات يعصبون لما يعرفون ان واحد من عيالهم بلل الفراش وردة فعلهم تكون شديده وجافه,وهذا له تاثير على الطفل…طبعا في هذا الوقت احسن طريقه انج اتكلمين الياهل بحنان وتقولين له ميخاف ماصار شيء ….او لما الياهل صعب عليه ان ينام عند احد بسبب هذي المشكله..لان اليهال راح يضحطون عليه او حد يقل كلمه يجرحج انتي والطفل….
طبعا مثل ماقال المثل ..اهل فيلجا ماخلو شيء….وانا اكلم وحده من الخوات عن الموضوع تكلمنا عن شغله يمكن الكل يعرفها بصراحه كنا انقول ياريت كانت موجوده على ايامنا….وهي خاصه حق الاطفال اللي عندهم هذي المشكله هي عباره على صروال بس نفس الحفاضه
….بصراحه هذا بحل مشاكلج بس طبعا مؤقت بذات اذا اليهال بنامون عند احد او احسن ماتغيرين الفرش كل يوم….اسمها Pull-Ups على الاقل ترتفع معنويات الياهل وشوي شوي تروح المشكله انشاءالله …..
هذا الموقع وتقدرون اتشوفون الصروال اللي اتكلم عنه
https://www.goodnites.com/na/producti…fo_aboutgn.asp
وانشاءالله يارب اتكون المعلومات مفيده لكم……
شلونكم حبايبى انشالله بخير ؟؟………..
يعطيج العافيه على هالموضوع الحلو ………
وهذى مشكله ازليه ابديه ……..
بس اهم شى انه الام تهتم فى الطفل نفسيا لانها حاله نفسيه انشالله تكون خفيفه وسهله..
ومايكون فى عقاب لاانه مو منه هالشى.
والشى الثانى وانشالله ينفع ان الطفل قبل النوم ما يشرب سوائل وايد ولازم يروح الحمام قبل النوم
وبانسبه حق السروال اهو موجود حاليا لحين وموجود فى الاسواق
بس شوى غير ……
ودمتم
اللهم ارزق المؤمنين والمؤمنات الذريه الصالحه
انا بنتي عمرها 9 سنوات ومدوختني حيل هالسالفه
وديتها الدكتور فحصها قال مافيها شي
بس قللي سوائل بالليل …. جربت ماكو فايده
عطاني حل ثاني .. قالي ييبي دفتر صغير وستيكرز على نجوم.. واليوم اللي عز الله السامع مااتبول فيه اهي بنفسها تلصق الستيكرز على صفحه فاضيه .. واليوم اللي عزكم الله تسويها تحط لنفسها اكس …
قلت يلله نجرب ..
اول يوم ثاني يوم اسبوووووووووووع 10 ايام ملت البنت
وقالت ماما شنو هالسخافه
ماشفت نتيجه ابدا ..
بس يابنات عند حريم اول في علاج شعلب اكيييييييييييد ياريت تسألون لي امهاتكم يداتكم الله يخليهم لكم ..
