|
|
صباح الخير بنات اذا ممكن احد يساعدني
بنات انا ممرضه وتوني مكمله سنتين رحت الديوان قالوا ل ما يصير انقل مكان ثاني الا بعد ما يمر علي 5 سنسين
طبعا انا ما بي هالوظيفه تعبت 
عندي شهاده كمبيوتر تخصص مواد تجاريه
ورحت بنك الوطني وقالوا لي لازم تكونن مشتغله سنتن قطاع خاص صج ولا بس تصريفه؟؟
بنات اقدر انتدب وزاره ثانيه بعدين انقل ولا لازم 5 سنين وفي بنوك ثانيه تقبلني ولا لازم اكون مشتغله بقطاع خاص سنتين ؟؟؟
بنات لاحد يدخل وما يساعدني اللي ترد علي والله ادعي لها باللي تتمناه …..
بس كل شي واسطه
قدمي على بنوك ثانية .. انا اشتغلت قبل في بنك .. و بعدين طلعت منه .. و وظفوني و انا توني متخرجة مو مشتغلة قبل
الله يوفقج ان شاء الله
|
المشاركة الأصلية كتبت بواسطة فز1عه
 انشالله البنات يفيدونج
بس كل شي واسطه |
الله يوفقج انشالله ويعطيج مرادج صج كل شي بواسطه
بس اللي ما عنده واسطه ؟؟؟؟؟؟؟؟
|
المشاركة الأصلية كتبت بواسطة NeloFaR
ما عليج منهم حبيبتي .. لا سنتين و لا شي
قدمي على بنوك ثانية .. انا اشتغلت قبل في بنك .. و بعدين طلعت منه .. و وظفوني و انا توني متخرجة مو مشتغلة قبل الله يوفقج ان شاء الله |
حبيبتي مشكوره والله يوفقج بس ممكن اعرف ليش طلعتي انا ودي اروح بنوك بس ابوي دايما يقول انه ما يصلح لي.
|
المشاركة الأصلية كتبت بواسطة او علاوي32
حبيبتي مشكوره والله يوفقج بس ممكن اعرف ليش طلعتي انا ودي اروح بنوك بس ابوي دايما يقول انه ما يصلح لي.
|
انا عن نفسي ابي بنك اسلامي .. و انا كنت بالبنك التجاري
الدوام رزة و محترم و المعاش حلو و يمر عليج الناس الوان و اشكال .. و حسب الفرع او المكان اللي انتي فية
بعضهم شغل خفيف .. و بعضهم موووت زحمة ناس و شغل وايد
و ترى مسؤولية مو هينة .. يعني تمسكين فلوس و بعهدتج صندوق خاص و تصرفين شيكات
يعني شغل دقيق حيل و مسؤولية كبيرة .. فوق هذا مطلوب منج عدد معين من القروض و الودائع و الحسابات و كروت فيزا و ماستر .. لازم تييبينهم اسبوعيا .. يعني تخليين ناس تاخذ قروض منج او تقنعينهم يفتحون حساباتهم و يحولون رواتبهم عندج .. و اذا ما يبتي المطلوب انتي بنظر البنك ما منج فايدة !
يعني اهم شي التسويق
البنك اهم شي التسويق .. و تقييمج يعتمد عليه ..
غير انج نهاية الدوام .. لما تيين تسكرين صندوقج و تسويين الاحصائية .. سبحان الله غلطتي برقم و الا بالغلط عطيتي عميل فلوس زايدة .. ناقصة .. تكملينها من عندج .. !!
مثال صار معاي انا : دخلت بحساب عميل 400 دينار .. و مع اللوية و الزحمة كررت العملية و بالغلط دخلت لحسابة مرة ثانية 400 .. آخر الدوام ناقص صندوقي 400 دينار .. طبعا انا ما شلت الفلوس بيدي .. يعني كلها ارقام بالكمبيوتر ..اشلون راح اعرف وين الغلطة من بين مئات المعاملات اللي سويتهم طول اليوم … تعالي اخذي زفة من المدير و يقعد اهو يدور الغلطة بكل الوصولات اللي سويتهم طول اليوم .. و تعطلينه عن طلعت الدوام و يكرهج و يكرة الساعة اللي غلطتي فيها ..
و لو ما لقى المسؤول الغلطة كنت راح ادفع ال 400 من عندي .. و نفس الشي صارت مع زميلي بس المسكين غلطان ب 1700 .. و آخر شي اكتشفوا ان السستم اهو اللي غلطان .. طبعا هالحجي من الصبح الى 11 بالليل و اهم يحاولون يفهمون وين صار الغلط ..
طبعا هذا غيض من فيض و هذي امور تعودنا عليها مع الخبرة صرنا ما نغلط بسهوله
و الله ما ودي اسوي لج احباط .. بس شغل البنك مو سهل و يحتاج مخ مفتح 10 على 10 