البنت تروح لجارهم وزوجته ماهي فالشقه

كيفكم بنات اتمنى تكونن باحسن حال بادخل فالموضوع على طول لان مافيني صبر ومخي وقف عن التفكير من القهر والكلام اللي يغث اللي عرفته

الله يسلمكن دقت علي وحده من صاحباتي ايام الكليه البنت حبوبه وطيوبه وانا دايم اروح لهم بحكم ان اهلي فمدينه ثانيه البنت قالتلي كلام يشيب تقول اختها تروح لجارهم اذا زوجته طلعت من الشقه بافهمكم الموضوع هم ساكنين بشقه والشقه اللي مقابلتهم جارتهم عندها بنت وولد وحليوه دايم تجي عندهم وعليها جمال ودلع يجنن وزوجها مدلعها ومايدري اش يسوي عشان يرضيها سفرات وطلعات وخدامه مسوي لها كل شي ماشاء الله الكارثه ان جارهم دخل مزاج اختها الصغيره -اخت البنت اللي كلمتني -واختهامبين عليها استغفرالله وحده رايحه فيها عكس اختها الموووووهم البنت كشفت اختها وهددتها انها بتقول لامها وابوها اش ردت اختها مااااااااااااااااعلي منك احبه وجبت راسه فالبدايه طنشني بس لعبت عليه لين جبت راسه وابيه وهويبيني وبيخطبني قريب هذا فرصه وعريس لقطه ومااحد يرفضه ياويلي اش هالكلام صاحبتي هذي راحت وعلمت امها على اختها قالت الام زين عساه يخطبها رجال وعنده فلوس وبيدلعها ماتشوفينه وش مسوي لزوجته مايدري وين يوديها انا انصدمت ماعلقت يالله بنات ليييييه كذاهالبنت مالقت غير هالمتزوج حراااااااام عليه وجارتهم وتحبهم وكل مااشوفها عندهم تجيب حلا وغيره وماتدخل بيدها فاضيه عليهم ليييييييه مبسوطه مع زوجها وجات هالبنت وخربت عليها والله يابنات ودي ابكي الدنيا مافيها امان وزوجها اللي يحبها ويدلعها ليه يسوي كذا ومع بنت جيرانه وهي ماتجي ربع جمال زوجته بنت من وجهها استغفر الله تحسينها ضايعه -يارب استغفرك قاهرتني وامها اش هالرد اعوذ بالله ليه حاسدين هالجاره المسكينه على هالزوج وعلى هالحياه فيني قهر يابنات ودي الخبر يصل زوجته ان هالبنت تجي عند زوجها وهم مستغفلينها تصير الخيانه فبيتها وهي ماتدري فكرت امسح رقم صاحبتي ولاعاد اسال عنها ولا اجيهم والله خفت ابي رايكم بنات لاتقصرون

اعذروني بنات على الاسلوب احس اني متخربطه من الكلام اللي قالتلي

ياربي….

معقوله الزواج صار مجرد رحلة صيد في الغابة!!!

اي احد يعجب اي احد ياخذه بطرق ملتويه و بدون اي اعتبار لغيره شنو هالانانية!!!

شلون تفكير البنت صار جذي الا من تأييد الام

لا حول ولا قوة الا بالله

بس شلون الام و البنت يدرون ان الزوج مدلع مرته و يسفرها و مريحها؟؟؟؟!!!!

لان الناس لو ما عرفت هالشي جان ما طمعوا فيه…………..

هذي نقطة لاخواتي لا تمديحن ريلج لاي مخلوق

شلونك شخباركم ……….تردين ماشي الحال الله يصلح حالنا وحال كل مسلم

لان بعض شياطين الانس اعصى من الجن…….يقعدون يفكرون بخبث لما يدمرون حياة غيرهم

قهر

اي شي

لا حول و لا قوة الا بالله سالفتج ضيقت خلقى صح كلامج الدنيا مالها امان و الطعن بالظهر كثر هالايام حسبى الله ونعم الوكيل بهالبنية الحين خلصو الرياييل عشان تحطين عينج على زوج جارتج بس اهى الظاهر حاطه عينها على فلوس الريال بعد لان معيش زوجته بخير ما شاء الله

الله يهدى الريال لزوجته و عسى هالبنية ما تنال مبتغاها لانها داشة بطمع

بعدين شلون يقبل بوحده ….تروح لشقق!!

استغفر الله

معناتها مذهبا وسيع….

الا اذا كانت حاطتله شي ما يشوف و لا يسمع

والله مو عارفة شقول لج واحشني

مصيبة هذه قاعدة تخطط على الريال وشكلها يابت راسه

والله حرام الي تسويه تخرب بيت وتهدمه

انا مو عارفة شلون يفكرون هالبنات شلون تبني سعادتها على خراب أسرة وناس تدعي عليها من كل صوب

هذه ما تخاف من دعاة المظلوم ما تخاف تيييها حوبة هالمسكينة الي ما تعرف عن هوا دارها

والله موقفج صعب حبيبتي

الله يهديه ان شاء الله ويترك عنه هالنزوة

مشكوره حبيبتي على الرد وماادري كيف معميته وضاحكه عليه

والله بنات ابليس زادوا الله لا يبلانا و يحفظ ازواجنا منهم

والله لا يوفقها لا دنيا و لا آخره اللي تخرب ريال متزوج على بيته

لا حول ولا قوة الا بالله

الله يهديه ويرجعه للمسكينه زوجته والله يابنات من القهر ماني قادره افكر مااقول الا الله لايسامح هالبنت

استغفر اللله ياربي الله لايبلاناااا..

اميييييييييييييييييييين يارب

لا حول ولا قوة إلا بالله العلي العظيم

مشكورين بناااات على الردود وحسبي الله على كل وحده تسوي سواتها