|
|
السلام عليكم بنات
انا عندي سؤال محيرني البيبي متى بيبن بالسونار
انا كنت لمن احمل من اول ماتقطعني الدورة كنت اروح عند الدكتورة وكل شي يبين
بس صديقتي صاير معاها شغلة غريبة
الحين اهيا حامل ب5 اسابيع وبالسونار ماكو حمل لا بالسونار الداخلي ولا الخارجي ومعاها نزيف خفيف وهرمون الحمل مرتفع شوي
بس بالسونارات الداخلي والخارجي مافي اي اثر حق حمال
هاللي مستغربين منه الدكاتر
اكو وحدة فيكم مرت عليها هالحالة؟؟؟
خل تتأكد لا تستعجل ..
ماعندي فكرة حبيبتي.
الله يكتب لها الي فيه الخير.
مدام التحليل مرتفع كل شي زين
سااعات ما يبين الجيس لان 5 اساابيع وايد امبجر علي الجيس
انا اقول تو الناسسسسسسسسسسسسس خل تنطر شهرين لان بعضهم مايبين الا ببعد شهرين
اللي أعرفه إن الدكاتره إذا ماشافوا شي بالسونار العادي ينطرون اسبوعين وبعدها يردون يسوون سونار وإذا مابين شي بعدها يسوون سونار داخلي يتأكدون، أنا صار معاي بحملي الأول مابين بالسونار العادي وقالت لي الدكتورة ردي بعد 10 أيام وبسويلج سونار عادي إذا مابين بعدها أسوي سونار داخلي بس الحمدلله بعد 10 أيام بين بالسونار العادي.
انا اول حمل لي كان يبين جيس البيبي بس بدون بيبي بس كانت عندي مشاكل لان هم هرمون الحمل وايد نازل وانطروا علي لي الشهر الثالث بس اخر شي سوولي تنظيفات
انتي تقولين هرمون الحمل زين
هالشي صار فيني بحملي اللي الحين بين اني حامل بالتحليل بس لما سوولي السونار تقولي الدكتورة انتي متأكدة انج حامل ؟؟؟؟؟؟؟؟؟؟ ماكو بيبي !!!!!! كلش ماكو اثر للحمل بالسونار
بس بعدين تبين ان البيبي كان حييييييييييييييييييييييل نتفة وفي اول مراحل التكوين لدرجة انه مو طالع بالسونار وشهر ورا شهر الحمدالله قام يبين
فلا تحاتي وخل تنطر على روحها
انا راح اطمنها
بس اهيا تقول حتى بالسونار الداخلي مو مبين شي لابيبي ولا حتى جيس بيبي
ولا شي مولية
الله كريم
انا اول ما حلمت رحت حق الطبيبه وسوت سونار وما بين شي وعطتني موعد بعد اسبوعين
بس الحين قمت احاتي ان شاء الله ما في الا العافيه
انزين شلون اعرف انا باي اسبوع ؟؟؟
انا اخر دورة كانت 23-9
اذا طلع لها حمل خل تصبر توها 5 اسابيع حامل يعني خل تصبر بالاسبوع 6 تجرب بس اذامابين معهم شيء خل تسوي سونار بلاسبوع 8 او 10 لان خلال هالفتره راح يبان واذا مابان شيء معناه في شيء موطبيعي…ان شاء الله خير…
وسولي سونار داخلي ما له اثر وطلع خاارج الرحم مو تسكت على عمرها وتنطر اسبوعين على الاقل خل اتجيك كل 3 ايام
علشان اذا ماكو جيس والهرمون همن يرتفع اتلحق على عمرها قبل مايصير شي لا سمح الله انا سولي عملية منظار وشالو الجنين لاني تأخرت اشويه ولو بالبدايه جان ينزلونه بأبره ..