عشان نستفيد
ومشكوووووووورين عالموضوع
السلام عليكم ورحمه الله وبركاته ………
شلونكم حبايبى انشالله بخير ؟؟……….. يعطيج العافيه على هالموضوع الحلو ……… وهذى مشكله ازليه ابديه …….. بس اهم شى انه الام تهتم فى الطفل نفسيا لانها حاله نفسيه انشالله تكون خفيفه وسهله.. اللهم ارزق المؤمنين والمؤمنات الذريه الصالحه |
هلا والله اختي شهد..اي صح كلامج…وعن الصروال شويه يخفف عن العذاب اللي الياهل يمر فيه والام
انا بنتي عمرها 5 سنوات ونص تعاني من هالمشكله تعبت منهامابقا شي ماسويته والحين اراجع فيها في عيادة التبول اللاارادي في المستوصف وقاعده تاخذ حبوب بتخلص الحين الكورس الثاني وماكو فايده
|
هلا والله اختي عنايد….مدام مانفع من اول مره خلاص لاتعطينها حبوب…امي مشاءالله عليها اتعرف في الاعشاب وعندها كتب خلي اقراه باجر وشوف شنو فيه…يديتي الله يذكرها بالخير كانت تعطيني قبل لا انا قفشة سمسم بس مااذكر اذا سوى اي شيء…مشكلتي بروحه بيوم وليله راحت
كيف الحال والله ما ادري شنو اقول لج يا أختي ضيعتني على هذا الموضوع الذي يؤرق الكثير من الأمهات وأنا منهم حيث أن ولدي الكبير ما يزال في هذه المشكلة ما خليت شيء من ترغيب وتحفيز مكافءات ما نفع أي شيء حتى الطبيب قال ما فيه شيء عضوي ولله الحمد لكن المشكلة في النوم عند أي احد وريحتين الله يريح بالج لأني ما وجدت احد يرفع من معنوياتي كنت اخليه يلبس الكلوت عشان ما ينحرج ولا يوسخ الفرش طبعا هذا الشيء مؤقت لين الله يخلصه منه اما أختي عنايد شنو اقول لج عن موضوع الأدوية التي تضر اكثر من نفعها لأن اعرف واحد كان ابوه يراجع به الطبيب ويعطيه ادوية متنوعة واذا ما نفع راح لطبيب اخر والولد حقل تجارب لين ما اصبح سمين سمنة غير طبيعية من كثرة الادوية وأنا اقول عندج وعندي خير لكن ابعديها عن الادوية وانشاء الله ما عليها ألا كل خير
|
هلا والله اختي سراب…والله هذي مشكلة في كل مكان وكل يوم قاعدين يطلعون شغلات اخفف على الياهل وامه…يعني مو حل نهائي بس شيء احسن من شيء
صباح الخير معليش حبوباتي أنا أن شاء الله بروح للعمرة وافكر اثناء تأدية العمرة اخلي عيالي يلبسون الكلوت التي تقول عنه الأخت ضيعتني لعدة اسباب انشغالنا بتأدية مناسك العمرة وايضا تكون دورات المياه بعيدة لأنها خارج الحرم وايضا الأطفال ما يتحملون لين تخرج لأن تأدية العمرة يبي له وقت على الأقل ساعة وايضا لتجنب تنجيس الحرم هذا ما بغيت اقول لكم
|
اتروووحين وتردين بسلامه انشاءالله…صح كلامج مرات تكرمين الحمامات بعيده حيل او زحمه…
السلام عليكم
انا بنتي عمرها 9 سنوات ومدوختني حيل هالسالفه وديتها الدكتور فحصها قال مافيها شي بس قللي سوائل بالليل …. جربت ماكو فايده عطاني حل ثاني .. قالي ييبي دفتر صغير وستيكرز على نجوم.. واليوم اللي عز الله السامع مااتبول فيه اهي بنفسها تلصق الستيكرز على صفحه فاضيه .. واليوم اللي عزكم الله تسويها تحط لنفسها اكس … قلت يلله نجرب .. اول يوم ثاني يوم اسبوووووووووووع 10 ايام ملت البنت وقالت ماما شنو هالسخافه ماشفت نتيجه ابدا .. بس يابنات عند حريم اول في علاج شعلب اكيييييييييييد ياريت تسألون لي امهاتكم يداتكم الله يخليهم لكم .. عشان نستفيد ومشكوووووووورين عالموضوع |
هلا والله اختي ام عيسى….الله يهديج سالفة الستكرز هذي حدها قويه لان كانج اتقولين حق بنت تري انتي السبب وتقدرين تتحكمين بشغله.. هذا الدكتور اي شيء اللي عطاج الفكره….
والله انا قلت حق اختي عنايد يدتي كانت تعطيني سمسم بس باجر اسالج امي اتعرف وعندها كتب اعشاب…بس الحين الساعه 3 الفجر والكتب في غرفتها…باجر بأذن الله اكلمها واشوف الكتب….
وانا ضليت لي 13 سنه عني هالمشكله…وبعدين بروحها راحت بيوم وليله على قولتهم….
وامي عندها كتاب اسمه الغذاء لا الدواء حق الدكتور صبري القباني يعطيج فوائد الاكل وشنو تشفي بس ادري بتضحكون بس مو عارفه اقراه …
اذا وحده تقدر تحصله لان والله امي دائما تستخدمه…
والله اسفه ماقدرت الاقي لكم شيء