|
|
السلام عليكم ورحمة الله وبركاته شلونكم بنات شخباركم والله اني اشتقت لكم كثير بنات الله يخليكم ابي اسالكم عن اللي تولد بالثامن يعيش البيبي ولا لا وانا ادري ان كل شئ بارادة الله بس احد مر بهالاتجربه او احد من قرايبه مر فيها لآني راح اولد بقيصريه قبل التاسع لازم الله يخليكم جاوبوني بسرعه لاني احتمال ادخل المستشفى هالاسبوع
انا دشيت بتأكد شنو تقصدين بسؤال الحين فهمت عليج .. والله ماعندي فكرة
بس اتوقع دكتورتج بتكون أكثر وحده تقدر تساعدج لو مافادوج البنات " أشك "
دعواتي القلبيه
في بعض المستشفيات (طبعا مو بدولنا) تولد رسمي بالاسبوع 22
ومره رفيجتي ريلها طبيب خدج بكندا عاشت على ايده وحده والده بالاسبوع 18 داشه 19
بالشهر الثامن اعرف وحده ولدت وطلعت من المستشفى معاها ولدها حتى ماخلوه ولا احتاج عنايه مركزه ولا شي
واعرف وحده انفجرت عليها الدوده الزايده ايام السبعينات ويابت ولدها وزنه 750 جم
والحين ولدها أبو ماشاء الله
وسمعت دكتوره تقول اذا عدى الحمل 28 اسبوع معناته مامنه خطر ان شاء الله
وانتي اذا خايفه قبل لا تولدين طلعي صدقه (عشر دنانير او اكثر او اقل) كثر ماتقدرين وانويها دفعة بلاء
وماراح يصير شي وان شاء الله تطلعين من المستشفى والبيبي وياج ومافيه الا العافيه
ياما حريم ولدوا بالسادس و عاش البيبي
واللي الله سبحانه كاتب له عمر بيعيييييييييش لو شنو يصير
انا ولدت اخر الثامن تقريبا
والحمدلله البيبي طلع كاامل والكامل الله
ولا احتاج يقعد بالمستشفى و طلعوه معاي ثاني يوم
خلي ايمانج بالله قوي
وامي ولدت اخوي الصغير بالثامن وكاهو اسمالله عليه اشزينه واشحلاته وطبيعي وحاله حال اليهال مع انه حطوه بالحظانه شهر تقريبا لانه حجمه كان وايد صغير
جنه قطو نونو والحين يهبل اسمالله عليه برابعه ابتدائي لا تحاتين يا قلبي
البيبي يعيش احتمال يحطونه بحضانة
واحتمال يخلونه عادي
أنا اختي ولدت بالثامن
وماشاء الله عليه بنته كان ما فيه الا العافييييه
والله يقومج بالسلامة يارب
اختى والده بالسادس والحمدلله ما فيه الا العافيه
والله يهون عليك ويقومك بالسلامه
وكاهي مرة الحين بالابتدائي الله يحفظها….
ماكو الا العافية وعليج بالدعاء ,,وتقومين بالسلامة ان شاالله انتي والبيبي
تطمني ماكو الا الخير
وطلع معاي 3 يوم
بس بنات اعتقد البنيه ولدت الموضوع قديم
إحنا وكيلتنا ولدت بنتها بالشهر الخامس وماشالله
الحين بتتزوج وتتمتع بصحه ومافيها أي شي