|
|
السلام عليكم ورحمة الله وبركاته
اهلين حبايبي
الصراحة انا ابي اعرف اكثر عن البنج ومته يصير خطر والي لها تجارب مع البنج بليز تقول لنا
انا جبانه واخاف من كثر ما اسمع انه مب زين بس ابي اعرف مته يصير مب زين ومته دكتور البنج يخربط
يعني هل كل ماطالت مده البنج تزيد الخطورة وله شلون
حدي متضايقة لاني ما اقدر اخذ قرار بسبب هالخوف
|
المشاركة الأصلية كتبت بواسطة نواعم البحرين
 السلام عليكم ورحمة الله وبركاته
اهلين حبايبي الصراحة انا ابي اعرف اكثر عن البنج ومته يصير خطر والي لها تجارب مع البنج بليز تقول لنا حدي متضايقة لاني ما اقدر اخذ قرار بسبب هالخوف |
هلا حبيبتي …. يعتمد شنو عمليتج اذا عمليتج تحتاج وقت طويل فالبنج تكون كميته اكثر
انا عن نفسي سويت عمليه حق ايدي خذت ساعتين تقريبا لما صحيت بس كنت دايخه ما فيني شي غير الدوخه
وينكم بنات بليز شجعوني
البنج الكلي آمن بشكل عام اذا تم التخدير على يد طبيب متمرس وماهر بالاضافه ان المواد اللي تستخدم الحين افضل علميا من المواد اللي استخدمت في العشرين السنة اللي طافو وكل مادة تخدير سواء تحقن بالوريد او من خلال الشم لازم تنضاف لها نسبة اكسجين لانه بدونه الجسم مايتحمل غير 3 دقايق بعدين يتوقف كل شي و طبعا نسبة الاكسجين تنحط بدراية و معرفه تامه والمواد صارت سميتها اقل من سابقتها .. نسمع عن ناس اثر فيهم البنج الكلي بشكل سلبي سواء مضاعفات طارئة وسريعه الزوال او مثلا اجهاد للجسم مزمن بحيث يمكن مايقدر يتخدر كليا مرة ثانيا في عملية اخرى او مثل ما نسمع الوفاة لا قدر الله و تكون اسباب الوفاة متعددة منها ان الفحص قبل العملية ماتم بدقه والتحاليل مااندرست بعناية فا ماكان في تشخيص سليم يمكن الانسان يعاني من امراض في القلب و الشرايين و الدم و كذلك السكري وامراض عصبيه ومع هذا مايتم تشخيصها بالصورة المطلوبه ولاااا في الدول الاقل من المتواضعه يمكن حتى تشخيص مايسوون على طول موعد ثم العمليه هاذي احدى الاسباب ومن الاسباب الاخرى باعتقادي طهارة المكان و نظافته و حسن التعقيم تدرين المكان اللي غير نظيف يكون بيئة للجراثيم والفيروسات الخطيرة فا ممكن اثناء العملية ومع فتح الجرح تنتقل جرثومة يمكن تسبب متلازمة صدمة سمية لا سمح الله او اي نوع من الصدمات ! و بعد حبيت اضيف ان عدم وصول الاكسجين بصورة مناسبه للمخ يكون سبب اخر بحيث يقفل المخ وو الله يسلمج العمر والوزن مهمين ويمكن يصير خطأ بمقدر الجرعه و تكون زايده والاخطاء البشرية وارده و مدة العملية كل مازاد الوقت كان الوضع حساس اكثر بس كا ياما ناس عمليتها بالـ 5 ساعات والحمدلله قامو متعافين بدون اعراض الزبدة لازم تختارين المكان الصح من ناحية النظافة والتعقيم والدكاترة المتمرسين و ماتلجئين للعمليات اللي فيها بنج عام الا للضرورة لانه البنج عليه كلام من الناحيه الشرعيه والله يسهل لج امورج و يطمن قلبج و يوفقج و سامحيني هذا اللي اعرفه وانشالله باجي البنات يفيدونج
انا 4 ساعات ونص والحمد لله ما حسيت بولا شى
انا لا حظت شغله بولدى قبل 10 سنوات قيصرى اذكر حطولى كمام وخدرت على طول
عمليتى قبل فتره طقونى ابرتين قلت حق شنو قالو ريلاكس وعقبها خدرت ما شفتهم حاطين كمام
اتوقع والله اعلم ابره بنج
واربع ساعات مو هينه ما حسيت بدوخه ولا ترجيع ولا بلغم
سالى يمكن فيه ابره بدل الكمام
اهوا صح مرات يغلطون بس ترى اغلب المرات كل شي يمر تمام
اول عمليتين حق عيوني اعتقد كانوا ساعتين او اقل وبعد 6 ساعات صحييت وكنت تمام
بس عمليه السليف طولت 4 ساعات و اذكر طول اليوم كنت مدروخه
ولالالا تخافين انا مره خدرت مريض واايد سهالات ترى و العمليه بسيطه جدا ودكتور التخدير راح يقعد يراقب نبضج و دقات القلب والتنفس و اي شي صار لاقدر الله راح يتدخل بسرعه توكلي على الله انا كانت عمليتي تكميم معده مدة العمليه ساعه وحده بس بعدها قعدت 3 او 4 متخدره وبعدها عادي صحصحت فمافي مشكله حبيبتي لاتخافين